लूका 24:46 - थुलुङ राई

⁴⁶ गुमीका मेर्मिमलाई र्‍वाम्‍डी, “माम्‍चु़नीकु सिजेमडा ओराम र्‍याक्‍मा बु: ‘ख्रीष्‍टका छो़म दु़खा ल्‍वामुमा सिमु बासी, मा सुलेमनेम सिमुलाम बम्‍गेमु बासी,

लूका 24:46 Referans Kwoze

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

लूका 24:7

‘मिनीचो़ छु़लचो़ मु़चु़मिमकु ल्‍वाडा भ्रेन्‍मी, मा गुलाई क्रूसडा चेन्‍मी। मेम्‍मा सुलेमनेम सिमुलाम बगे।’”

थु़र्मा 17:3

ख्रीष्‍टका दु़खा ल्‍वासाका सिम्‍डी। मेम्‍मा सिमुलाम बम्‍गेम्‍डी र्‍वाक्‍पा मेर्मिमनुङ रेम्‍बु़डु़। मेकोतिमा गुका र्‍वाक्‍ता, “ख्रीष्‍टकु दुथाम गो गानीनुङ सो़उहोम बुङुमिम गुमी येशू ङा सो़।”

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

मत्ती 26:24

मिनीचो़ ने माम्‍चु़नीकु सिजेमका र्‍वाक्‍ताम होम्‍साका सिमुङा बासी। लावो मिनीचो़लाई भ्रेट्‌पा ने हाउरेमा! मेराम मु़चु़ ने मेगक्‍सावामङा उमा लागि जो़पा दु़प्‍सावा।”

यूहन्‍ना 20:9

हेङालोने येशू सिमुलामका बम्‍गेमुङा बासी र्‍वाक्‍पा माम्‍चु़नीकु सिजेम मेर्मिमका आथावो थेसिथेट्‌मिडिम मेबायावा।