लूका 23:8 - थुलुङ राई

⁸ येशूलाई ल्‍वास्‍तु़मा हेरोद छो़म गेर्सिद्‌वाक्‍ता। हेङालोने गुका उनीमा दुथाम थो़स्‍तु़मका हापा ङादो आथाम गुमीलाई क्रो़म्‍मु, मा गुमीका बेम्‍डिम हेल्‍लो मेल्‍वाम्‍मा खारी रेम्‍मु न बु़डु़म बाइडा।

लूका 23:8 Referans Kwoze

मर्कूस 6:14

हेरोद हपका येशूकु दुथाम थो़स्‍तु़, हेङालोने उनीमा नङ खोत्‍लेथो़ फोन्‍स्‍ताम बाइडा। मेम्‍लोका कोङ-कोङका र्‍वाम्‍डी, “ओ ने कु-रु़दु़म ग्‍वाक्‍पा यूहन्‍ना डे सिमुलाम बक्‍गेड्‌डाम रोओ, मा डे आरेप्माम यु़म-खारी बु़।”

मत्ती 14:1

मेमबिलि गालील क्षेत्रडाम हप हेरोद अन्‍तिपासका येशूकु दुथाम थो़स्‍तु़,

थु़र्मा 8:19

मा र्‍वाक्‍ता, “ओराम यु़म गोलाई वो ग्‍वाङ्‌ची, मा गो उहेमडला ल्‍वा जु़लुलो मेरामका माम्‍चु़नी-पेल ल्‍वास्‍नु़।”

लूका 4:23

येशूका मेर्मिमलाई र्‍वाम्‍डी, “आच्‍छाङा गानी गोलाई ओराम सीसि सो़म्दी र्‍वानी: ‘ए वैद्य, गाना इ त्‍वाका इ त्‍वापलाई ङा सबेडा। कफर्नहुमडा हा-हाम बेन्‍नाम गुकु थो़त्तोको मेराम होप्‍माम हेल्‍लो वो मेल्‍वाम्‍मा खारी आसिन्‍डा इमा शहरडा वो बे’।”

मर्कूस 8:34

मेकोतिमा गुमीका उनीमा सीसिपामिम नुङ मेर्मिमनुङ बाट्‌पा सेर्पा मु़चु़मिमलाई उनीमाथो़ येट्‌मिडिमा र्‍वाम्‍डी, “उहेमका गोनुङ लाम्‍दिमु न बु़, मेरामका उमा न होम्‍साका मेएँ, आमा न होम्‍साका बु़नु़, मा उमा त्‍वाकु क्रूस कुर्नु़ मा गोनुङ लाम्‍दिनु़।