लूका 24:26 - थुलुङ राई

²⁶ यु़म-झ्‍वाक्‍सी डार्मु ङादो हाम ख्रीष्‍टका खोत्‍ले उ दु़खा इम्‍मु बासिक्‍पा मेबायावा मा?”

लूका 24:26 Referans Kwoze

१ पत्रुस 1:11

ख्रीष्‍टकु पेल मेर्मिमडला बाइडा मा ख्रीष्‍टका हेसाका दु़खा ल्‍वामी मेम्‍मा यु़म-झ्‍वाक्‍सी ल्‍वामी र्‍वाक्‍पा मेर्मिमलाई सो़त्तोङा लेट्‌मिडी। मेर्मिमका ओराम ल्‍वा हाम्‍सी दु़म मा हेसाका दु़म र्‍वाक्‍साका माल्‍मु चो़म्‍मिडी।

थु़र्मा 17:3

ख्रीष्‍टका दु़खा ल्‍वासाका सिम्‍डी। मेम्‍मा सिमुलाम बम्‍गेम्‍डी र्‍वाक्‍पा मेर्मिमनुङ रेम्‍बु़डु़। मेकोतिमा गुका र्‍वाक्‍ता, “ख्रीष्‍टकु दुथाम गो गानीनुङ सो़उहोम बुङुमिम गुमी येशू ङा सो़।”

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

लूका 24:46

गुमीका मेर्मिमलाई र्‍वाम्‍डी, “माम्‍चु़नीकु सिजेमडा ओराम र्‍याक्‍मा बु: ‘ख्रीष्‍टका छो़म दु़खा ल्‍वामुमा सिमु बासी, मा सुलेमनेम सिमुलाम बम्‍गेमु बासी,

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

लूका 24:7

‘मिनीचो़ छु़लचो़ मु़चु़मिमकु ल्‍वाडा भ्रेन्‍मी, मा गुलाई क्रूसडा चेन्‍मी। मेम्‍मा सुलेमनेम सिमुलाम बगे।’”

यूहन्‍ना 2:22

सिमुलामका येशू बम्‍गेम्‍डिम चङडा गुमीका र्‍वाम्‍डिम ल्‍वा उनी सीसिपामिमका मिम्‍मिडी। मेम्‍मा माम्‍चु़नीकु सिजेमडा नुङ येशूका र्‍वाम्‍डिम ल्‍वाडा मेर्मिमका थो़र लु़म्‍डी।

यूहन्‍ना 20:9

हेङालोने येशू सिमुलामका बम्‍गेमुङा बासी र्‍वाक्‍पा माम्‍चु़नीकु सिजेम मेर्मिमका आथावो थेसिथेट्‌मिडिम मेबायावा।