लूका 24:6 - थुलुङ राई

⁶ गुमी ने आसिन्‍डा मेबुमी, सिमुलाम बम्‍गेम्‍डिम बु। गालीलडा बाम्‍डिलो गुमीका गानीनुङ आरे र्‍वाम्‍डिम ल्‍वा मिम्‍नी:

लूका 24:6 Referans Kwoze

लूका 9:22

मेकोतिमा गुमीका र्‍वाम्‍डी, “मिनीचो़का छो़म दु़खा ल्‍वासु़। ङाउमिमका, ङाउ डु़म्‍लाचो़मिमका मा यहूदीमिमकु डु़म्‍ला सीपा पातु़म्‍रीमिमका गुलाई मेद्‌वामिमा सेन्‍मी। लावो सुलेमनेम सिमुलाम गु बगे।”

मर्कूस 8:31

गुमीका आरे र्‍वाम्‍डिमा सीमु चो़म्‍मिडी, “ओराम मिनीचो़का छो़म दु़खा ल्‍वामु, थेट्‌पा चक्‍पामिम, ङाउ डु़म्‍लाचो़मिम नुङ पातु़म्‍रीमिमलामका नाप्‍छु़न्‍ला सो़सिमु, मा सेन्‍ला सो़सिमु बासी। मेकोतिमा सुलेम नेम सिमुलाम बम्‍गेमु बासी।”

मत्ती 28:6

गुमी आसिन्‍डा मेबुमी, गुमीका र्‍वाम्‍डिम होम्‍साका गुमी सिमुलाम बम्‍गेम्‍डिम बु। बिक्‍ची, उनी रो़म बाइडाम खोम रेप्‍ची।

लूका 9:44

“गो र्‍वाङुमिम ल्‍वा किङकिङया थो़नी वो, मिनीचो़ उ स्‍वाक्‍चिमो मु़चु़मिमकाडा भ्रेन्‍सिमु खाप्‍डु़म बु।”

मत्ती 27:63

मा र्‍वाम्‍डी, “ङाचो़, मेराम लुचो़ नु़पा बाइडालो ‘सुलेमका सिमुलाम बम्‍गेङु’ र्‍वाक्‍ताम आकी नडा बु।

मत्ती 16:21

गुमी यरूशलेम लमुङा बासिक्‍पा, मा ङाउमिमका, ङाउ डु़म्‍लाचो़मिमका नुङ डु़म्‍ला सीपा पातु़म्‍रीमिमका हापा ल्‍वालाम गुमीलाई दु़खा ग्‍वामी, गुमीलाई सेन्‍मी, लावो सुलेमनेम गुमी बम्‍गेट्‌मी र्‍वाक्‍साका मेम्‍लो आथाम येशूका उनी सीसिपामिममनुङ सो़मु चो़म्‍मिडी।

मत्ती 12:40

हेङालोने डोक्‍पु ङोकु ख्‍वाचेपगोनो योना सु नेम्‍फु-सिन्‍था बाइडा, मेम्साकाङा सुलेम नेम्‍फु-सिन्‍था मिनीचो़ वो सुबुगोयु़ दु़म।

मर्कूस 16:6

लावो मेरामका र्‍वाक्‍ता, “मेङिनी! गानी क्रूसडा चेट्‌मा नासरतडाम येशूलाई माल्‍निम बुनिम, मेएँ डे? गुमी ने आसिन्‍डा मेबुमी, गुमी ने सिमुलाम ख्‍लोम्‍सिमु दु़म्‍मिडिम बु। मेएँ माला रेप्‍नी, मेर्मिमका गुमीलाई आसिङा जु़ल्‍मिडिम बाइडा।

लूका 24:5

मे मेसेममिम छो़म ङिम्‍डिमा कुम्‍सिम्‍डी, लावो मेर्चिपका र्‍वाक्‍ची, “नु़पा मु़चु़लाई हेङा गानी सिपामिमगोडा माल्‍निमिम?

लूका 24:34

मा मेर्चिपका मेर्मिमनुङ सो़च्‍ची, “ङाचो़ येशू आच्‍छाङा सिमुलाम बक्‍साका सिमोनकाडा रेम्‍बेसिम्‍डिम रेछा।”

थु़र्मा 2:24

लावो गुमीलाई माम्‍चु़नीका सिमुकु दु़खालामका फ्‍वाक्‍साका फम्‍खेम्‍डी। हेङालोने सिमुका गुमीलाई बन्‍थामु मेचाप्‍सु़वा।

२ थेसलोनिकी 2:5

गो गानीनुङ बाङडोलो र्‍वाङडोम ओराम ल्‍वा हाम मेमिम्‍नी?