48 गानी ओर्मिम ल्वाकु दुथाम सो़पा मु़चु़ सो़।
मेकोतिमा गालीललामका यरूशलेमसम्म येशूनुङ कोयोङा लाम्दिपामिमनुङ हापा खेप गुमी रेम्बेम्सिम्डी। ओम्लो वो येशूकु दुथाम सो़पा मेर्मिम मु़चु़मिम इस्राएलीमिमगोडा बुमी।
गुकु ओर्मिम खोत्ले ल्वा आकी मिक्सीका ङा ल्वात्तोकोम बु, मा गुमीका र्वामिमिम थो़पामिमलाई माम्चु़नीका ग्वाम्डिम उनी पेलका वो मेराम सो़मी।”
ओराम येशूलाई ङा माम्चु़नीका सिमुलाम फम्डी, मेराम गुकु खोत्लेका ल्वात्तोकोम बु।
लावो माम्चु़नी-पेल गानीगोडा योमिमा यु़म ल्वानी। मेकोतिमा यरूशलेमडा, खोत्ले यहूदियाडा, सामरियाडा, मा सुबु बिर्खोपसम्म गानी आमा दुथाम सो़पा दु़म्नी।”
खोत्ले मु़चु़मिमकाडा ने मेएँ, लावो माम्चु़नीका येशूकु दुथाम सो़मु लागि थुत्तिकिमिम गुकुलाई खोत्लेडाम ङादो येशू सिमुलाम बम्गेम्डिम रेम्बेम्डी। गुमी बम्गेम्डिम चङ्डा गुकु गुमीनुङ पेत्तोको-डुत्तोको।
“येशूका यहूदिया नुङ यरूशलेमडा बेम्डिम खोत्ले खारी गुकु ल्वात्तोकोम बु। यहूदीमिमका गुमीलाई क्रूसडा चेसाका सेट्मिडी।
मा त्वारो़म ग्वाक्पा ङाचो़लाई गानी सेट्नी, लावो गुमीलाई माम्चु़नीका सिमुलाम फम्डी, मा गुकु मेराम आकी मिक्सीका ङा ल्वात्तोकोम बु।
यूहन्नाका कु-रु़दु़म ग्वाक्तु़म थारीका मा येशू गुइलाम पाह्रीथो़ कोम्सिम्डिम थारीसम्म गुइनुङ बाट्पा दु़म्मु बासी। मेम्मा येशू सिमुलाम बम्गेम्डिम ल्वापा दु़म्मु बासी।”
गानीगोडाम मण्डली रेपा ङाउमिमलाई गो छो़म र्वाङु, हेङालोने गो वो मण्डली रेपा कोले ङाउङा सो़। ख्रीष्टका दु़खा ल्वाम्डिम ल्वापा गो वो सो़, मा दिफु झ्वामिम उनीमा यु़म-झ्वाक्सी गो वो ल्वाउ।
थु़र्मामिम छो़म सोनुङमा दु़म्तो येशू सिमुलाम आच्छाङा बम्गेम्डिम ङा र्वाक्साका हेल्लो लोवो सो़मु चो़म्मिडी, मा मेर्मिमडला माम्चु़नीकु दिदाम छो़म डोक्पु बाइडा।
ङादो आथामङा गानी गोनुङ बुनिमिमका गानी वो आमा दुथाम सो़पा दु़म्नी।”
हेङालोने उनीमा दुथाम गाना हाम ल्वान्नाम, थो़न्नाम बु, मेर्मिम खोत्ले मु़चु़मिमकु ङादोडा गाना सो़पा दु़म्ना।
