39 आमा ल्वा नुङ खेलडा रेप्नी, मा गो ङा सो़, मेङिनी। लु़प्ङिनी, मा रेप्नी। हेङालोने मुनाङकाम ने सो़ नुङ सेर मेदु़म, लावो आमा ने बुमिम गानी ल्वात्तोङा लेनी।”
मेम्मा गुमीका थोमालाई र्वाम्डी, “इमा ब्रेप्चो आसिन्डा फिका, मा आमा ल्वा रेप्डा। इमा ल्वा फिडामा आमा फेटफेटगोनो फिका। इमा नडा मेमुर्सा, थो़रलु़या।”
सु़म्दिमोलो आथामङा बाट्पा कोले, गुमीलाई गुकु ल्वात्तोकोम थो़त्तोकोम बु। गुकु आकी मिक्सीकाङा गुमीलाई ल्वात्तोकोम बु, मा आकी ल्वाकाङा गुमीलाई लु़प्तोकोम बु। गुमी येशू ख्रीष्ट, त्वारो़म ग्वाक्पा सिजेम।
अकोति र्वाम्डिमा गुमीका मेर्मिमलाई उनी ल्वा नुङ फेटफेट रेम्बेट्मिडी। ङाचो़लाई ल्वाम्डिमा सीसिपामिम छो़म गेर्सिद्वाम्डी।
न-गो भ्रसिबेट्पा माम्चु़नीका खोत्लेडा गानीलाई सेपा दु़म्बेन्मिनु़। मेम्मा खोत्ले इनीमा मिरो़म, न-गो, साम ङाचो़ येशू ख्रीष्ट योमिलोसम्म हाम वो मेख्लो़ट्पा दु़म्बेन्मिनु़।
मेम्मा आथावो, गुइ खोत्लेलाई सीपा-चेपा खोत्लेकाम सुबुडा पापमिम बाम्डी मा मेर्मिमलाई गुइ डोक्पु मिम्डिम बाइडा। हाम मेरामडाम वो हापा इकीमा पाह्रीलाम पापकु ल्वाड्डा बासाका गुइ त्वारो़म डार्मु मेचाप्सि मा?
मेम्मिमका वाङमिम सीसिपामिमका गुनुङ र्वाम्डी, “गुकु ङाचो़लाई ल्वात्तोको।” लावो गुका र्वाक्ता, “गो उनीमा ल्वाडा काँटीकु पार मेल्वाथु़म नुङ काँटीका होट्माडा आमा ब्रेप्चो मेफिक्थु़मसम्म गो थो़र मेलु़ङु।”
क्रूसडा सिम्डिम चङ्डा गुमीका हापा ल्वामिमलामका मेर्मिमकु ङादोडा सिमुलाम बम्गेम्डिम र्वाक्पा रेम्बेम्डी। मेर्मिमनुङ गुमी ब्ल धु़म (४०) नेमसम्म ल्वाला सो़म्सिम्डी, मा माम्चु़नीकु किब्दीकु दुथाम सीट्मिडी।
मेकोतिमा डोक्पु लो़लामका येम्डिमा येशूका र्वाम्डी, “पाआ, गो आमा पेल इनी ल्वाडा जु़लु।” मेकोति र्वाम्डिमा उनी साम लस्ता।
लावो गुमीका मेर्मिमलाई र्वाम्डी, “हेङा गानी आरेसाका ङिनिमिम, मा इनी नगोडा मुर्सिनिमिम?
आरे र्वाम्डिमा येशूका उनी ल्वा नुङ खेल उनी सीसिपामिमलाई रेम्बेट्मिडी।