लूका 23:41 - थुलुङ राई

⁴¹ गुची ने ख्‍ल्‍याम्‍या बेच्‍चिमका सिमु घ्रेट्‌पाङा बुची, लावो गुमीका ने आरेप्‍माम मेजो़पा खारी ने हाम वो बेम्‍डिम मिबु।”

लूका 23:41 Referans Kwoze

१ पत्रुस 1:19

लावो हाम वो मेख्‍लो़ट्‌पा नुङ मेजो़पा हाम वो मेबाट्‌पा भेन्‍दाचो़ होप्‍माम ख्रीष्‍टकु हापा थिकाम सिसिका भ्रेसाका माम्‍चु़नीका गानीलाई फ्‍वाक्‍निमिम सो़।

मत्ती 27:24

हाम वो बोमु मेझापा, मेरामडाम ने मु़चु़मिम येमु-दुमुमा ङाल्‍मु खाप्‍मिमिम पिलातसका ल्‍वास्‍तु़। मेम्‍मा गुका कु रङडु़मा सेर्पा मु़चु़कु ङादोडा उ ल्‍वा सो़ल्‍साका र्‍वाक्‍ता, “ओराम मु़चु़ सेन्‍मुडा गो हाम वो ख्‍लो़त्तोम मिबु, इनी त्‍वापङा चन्‍सिट्‌नी।”

मत्ती 27:4

मेम्‍मा र्‍वाक्‍ता, “हाम वो मेख्‍लो़ट्‌पा मु़चु़लाई भ्रेसाका गो छु़ल बेउतो।” मेर्मिमका र्‍वाम्‍डी, “मेराम आकीमा लागि हाम मा? गानाङा चना।”

याकूब 4:7

मेम्‍मिमका इनी त्‍वापलाई माम्‍चु़नीकु ल्‍वाडा जु़ल्‍नी। शैताननुङ क्‍वाल्‍बा बेप्‍डा बक्‍नी, मा मेराम गानीलामका स्‍वामा ल।

मत्ती 27:54

येशूलाई लपाम बाट्‌पा कप्‍तान नुङ सिपाहीमिमका सुबुरुक्‍सी लस्‍ताम नुङ मेसिन्‍डा दु़स्‍ताम खोत्‍ले ल्‍वाम्‍डिमा छो़म ङिम्‍डी। मेम्‍मा मेर्मिमका र्‍वाम्‍डी, “आच्‍छाङा ओराम ने माम्‍चु़नीकु चो़ङा बाइडाम रेछा।”

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”

लूका 23:40

लावो ख्‍ल्‍याम्‍या बेपा कोङमी मु़चु़का गुलाई भुर्तो र्‍वाक्‍ता, “गाना वो गुमीका ल्‍वापा देन्‍दे ल्‍वात्तोङा बोना। मावो माम्‍चु़नीकु ङिम मेजु़ल्‍ना?

लूका 23:42

मेकोतिमा मेरामका येशूलाई र्‍वाक्‍ता, “ए येशू, गानी हप दु़म्‍निलो गोलाई वो मिम्‍ङिनी।”

१ थेसलोनिकी 2:10

गानी थो़रलु़पामिमनुङ बात्तोकोलो गुकु सेपा मु़चु़, माम्‍चु़नीकु ङादोडा जो़पा दु़म्‍पा, मा हाम वो मेख्‍लो़ट्‌पा बात्तोको। मेराम ल्‍वापा गानी बुनी मा माम्‍चु़नी वो बुमी।

१ पत्रुस 2:23

मु़चु़मिमका गुमीलाई डक्‍साका जेम्‍डिलो गुमीका मेर्मिमडला उनी छोक्‍चो मेहाट्‌मिवा। गुमीका दु़खा इम्‍मिडिलो सु़लाई वो ङिम मेसाट्‌मिवा। लावो जो़होमका निया बेपाकु ल्‍वाड्‌डा उनी त्‍वाप जु़ल्‍मिडी।