लूका 4:23 - थुलुङ राई

²³ येशूका मेर्मिमलाई र्‍वाम्‍डी, “आच्‍छाङा गानी गोलाई ओराम सीसि सो़म्दी र्‍वानी: ‘ए वैद्य, गाना इ त्‍वाका इ त्‍वापलाई ङा सबेडा। कफर्नहुमडा हा-हाम बेन्‍नाम गुकु थो़त्तोको मेराम होप्‍माम हेल्‍लो वो मेल्‍वाम्‍मा खारी आसिन्‍डा इमा शहरडा वो बे’।”

लूका 4:23 Referans Kwoze

मर्कूस 6:1

येशू मेलामका उनी त्‍वाकु देलडा लम्‍डी, मा उनी सीसिपामिम वो गुमीनुङङा लम्‍डी।

मत्ती 4:13

गुमी नासरतथो़ लम्‍डी, मेम्‍मा कफर्नहुम शहरथो़ लम्‍डी। ओराम शहर गालील क्षेत्रडाम दिरिदिन फार्डाम जबूलून नुङ नप्‍तालीकु बायडा बेडु़।

२ कोरिन्‍थी 5:16

मेम्‍मिमका सु़म्‍दिसेरडाम मु़चु़मिमकु रेप्‍सी होम्‍साका आथाडा आनो गुकु सु़लाई वो मेरेम्‍कु। कोबिलि ख्रीष्‍टलाई आरेसाकाङा रेप्‍तोको लावो आथाडा आनो गुमीलाई मेम्‍साका मेरेम्‍कु।

यूहन्‍ना 4:28

मे मेसेमका उ लिप मेसिन्‍डाङा पार्जो़ल्‍लु़मा देलथो़ ख्‍लोसिड्‌डा। मेम्‍मा मु़चु़मिमनुङ र्‍वाक्‍ता,

लूका 6:42

गानी इनी त्‍वाकु मिक्‍सीडा कार्तासिट्‌पा डोक्‍पु सङ ने मेल्‍वानी माला हेसाका इनी त्‍वाकु वा-ल्‍वाकलाई, ‘ए छारी, इमा मिक्‍सीडाम कति कल्‍पा सप्‍लेप्‍ता गो थान्‍सानिनी’ र्‍वामु चाम्‍नी? गानी मु़चु़कु ङादोडा जो़पा लिसिक्‍पा मु़चु़नी, ङादो इनी मिक्‍सीडा कार्तासिट्‌पा डोक्‍पु सङ ख्‍लुक्‍निमा पार्नी, मेम्‍मा इनी वा-ल्‍वाककु मिक्‍सीडा बाट्‌पा कति कल्‍पा सप्‍लेप्‍ता जो़होमका ल्‍वानिमा पार्सामु चाम्‍नी।

लूका 4:16

गुमी नासरत देलडा रोम्‍डी। मेसिन्‍डा गुमी बर्मिडिम बाइडा। गुमी ङादो आथाममिम उनी बादीखाम होम्‍साका ङेम्‍सिमुनेम घ्रो़म्‍दीनेमडा लम्‍डिमा माम्‍चु़नीकु सिजेम डान्‍मु लागि गुमी येम्‍सिम्‍डी।

मत्ती 13:54

गुमी उनी त्‍वाकु देल नासरतडा ख्‍लोम्‍सिम्‍डी। गुमीका मेसिन्‍डाम घ्रो़म्‍दीनेमगोडा सीट्‌मिडिलो खोत्‍ले मु़चु़मिम ङाङाया दु़म्‍मिडिमा र्‍वाम्‍डी, “आरेप्‍माम नेप्‍ची नुङ हेल्‍लो वो मेल्‍वाम्‍मा खारी बेपा यु़म ओरामका बालामका ल्‍वास्‍तु़?

मत्ती 4:23

येशूका घ्रो़म्‍दीनेममिमबाडे सीत्तो नुङ माम्‍चु़नीकाम किब्‍दीकु दुथाम जो़पा-सेला थो़बेत्तो, मा खोत्‍ले खालकाम सोमोरी नुङ नो़पा मु़चु़मिमलाई सबेत्तो गालीलडाम खोत्‍लेथो़ खिर्सिम्‍डी।

लूका 2:39

मेर्चिपका मिप्रङमाकु डु़म्‍ला होम्‍साका खोत्‍ले खारी बोमु दु़म्‍ची। मेकोतिमा मेर्चिप उची चो़ येशूनुङ गालीलडाम नासरत शहरडा बाट्‌पा उची नेमडा ख्‍लोसिक्‍ची।

लूका 2:51

मेकोतिमा गुमी उनी माम-पापनुङ उनी नेम बाट्‌पा नासरत शहरथो़ ख्‍लोसिम्‍डी, मा उनीमा माम-पापका र्‍वाक्‍चिम होम्‍साका बेम्‍डी। उनीमा मामका हा-हाम दु़स्‍ताम मेर्मिम खोत्‍ले ल्‍वा उमा नडा जु़ल्‍थाड्‌डु़।

लूका 4:31

मेकोतिमा येशू गालीलडाम कोले कफर्नहुम शहरयु़ योम्‍डी। मेम्‍मा ङेम्‍सिमुनेम गुमीका मु़चु़मिमलाई सीमु चो़म्‍मिडी।

लूका 4:35

मेकोतिमा येशूका मे मुनाङपेललाई साखामनुङ भुर्मिडिमा र्‍वाम्‍डी, “लिवा बाया, मेरामलामका लुक्‍ल्‍याडा।” मेकोतिलोङा मेराम मु़चु़लाई सेर्पा मु़चु़मिमकु थेतेडा लेप्‍बोक्‍जो़ल्‍लु़, मा मुनाङपेल लुक्‍तामा लस्‍ता। लावो मेराम मु़चु़लाई हाम वो मेदु़प्‍सावा।