लूका 3:22 - थुलुङ राई

²² मा माम्‍चु़नी-पेल तुक्‍तुकुर होङ्‍ङा बेपा गुमीडला योम्‍डी। मेम्‍मा पाह्रीलामका आरे र्‍वाक्‍पा लो़लाम जेस्‍ता, “गाना गो छो़म द्‌वानिमिम आमा तारापाचो़, गानाडाम गो छो़म गेर्सिद्‌वाक्‍पा बुङु।”

लूका 3:22 Referans Kwoze

यूहन्‍ना 1:32

यूहन्‍नाका आरे र्‍वाक्‍तो सो़यु़डु़, “माम्‍चु़नी-पेल पाह्रीलामका तुकतुकुर होङङा बेपा योम्‍डिमा गुमीडला गन्‍मिडिम गो ल्‍वाउतो।

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”

१ पत्रुस 2:4

ङाचो़ येशूडा रोक्‍नी, गुमी नु़बेट्‌पा लुङ सो़। गुमीलाई मु़चु़मिमका पार्मिडिम लुङ लावो माम्‍चु़नीका छेट्‌मिडिम मा छो़म डोक्‍पु मिम्‍मुका घ्रेट्‌पा बुमी।

मत्ती 12:18

“गो छेत्तोम आमा डु़ल्‍चो़ आसिन्‍डा बु, गुलाई गो द्‌वाक्‍पु, मा गुनुङ गो गेर्सिद्‌वाक्‍पा बुङु, गो आमा पेलका गुलाई लु़ट्‌पु, मा गुका खोत्ले सामाकाम मु़चु़मिमलाई मेर्मिम सेल्‍सिमिमिमकु दुथाम सो़यु़।

कलस्‍सी 1:13

गुमीका गुइलाई तुकुम्‍चिम गोडा साखाम थो़पा शैतानकु किब्‍दीलामका गेसाका ख्‍लुक्‍साड्‌डामी मा उनीमा द्‌वादीबुङ तारापाचो़कु किब्‍दीगोडा रेसाड्‌डामी।

लूका 4:21

मेकोतिमा गुमीका मेर्मिमलाई र्‍वामु चो़म्‍मिडी, “माम्‍चु़नीकु र्‍याक्‍मा सिजेम आनेप गो डात्तोलो गानी थो़न्‍नी होङङा मेराम होम्‍साका रोक्‍थिड्‌डाम बु।”

मत्ती 27:43

ओरामका माम्‍चु़नीडा थो़र बु़। माम्‍चु़नीका न बोमी माला ओरामलाई ओम्‍लोङा फ्‍वामिनु़। हेङालोने ओरामका ‘गो माम्‍चु़नीकु चो़’ र्‍वाक्‍ताम बाइडा।”

मत्ती 3:13

मेकोतिमा यूहन्‍नालामका कु-रु़दु़म रप्‍डा येशू गालीललामका यर्दन ब्‍लोकुडा रोम्‍डी।

मत्ती 3:16

येशूका कु-रु़दु़म रम्‍डिमा पाखाला लुङगेम्‍डी, मेकोतिलोङा पाह्री ह्‌वासिड्‌डा मा गुमीका माम्‍चु़नी-पेल तुक्‍तुकुर होङङा बेपा योक्‍तोङा लेट्‌पा मा गुमीडला गन्‍तोङा बेपा ल्‍वाम्‍डी।

मर्कूस 1:9

मेकोतिलो येशू गालीलडाम नासरतलामका बिम्‍डी, मा यूहन्‍नालामका यर्दन ब्‍लोकुडा कु-रु़दु़म रम्‍डी।

मर्कूस 1:11

मेकोतिमा पाह्रीलामका कोले लो़लामका आरे र्‍वाक्‍ता, “गाना गो छो़म द्‌वानिमिम आमा चो़, मा गानानुङ गो छो़म गेर्सिट्‌पा बुङु।”

मर्कूस 9:7

मेकोतिमा मेसिन्‍डा खासे रोक्‍तामा मेर्मिमलाई हुप्‍डु़मी, मा खासेलामका कोङ लो़लामका र्‍वाम्‍डी, “ओराम गो छो़म द्‌वाक्‍पुमिम आमा चो़, ओरामका र्‍वामिम थो़नी।”

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

यूहन्‍ना 5:37

गोलाई थु़र्पा पाप उनी त्‍वाकाङा आमा दुथाम सो़म्‍डी। उनीमा लो़लाम गानी हेल्‍लो वो थो़न्‍निम मिबु, मा उनीमा ङाली हेल्‍लो वो ल्‍वान्‍निम मिबु।

यूहन्‍ना 12:28

ए पाआ, गानी हाङकोम यु़म-झ्‍वासिक्‍पा बुनी र्‍वाक्‍पा रेम्‍बेनी।” मेकोतिमा पाह्रीलामका कोले लो़लामका र्‍वाक्‍ता, “गो ओराम यु़म-झ्‍वाक्‍तोम बु, मा आथावो ओराम यु़म-झ्‍वाक्‍पु।”