लूका 4:20 - थुलुङ राई

²⁰ गुमीका मेकोतिङा डाट्‌मिडिमा मेराम खाजेम गुमीलाई ग्‍वाक्‍पा मे घ्रो़म्‍दीनेमडाम डु़ल्‍चो़लाई ख्‍लोम्‍साम्‍डी, मा गुमी गन्‍मिडी। घ्रो़म्‍दीनेमगोनो बाट्‌पा मु़चु़मिमका गुमीलाई रेम्‍थाम्‍डी।

लूका 4:20 Referans Kwoze

लूका 4:17

गुमीलाई माम्‍चु़नीलाम-जेपा यशैयाका र्‍याक्‍तु़म खाजेम डान्‍मु लागि ग्‍वाम्‍डी। मेकोतिमा मेराम खाजेम ह्‌वाम्‍डी, मा मेगोडा ओराम र्‍याक्‍मा ख्‍लुम्‍डी,

यूहन्‍ना 8:2

उ दिकाम नेम सोसोका गुमी सो़रनेमडा लम्‍डी, खोत्‍ले मु़चु़ उनीमाडा खोम्‍सिम्‍डी। मेम्‍मा गुमी गन्‍मिडिमा मेर्मिमलाई सीमु चो़म्‍मिडी।

लूका 19:48

मेमङा लोवो मेर्मिमका गुमीलाई सेन्‍मु बासिक्‍पा ल्‍वा हाम वो मेडार्मिवा, हेङालोने खोत्‍ले मु़चु़मिमका गुमीका सीट्‌मिडिम ल्‍वा न सोक्‍साका जो़होमका थो़म्‍थाल्‍मिडी।

लूका 5:3

मे नले कुबी-बोक्‍साचिपडा कोले ने सिमोन पत्रुसकाम बाइडा। मेराम कुबी-बोक्‍साडा येशू हुम्‍डिमा दिरिदिनकु सो़पलामका किचो़ होनोक्‍थो़ गुलाई लबेट्‌मिडी। गुमी मे कुबी-बोक्‍साडला गन्‍मिडिमा सेर्पा मु़चु़मिमलाई सीमु चो़म्‍मिडी।

मत्ती 26:55

मे सेर्पा मु़चु़लाई येशूका र्‍वाम्‍डी, “हाम गो कोर्थो़लाम बक्‍पा ङिमलु़पा मु़चु़ मा! कातु़रु़मिम नुङ डु़लु़म्‍चो़मिम रेसाका गोलाई चु़म्‍डा रोक्‍निम? गानी गोलाई हेङा सो़रनेमगोडा मेचु़म्‍ङिनिवा? सीत्तो हेल्‍लो लोवो गो मेसिन्‍डाङा बाङडोम बाइडा।

थु़र्मा 16:13

ङेम्‍सिमुनेम गुकु ब्‍लोकुथो़ लक्‍पा शहरकु पाखालाममिम लाम्‍चोकोलाम लक्‍तोको। सो़म्‍दी बेखोप खोम बु र्‍वाक्‍पा मिम्‍सित्तोकोमा गुकु मेसिन्‍डा लक्‍तोको, मा मेसिन्‍डा खोम्‍सिक्‍पा मेसेममिमनुङ ल्‍वा जेमु चो़म्‍तोको।

थु़र्मा 3:12

मेराम ल्‍वास्‍तु़मा पत्रुसका मेर्मिमनुङ र्‍वाक्‍ता, “ए इस्राएलडाम मु़चु़नी, ओराम लाम्‍दिइडाम ल्‍वान्‍निमा हेङा गानी ङाङाया दु़म्‍निमा गुचुकुथो़ रेम्‍थानिमिम? गुचुकु आचीमा यु़मका नुङ माम्‍चु़नीकु सो़रलोले जो़होमका बेच्‍चोकोमका ओराम मु़चु़ लाम्‍दिइडाम र्‍वाक्‍पा मिम्‍थानिमिम?

मत्ती 27:60

मेम्‍मा गुका भ्‍र्‍वागोनो धासाका उ त्‍वाकाम लागि बनेबु़डु़म लाले सु़लु़मगोनो मे सिप्खा जु़ल्‍लु़। सु़लु़मगोनो हुखोपडा गुका डोक्‍पु ख्रेमलुङ रिल्‍साका ख्रेप्‍जो़ल्‍लु़, मा लस्‍ता।

लूका 4:21

मेकोतिमा गुमीका मेर्मिमलाई र्‍वामु चो़म्‍मिडी, “माम्‍चु़नीकु र्‍याक्‍मा सिजेम आनेप गो डात्तोलो गानी थो़न्‍नी होङङा मेराम होम्‍साका रोक्‍थिड्‌डाम बु।”