लूका 4:34 - थुलुङ राई

³⁴ “ए नासरतडाम येशू, गुकुलाई गानी हाम बोमु माल्‍निमिम? हाम गानी गुकुलाई पुयु़ लुबेड्‌डा रोक्‍निम? गानी माम्‍चु़नीकु नङका साट्‌मा मु़चु़ बुनी र्‍वाक्‍पा गो छेनिनी।”

लूका 4:34 Referans Kwoze

याकूब 2:19

माम्‍चु़नी कोले कोङङा बुमी र्‍वाक्‍साका गानी थो़र लु़नी, मेराम जो़पाङा सो़। मुनाङपेलमिमका वो मेराम थो़रलु़मी, मा उनी ङिमुका रुडु़मी।

मर्कूस 1:24

मेरामका येत्तोङा येशूनुङ र्‍वाक्‍ता, “ए नासरतडाम येशू, गुकुनुङ गानी हाम माल्‍निमिम? हाम गानी गुकु पुयु़लुबेड्‍डा रोक्‍निम? गानी माम्‍चु़नीकु सेपाचो़ र्‍वाक्‍साका गो जो़होमका छेनिनी।”

मत्ती 8:29

मेर्चिपका डोक्‍पु लो़लामका आरे र्‍वाक्‍तो येमु चो़म्‍ची, “माम्‍चु़नीकु तारापाचो़, गानी गुचुकुलाई हाम बोमु माल्‍चिकिनिमिम? हाम माम्‍चु़नीका मुलु़ बेम्‍डिम थारीडाम वो ङादोङा गानी गुचुकुलाई दु़खा ग्‍वाप्‍डा रोक्‍निम?”

थु़र्मा 3:14

लावो गानी ने माम्‍चु़नीकु नङका साट्‌मा नुङ माम्‍चु़नीकु न-गोनुङमा येशूलाई डिन्‍मु मेबिन्‍सिट्‌निवा, मा मु़चु़ सेट्‌पालाई डिन्‍बेट्‌नी,

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।

लूका 4:41

हापा मु़चु़मिमलामका मुनाङपेल आरेसाका येत्तो लुम्‍डी, “गानी माम्‍चु़नीकु तारापाचो़ सो़।” लावो येशूका मे मुनाङपेलमिमलाई को सि वो जेमु मेग्‍वाक्‍मिवा, हेङालोने मेर्मिमका गुमी ख्रीष्‍ट र्‍वाक्‍साका छेट्‌मिडिम बाइडा।

लूका 1:35

पाह्रीचो़का गुनुङ र्‍वाक्‍ता, “माम्‍चु़नी-पेल गानाडला योमी, मा खोत्‍लेडाम घ्‍ल्‍वापा माम्‍चु़नीकु यु़म गानागोडा दु़म। मेम्‍मिमका मे गक्‍पा चो़च्‍चो़ सेपा दु़म्‍मी, मा गुमीलाई माम्‍चु़नीकु तारापाचो़ र्‍वामी।

रेम्‍बेट्‌मिडिम ल्‍वा 20:2

गुका मे डोमिफु चु़म्‍डु़मा को धु़म सङ थसम्‍म बड्‌डु़। डोमिफु ने माकेम ब्‍लो लोवो मुनाङपेलकु हप लोवो शैतान सो़।

१ यूहन्‍ना 3:8

उहेम मु़चु़का छु़ल बु़ मेराम शैतान सो़, हेङालोने शैतानका सु़म्‍दिमोलोमङा छु़ल बेत्तो गेड्‌डाम सो़। शैतानकु ओराम खारी छो़रो़प बोमु लागि माम्‍चु़नीकु तारापाचो़ रेम्‍बेम्‍सिम्‍डिम सो़।

हिब्रू 2:14

माम्‍चु़नीकु जाउमो तारापाचो़मिमकाम आरेप्‍माम मिरो़म बु, मेराम मिरो़म सिमिमका येशू वो मेर्मिम होप्‍माम मु़चु़ दु़म्‍मिडी। मेम्‍साकाङा गुमी सिम्‍डी मा सिमुलाम रेट्‌पा शैतानडला घ्‍ल्‍वाम्‍डी,

थु़र्मा 16:39

मेर्मिम झ्‍यालखानडा रोम्‍डिमा पावल, सिलासनुङ पाचो बिम्‍डी। पाखानो फिड्‌मिडिचिमा मेराम शहरलामका वाङथो़ लक्‍नी र्‍वाम्डिम-र्‍वाम्‍डिम ङा बेम्‍डी।

थु़र्मा 4:27

“हेङालोने गानी थुट्‌निमा इनी नङका साट्‌निम इनी डु़ल्‍चो़ येशूकु कोर्थो़लाम हेरोद नुङ पन्‍तियस पिलातस, वाङसामामिम नुङ इस्राएलीमिम ओराम शहरडा ङा खोम्‍सिम्‍डिम बाइडा।

थु़र्मा 2:27

हेङालोने गानी गोलाई सु़लु़मगोनो मेर्पाजो़ल्‍ङिनी, गानी इनीमा नङका साट्‌माकु मिरो़म झिम्‍मु मेग्‍वानी,

लूका 8:37

गेरासेनस इलाकाडाम खोत्‍ले मु़चु़मिमका येशूलाई मेर्मिमकु इलाका डिट्‌निमा लक्‍ल्‍याट्‌नी र्‍वाम्‍डिम-र्‍वाम्‍डिम ङा बेम्‍डी, हेङालोने मेर्मिम छो़म ङिम्‍डिम बाइडा। मेम्‍मिमका येशू कुबी-बोक्‍साडला हुम्‍डिमा ख्‍लोम्‍सिम्‍डी।

लूका 8:28

मेराम मु़चु़का येशूलाई ल्‍वास्‍तु़मा उनी खेलफारयु़ खुम्‍बु बु़डु़, मा डोक्‍पु लो़लामका र्‍वाक्‍ता, “खोत्‍लेडाम घ्‍ल्‍वापा माम्‍चु़नीकु चो़ येशू, गानी गोनुङ हाम बोमु माल्‍निमिम? गो गानीनुङ र्‍वाङु, गोलाई दु़खा मेग्‍वाङनी।”

मर्कूस 5:7

मेकोतिमा मेरामका डोक्‍पु लो़लामका येत्तोङा र्‍वाक्‍ता, “खोत्‍लेडलाम साखामनुङमा माम्‍चु़नीकु चो़ येशू, गानी गोलाई हाम बोमु माल्‍ङिनिमिम? गो माम्‍चु़नीकु नङडा र्‍वाङु, गोलाई दु़खा मेग्‍वाङनी।”

मर्कूस 1:34

वाङ-वाङमी सोमोरीनुङमा छो़म सेर्पा मु़चु़मिमलाई येशूका सबेट्‌मिडी। मेकोतिमा छो़म सेर्पा मुनाङपेलमिम वो ख्‍लुम्‍डिमी। लावो येशूका मे मुनाङपेलमिमलाई जेमुङा मेग्‍वाक्‍मिवा, हेङालोने मेर्मिमका येशू सु़ र्‍वाक्‍साका छेट्‌मिडिम बाइडा।

लूका 4:33

मे घ्रो़म्‍दीनेमगोडा मुनाङपेलका हुपा कोले मु़चु़ बाइडा। मेराम मु़चु़ डोक्‍पु लो़लामका येस्‍तामा येशूलाई र्‍वाक्‍ता,