लूका 24:32 - थुलुङ राई

³² मेर्चिपका उची त्‍वाप-त्‍वापडा आरे र्‍वा बेच्‍ची, “गुमी गुचीनुङ लाम्‍दीडा जेम्‍डिलो नुङ माम्‍चु़नीकु सिजेमडा र्‍याक्‍मा ल्‍वाकु दुथाम थेसिथेन्‍बेसाड्‌डामिलो छो़म इची न-गो भ्रसिड्‌डाम बाइडा हि।”

लूका 24:32 Referans Kwoze

लूका 24:45

मेकोतिमा गुमीका माम्‍चु़नीकु सिजेमडाम ल्‍वा थेसिथेट्‌पा नेप्‍ची मेर्मिमलाई ग्‍वाम्‍डी।

हिब्रू 4:12

माम्‍चु़नीकु सिजेम खारी बेपाम बाट्‌पा नुङ यु़मनुङमा बु मा निफिलाम फल्‍पा कातु़रु़डाम वो हापा हन्‍पा होप्‍माम बु। ओरामका गोनो सुकु़मा त्‍वारो़म नुङ पेललाई फ्‍वाकु़ची, मा सेर नुङ छिटलाई वाङ-वाङ बु़। माम्‍चु़नीकु सिजेमका मु़चु़मिमकु न-गोडा बाट्‍पा ल्‍वा नुङ हाम हुम बेपा नकु दुथाम छाम्‍डु़।

यूहन्‍ना 6:63

पेलका कोङङा त्‍वारो़म ग्‍वाक्‍सा। मु़चु़कु सोका हाम वो मेबु़। गानीनुङ जेङडोम सिजेम ने त्‍वारो़म ग्‍वाक्‍पा पेल सो़।

थु़र्मा 28:23

मेकोतिमा मेर्मिमका पावलकु ल्‍वा थो़मु लागि कोलेम नेम घ्रो़म्‍सी र्‍वाबेम्‍डी। सेर्पा मु़चु़ पावल बाट्‌पाडा खोम्‍सिम्‍डी। पावल मेर्मिमनुङ नेमसोसोलो आथाम नेम गाम्‍डामसम्‍म ङा जेस्‍ता, मा गुका माम्‍चु़नीकु किब्‍दीकु दुथाम सीड्‌डु़मी, मा मेर्मिमलाई थो़र लु़बेन्‍मु नका येशूकु दुथाममिम ल्‍वा मोशाकु डु़म्‍ला नुङ माम्‍चु़नीलाम-जेपामिमकु खाजेमलाम सीड्‌डु़मी।

मर्कूस 4:34

येशूका सीसि-सो़म्‍दी मान्‍थि मेर्मिमलाई हाम वो मेसिन्‍थाल्‍मिवा, लावो उनी सीसिपामिमलाई ने उनी त्‍वापङा दु़म्‍मिडिम थारीका मेरामका र्‍वामु मालु़मिम ल्‍वा जो़होमका थेसिथेन्‍बेन्‍थाल्‍मिडी।