लूका 24:29 - थुलुङ राई

²⁹ लावो मेर्चिपका गुमीलाई “गुचुकुनुङङा बुइ हेङालोने दुङमा र्‍यामु खाप्‍डु़म बु” र्‍वाक्‍चिम-र्‍वाक्‍चिमङा बेच्‍ची। मेकोतिमा गुमी मेर्चिपनुङङा बुमु लागि नेमगोनो हुम्‍डी।

लूका 24:29 Referans Kwoze

लूका 14:23

“नेमहपका उ डु़ल्‍चो़लाई र्‍वाक्‍ता, ‘हापा भापा लाम्‍दी नुङ याक्‍के लाम्‍दीबाडे लक्‍सामा मु़चु़मिमलाई रोक्‍नीमा रोक्‍नी बेमी, मा मे मु़चु़मिमका आमा नेम देम्‍नु़।

थु़र्मा 16:14

मेर्मिमगोडाम थिआटीरा शहरडा बाट्‌पा हापा थिकाम गेगेम चक्‍लेम रङ्‍गकु ये भ्रेट्‌पा, माम्‍चु़नीकु सो़रलोले बेपा लिडिया नङकाम कोले मेसेम बाइडा। मेरामका आकी सिजेम थो़स्‍तु़। पावलका जेस्‍ताम ल्‍वा जो़होमका थेसिथेट्‌नु़ र्‍वाक्‍साका माम्‍चु़नीका मेरामलाई थेसिथेट्‌पा न-गो ग्‍वाम्‍डी।

लूका 24:28

मेर्चिप रोम्‍थिमु बासिक्‍पा इम्‍माउस देल फार्डा रोक्‍थिक्‍ची। मेकोतिलो येशू ने आथावो किचो़ भाल लक्‍पा होङङा बाम्‍सिम्‍डी।

लूका 24:30

येशू मेर्चिपनुङ पेप्‍डा गन्‍मिडी। गुमीका सो़बेम झेट्‌मिडिमा आलासो़ ग्‍वाम्‍डी, मा चम्‍डिमा मेर्चिपलाई ग्‍वाम्‍डी।