लूका 3:11 - थुलुङ राई

¹¹ यूहन्‍नाका मेर्मिमलाई र्‍वाक्‍ता, “उहेमनुङ नले माक्‍ते बु, मेरामका मेबाट्‌पालाई ग्‍वाक्‍नु़, मा उहेमनुङ पोमुडुमु बु, मेरामका वो मेम ङा बु़नु़।”

लूका 3:11 Referans Kwoze

१ यूहन्‍ना 3:17

कोङनिम मु़चु़नुङ सु़म्‍दिसेरडाम खाप्‍चीमिम बु मा थो़र लु़पा वा-ल्‍वाक खेरेला दु़म्‍पा ल्‍वासु़, मा वो मे वा-ल्‍वाकडला उ थो़म मेभ्रो़ माला माम्‍चु़नीकु रिखाम हेसाका गुगोडा दु़म मा?

१ तिमोथी 6:18

मेर्मिमका जो़पा खारी बोमिनु़, मा जो़पा खारीलाम खाप्‍चीचो़, खेरेला दु़म्‍पामिमडला न-थो़मनुङमा दु़म्‍साका छो़म ग्‍वा-ग्‍वा द्‌वाक्‍पा दु़म्‍मिनु़।

लूका 18:22

ओराम ल्‍वा थो़म्‍डिमा येशूका मेरामलाई र्‍वाम्‍डी, “गाना आथावो कोले ल्‍वा बोमुबासिक्‍पा बु। गानानुङ बाट्‌पा खोत्‍ले इ खाप्‍ची भ्रेडामा उनी हाम वो मेबाट्‌पा मु़चु़मिमलाई मेराम खउलुङ ग्‍वाकामी। मेम्‍मा पाह्रीला गाना खाप्‍ची ल्‍वाना, मा बिका मा आमा चङचङ लाम्‍दिया।”

१ यूहन्‍ना 4:20

कोङनिम मु़चु़का “माम्‍चु़नीलाई गो रिखाम बेउ” र्‍वा लावो थो़र लु़पा वा-ल्‍वाकलाई मेद्‌वाकु़मी माला मेराम मु़चु़ लिमाचो़। हेङालोने मिक्‍सीका ल्‍वासिमिम मु़चु़मिमलाई रिखाम मेबी माला मिक्‍सीका मेल्‍वासिमिम माम्‍चु़नीलाई हेसाका रिखाम बि मा?

याकूब 1:27

माम्‍चु़नीकु ङादोडा जो़पा नुङ सेपा उनीमा सो़रलोले बेसी ने ओराम सो़: रेचो़कुपा नुङ अर्दोमेमिमलाई उनी दु़खा थारीका रेमु, मा सु़म्‍दिसेरडाम मेजो़पा ल्‍वामिमडाम त्‍वाप वाङ बुमु।

लूका 11:41

गानी उनी हाम वो मेबाट्‌पामिमलाई इनी न-गो ग्‍वाक्‍नी। मेम्‍मा इनीमा लागि खोत्‍ले छेको-छेको दु़म।

मत्ती 25:40

“मेकोतिमा हपका मेर्मिमलाई र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ओराम बेन्‍निमङा गानी गोलाई बेङ्‌डिनिम सो़।’

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

थु़र्मा 10:31

मा र्‍वाक्‍ता, ‘कर्नेलियस, माम्‍चु़नीका इमा सो़म्‍दी थो़म्डिम बु, मा उनी हाम वो मेबाट्‌पामिमलाई खाप्‍ची ग्‍वानामिम गुमीका मिम्‍मिडिम बु।

थु़र्मा 10:4

कर्नेलियसका पाह्रीचो़थो़ रेप्‍डु़म-रेप्‍डु़म ङा बु़डु़। गु छो़म ङिड्‍डामा र्‍वाक्‍ता, “गानी हाम र्‍वामु माल्‍नी ङाचो़?” पाह्रीचो़का र्‍वाक्‍ता, “माम्‍चु़नीका इमा सो़म्‍दी थो़म्डिम बु। गाना उनी हाम वो मेबाट्‌पा मु़चु़मिमलाई खाप्‍ची ग्‍वाक्‍नामिम गुमीका ल्‍वाम्‍डिम बु, मा गुमीका गानालाई मिम्‍थानामिमिम बु।

थु़र्मा 10:2

कर्नेलियस माम्‍चु़नीकु सो़रलोले बेपा मु़चु़ बाइडा। गु नुङ उ नेमडाममिम खोत्‍लेका माम्‍चु़नीकु ङिम जु़ल्‍थाल्‍मिडी। गुका उनी हाम वो मेबाट्‌पा मु़चु़मिमलाई छो़म खाप्‍ची ग्‍वाक्‍साका हेल्‍लो लोवो माम्‍चु़नीडा सो़म्‍दी बु़थाल्‍लु़।

यूहन्‍ना 13:29

हेङालोने कोङ-कोङका आरेप्‍माम मिम्‍मिडी, यहूदानुङ खउलुङकु फाजी बु, मा चाडकाम लागि चाहेदु़म्‍पा हाम-हुम भ्रेयु़नु़ रे उनी हाम वो मेबाट्‌पामिमलाई किचो़ ग्‍वाक्‍नु़मी र्‍वाक्‍साका येशूका र्‍वाम्‍डिम।

लूका 19:8

मेकोतिमा जखायस येस्‍तामा ङाचो़ येशूलाई र्‍वाक्‍ता, “रेप्‍नी, ङाचो़, गो आमा को फ्‍वा खाप्‍ची उनी हाम वो मेबाट्‌पा मु़चु़मिमलाई ग्‍वाक्‍पुमी, मा कोङनिम मु़चु़लामका कर फमु थारीका लु-फेले बेसाका रउतोम बु माला गो मेरामकाम ब्‍ल गुणा ख्‍लोक्‍साक्‍पु।”

एफिसी 4:28

खुपाका आथाडा आनो खुमु डिट्‌नु़ मा त्‍वाकाङा ब्राम्‍दु़ल्‍वा बु़नु़। मेम्‍मा खेरेला दु़म्‍पामिमलाई ग्‍वामु चाप्‍सु़नु़।

१ तिमोथी 6:17

ओराम सु़म्‍दिसेरडाम खाप्‍चीचो़मिमलाई डोक्‍पु मेलिम्‍सिमु बेमी, घरिकोङ ल्‍वापा खाप्‍चीडा मेएँ, लावो गुइलाई लिट्‌पा बेसाका खोत्‍ले मोमु ग्‍वाक्‍पा माम्‍चु़नीलाम ल्‍वापा न मेर्मिमका बोमिनु़।

याकूब 2:14

आमा वा-ल्‍वाकनी, कोङ मु़चु़का “गोनुङ थो़र बु” र्‍वा लोवो खारी मेबु़ माला मेराम थो़रका हाम जो़पा बु़ मा? हाम उ थो़रका मेराम मु़चु़लाई सेल्‍मु चाप्‍सु़?