16 गुमी नासरत देलडा रोम्डी। मेसिन्डा गुमी बर्मिडिम बाइडा। गुमी ङादो आथाममिम उनी बादीखाम होम्साका ङेम्सिमुनेम घ्रो़म्दीनेमडा लम्डिमा माम्चु़नीकु सिजेम डान्मु लागि गुमी येम्सिम्डी।
उ बादु़खाम होम्साका पावल घ्रो़म्दीनेमगोनो हुङ्डा, मा सु ङेम्सिमुनेमसम्म मेर्मिमलाई सीत्तो मेसिन्डा बाइडा। गुका माम्चु़नीकु सिजेमलामका,
मा नासरत र्वाक्मा देलडा बाइडा। माम्चु़नीलाम-जेपामिमका आरेसाका र्वाम्डिम रोक्थिड्डा: “गुमीलाई नासरी र्वामी।”
मेकोतिमा गुमी उनी माम-पापनुङ उनी नेम बाट्पा नासरत शहरथो़ ख्लोसिम्डी, मा उनीमा माम-पापका र्वाक्चिम होम्साका बेम्डी। उनीमा मामका हा-हाम दु़स्ताम मेर्मिम खोत्ले ल्वा उमा नडा जु़ल्थाड्डु़।
येशू को-न (१२) थकाम दु़म्मिडी, मा ङादो बेम्खेम्डिम होम्साका येशू नुङ उनीमा माम-पाप चाड मानेबोमु लागि यरूशलेम लम्डी।
येशूका र्वाम्डी, “सु़म्दिसेरडा खोत्लेकु ङादोडा गो जेङडोम बु। यहूदीमिम खोम्सिमिमिम घ्रो़म्दीनेममिम नुङ सो़रनेमबाडे गो हेल्लो लोवो सीत्तोमी। थसिक्साका गो हाम वो र्वाङडोम मिबु।
मेकोतिमा गुमीका मेर्मिमलाई र्वामु चो़म्मिडी, “माम्चु़नीकु र्याक्मा सिजेम आनेप गो डात्तोलो गानी थो़न्नी होङङा मेराम होम्साका रोक्थिड्डाम बु।”
मेर्चिपका मिप्रङमाकु डु़म्ला होम्साका खोत्ले खारी बोमु दु़म्ची। मेकोतिमा मेर्चिप उची चो़ येशूनुङ गालीलडाम नासरत शहरडा बाट्पा उची नेमडा ख्लोसिक्ची।
गुमीका मेर्मिमकु घ्रो़म्दीनेमबाडे मु़चु़मिमलाई सीमु चो़म्मिडी, मा खोत्लेका उनीमा नङ कोम्डी।
गुमीलाई माम्चु़नीलाम-जेपा यशैयाका र्याक्तु़म खाजेम डान्मु लागि ग्वाम्डी। मेकोतिमा मेराम खाजेम ह्वाम्डी, मा मेगोडा ओराम र्याक्मा ख्लुम्डी,
येशूका मेर्मिमलाई र्वाम्डी, “आच्छाङा गानी गोलाई ओराम सीसि सो़म्दी र्वानी: ‘ए वैद्य, गाना इ त्वाका इ त्वापलाई ङा सबेडा। कफर्नहुमडा हा-हाम बेन्नाम गुकु थो़त्तोको मेराम होप्माम हेल्लो वो मेल्वाम्मा खारी आसिन्डा इमा शहरडा वो बे’।”