लूका 24:30 - थुलुङ राई

³⁰ येशू मेर्चिपनुङ पेप्‍डा गन्‍मिडी। गुमीका सो़बेम झेट्‌मिडिमा आलासो़ ग्‍वाम्‍डी, मा चम्‍डिमा मेर्चिपलाई ग्‍वाम्‍डी।

लूका 24:30 Referans Kwoze

मत्ती 14:19

येशूका सेर्पा मु़चु़लाई प्रु़प्‍चीडला गन्‍बेट्‌मिडी। मेम्‍मा मे ङोले सो़बेम नुङ नले ङो झेट्‌मिडिमा पाह्रीथो़ रेप्‍तो आलासो़ ग्‍वाम्‍डी। मेकोतिमा फ्‍वाक्‍चो़ल बेसाका उनी सीसिपामिमलाई ग्‍वाम्‍डी। मेर्मिमका मु़चु़मिमलाई दो़म्‍साम्‍डी।

लूका 24:35

मेर्चिप इम्‍माउसथो़ लक्‍तोङा बेच्‍चिलो लाम्‍दीडा येशूलाई डार्चिम ल्‍वा नुङ सो़बेम चम्‍डिलो मेर्चिपका हेसाका छेट्‌ची मेराम ल्‍वा मेर्मिमनुङ सो़च्‍ची।

लूका 9:16

मेकोतिमा गुमीका मे ङोले सो़बेम नुङ नले ङो झेट्‌मिडिमा पाह्रीथो़ रेप्‍तो सो़बेम नुङ ङोकाम लागि माम्‍चु़नीलाई आलासो़ ग्‍वाम्‍डी, मा मे सो़बेम नुङ ङो चक्‍साका मु़चु़मिमलाई दो़न्‍साट्‌नी बेम्‍डिमा उनी सीसिपामिमलाई ग्‍वाम्‍डी।

मत्ती 15:36

गुमीका मे येतले सो़बेम नुङ ङो झेट्‌मिडिमा माम्‍चु़नीलाई आलासो़ ग्‍वाम्‍डी, मा फ्‍वाक्‍चो़ल बेम्‍डी। मेम्‍मा गुमीका सीसिपामिमलाई ग्‍वाम्‍डी, मा मेर्मिमका मु़चु़मिमलाई दो़म्‍साम्‍डी।

थु़र्मा 27:35

आकोति र्‍वाक्‍तामा पावलका सो़बेम झेड्‌डु़, मा खोत्‍लेकु ङादोडा माम्‍चु़नीलाई आलासो़ ग्‍वाक्‍साका चस्‍तु़मा पोमु चो़म्‍डु़।

यूहन्‍ना 6:11

मेम्‍मा येशूका मे सो़बेम जेट्‌मिडिमा माम्‍चु़नीलाई आलासो़ ग्‍वाम्‍डी, मा गन्‍पा मु़चु़मिमलाई दो़म्‍साम्‍डी। मेम्‍साकाङा ङो वो दो़म्‍साम्‍डी, मा मु़चु़मिमका खोहोम पेम्‍डी।

लूका 22:19

मेकोतिमा गुमीका सो़बेम झेट्‌मिडिमा माम्‍चु़नीलाई आलासो़ ग्‍वाम्‍डी, मा मे सो़बेम चम्‍डी। मेम्‍मा उनी थु़र्मामिमलाई आरे र्‍वाक्‍तो ग्‍वाम्डी, “गो इनीमा लागि ग्‍वाक्‍पुमिम ओराम आमा मिरो़म सो़। गोलाई मिम्‍ङिनिमा ओराम पेनी।”

मर्कूस 14:22

मेकोतिमा पेत्तोङा बेम्‍डिलो येशूका सो़बेम रम्‍डिमा जि ग्‍वाम्‍डी, मा चम्‍डी। मेकोतिमा मेर्मिमलाई ग्‍वाक्‍तोङा र्‍वाम्‍डी, “ने रनी, ओराम आमा मिरो़म सो़।”

मर्कूस 8:6

गुमीका मे सेर्पा मु़चु़मिमलाई मे बायडा गन्‍बेट्‌मिडी। मेकोतिमा मे येतले सो़बेम रम्‍डिमा आलासो़ ग्‍वाम्‍डिमा चम्‍डी। मेम्‍मा मु़चु़मिमलाई दो़न्‍साट्‌नी बेम्‍डिमा उनी सीसिपामिमलाई ग्‍वाम्‍डी। मेकोतिमा मेर्मिमका मे मु़चु़मिमलाई दो़साट्‌मिडी।

मर्कूस 6:41

येशूका मे ङोले सो़बेम नुङ नले ङो रम्‍डिमा पाह्रीथो़ रेप्‍मिडी, मा जि ग्‍वाम्‍डी। मेकोतिमा मे सो़बेममिम चम्‍डी, मा मु़चु़मिमलाई दो़न्साट्नी र्‍वाक्‍साका उनी सीसिपामिमलाई ग्‍वाम्‍डी। मेम्‍मा मे नले ङो वो गुमीका मेर्मिम खोत्‍लेनुङ दो़म्‍डी।

मत्ती 26:26

मेर्मिमका ग्रुला पेत्तोङा लेट्‌मिडिलो येशूका सो़बेम चक्‍मिडिमा जेट्‌मिडी। मेम्‍मा आलासो़ ग्‍वाम्‍डिमा उनी सीसिपामिमलाई मे सो़बेम ग्‍वाक्‍तो र्‍वाम्‍डी, “ओराम रनिमा पेनी, ओराम आमा मिरो़म सो़।”

लूका 24:29

लावो मेर्चिपका गुमीलाई “गुचुकुनुङङा बुइ हेङालोने दुङमा र्‍यामु खाप्‍डु़म बु” र्‍वाक्‍चिम-र्‍वाक्‍चिमङा बेच्‍ची। मेकोतिमा गुमी मेर्चिपनुङङा बुमु लागि नेमगोनो हुम्‍डी।

थु़र्मा 2:42

मे थो़रलु़पामिम थु़र्मामिमकु सीसिडा, सामा घ्रो़म्‍सीडा, येशूकु ग्रुलाडा नुङ सो़म्‍दी बेप्‍डा कोयो दु़म्‍थाल्‍मिडी।

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,