लूका 3:16 - थुलुङ राई

¹⁶ मेकोतिमा यूहन्‍नाका मेर्मिमलाई सि ख्‍लोक्‍साक्‍तो आरे बु़डु़मी, “गो गानीलाई कु-रु़दु़म ग्‍वानिनी। लावो गोडाम घ्‍ल्‍वापा कोले रोक्‍तोङा बोमी। उनीमा सो़लो़पकु साले फ्रोमु घ्रेट्‌पा वो गो ने मेबुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

लूका 3:16 Referans Kwoze

थु़र्मा 1:5

यूहन्‍नाका ने कु-रु़दु़म ग्‍वाक्‍तु़मी, लावो आनेपकु कोलेम-नलेमका गानी माम्‍चु़नी-पेलकु रु़दु़म रनी।”

मत्ती 3:11

“गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

यूहन्‍ना 1:33

गुमीलाई आथावो गो छेत्तोमिम मेबायावा, लावो कु-रु़दु़म ग्‍वाका र्‍वाक्‍साका थु़र्पा माम्‍चु़नीका गोलाई आरे र्‍वाम्‍डी, ‘पेल उहेम मु़चु़डला योमिमा गन्‍मिमिम ल्‍वाना, गुमीकाङा माम्‍चु़नी-पेल-रु़दु़म ग्‍वाकु़मी।’

यूहन्‍ना 1:26

यूहन्‍नाका मेर्मिमलाई र्‍वाक्‍ता, “गो ने कु-रु़दु़म ग्‍वाक्‍पुमी, लावो गानीगोडा कोले मु़चु़ बुमी गुमीलाई गानी मेछेनी।

१ कोरिन्थी 12:13

गुइ यहूदी लोवो ग्रीक लोवो, डु़ल्‍चो़ लोवो त्‍वाकु साखाम गोडा बाट्‍पा लोवो गुइ कोलेङा माम्‍चु़नी पेललामका कोले मिरो़मडा कु-रु़दु़म रङ्‌डिम बु। मेम्‍मा गुइ खोत्‍लेका कोलेङा माम्‍चु़नी-पेल ल्‍वास्‍तिम बु।

थु़र्मा 2:33

माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।

यूहन्‍ना 7:38

उहेम मु़चु़का गोडला थो़र बु़, माम्‍चु़नीकु सिजेमका र्‍वामिम होङङा मेसिपा त्‍वारो़म ग्‍वाक्‍पा कोर्कु मेरामकु गोलामका पु़डु़।”

थु़र्मा 10:44

पत्रुसका ओर्मिम ल्‍वा जेत्तो बु़डु़ होङ्‍ङा सिजेम थो़पामिम खोत्‍लेडला माम्‍चु़नी-पेल योम्‍डी।

मत्ती 3:12

स्‍याक्‍पा उनी स्‍वाफेमका जेप्‍सेर स्‍यामुङा खाप्‍मिमिम बु। मेम्‍मा गुमीका उनी देल्‍फु जो़होमका छिमी मा उनी जेप्‍सेर छेदेनेमडा खोप्‍साका जु़ल्‍मी, लावो होक्‍ते ने हेल्‍लो वो मेसिपा मुगोडा चामी।”

यूहन्‍ना 1:27

गोडाम चङडा रोक्‍पा मु़चु़ गुमीङा सो़। उनीमा सो़लो़पकु साले फ्रोमु वो गो ने घ्रेटपा मेबुङु।”