लूका 23:4 - थुलुङ राई

⁴ पिलातसका ङाउ डु़म्‍लाचो़मिम नुङ सेर्पा मु़चु़मिमलाई र्‍वाक्‍ता, “ओराम मु़चु़का मेजो़पा खारी बु़डु़म गो हाम वो मेडारु।”

लूका 23:4 Referans Kwoze

यूहन्‍ना 18:38

पिलातसका गुमीलाई हिलाबु़डु़मी, “आच्‍छाङाकाम ल्‍वा र्‍वाक्‍मा हाम?” आकोति र्‍वाक्‍तामा गु लुक्‍तामा यहूदीमिमकामथो़ लस्‍ता, मा र्‍वाक्‍ता, “ओरामलाई मुमा बेन्‍मु ल्‍वा हाम वो मेडारुवा।

१ पत्रुस 2:22

“गुमीका हेल्‍लो वो छु़ल मेबेमिवा, मा सु़लाई वो लु-फेले मेबेमिवा।”

१ पत्रुस 1:19

लावो हाम वो मेख्‍लो़ट्‌पा नुङ मेजो़पा हाम वो मेबाट्‌पा भेन्‍दाचो़ होप्‍माम ख्रीष्‍टकु हापा थिकाम सिसिका भ्रेसाका माम्‍चु़नीका गानीलाई फ्‍वाक्‍निमिम सो़।

लूका 23:22

पिलातसका मेर्मिमलाई सुकखेपडा हिलाबु़डु़, “हेङा? येशूका हाम मेजो़पा खारी बु़डु़म बु? ओरामलाई सेन्‍मु बासिक्‍पा मेजो़पा ल्‍वामिम ने हाम वो मेडारुवा। मेम्‍मिमका गो ओरामलाई कोक्‍तेकु रिवाका यालुमा डिसोक्‍पु।”

मर्कूस 15:14

पिलातसका मेर्मिमनुङ र्‍वाक्‍ता, “हेङा, मेरामका मेजो़पा खारी हाम बु़डु़म बु मा?” लावो मेर्मिम आथावो छो़म येत्तोङा र्‍वाम्‍डी, “मेरामलाई क्रूसडा चेट्‌नी!”

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

हिब्रू 7:26

मेम्‍मिमका गुइ चाहेबिइमिम डोक्‍पु डु़म्‍लाचो़ ने येशू ङा सो़। गुमी सेपा, हाम वो मेख्‍लो़ट्‌पा, छु़ल मान्‍थिम बुमी, मा गुमी छु़लचो़मिमडाम वाङ दु़म्‍साका खोत्‍लेडाम गेले पाह्रीला कोसिक्‍पा बुमी।

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”

थु़र्मा 3:13

अब्राहाम, इसहाक नुङ याकूबकु माम्‍चु़नी, इकी बेब-पापकु माम्‍चु़नीका उनी त्‍वाकु डु़ल्‍चो़ येशूलाई उनी यु़म-झ्‍वाक्‍सीडा कोम्‍डी, गुमीलाई गानी चु़म्‍बेट्‌निमी। मेकोतिमा पिलातसका गुमीलाई डिन्‍मु न बु़डु़, लावो गानी गुमीलाई उ ङादोडा ङा रमु मेबिन्‍सिट्‌निवा।

थु़र्मा 25:25

लावो सिमु बासिक्‍पा मेजो़पा खारी ओरामका हाम वो बु़डु़म गो मेडारुवा। मेकोतिमा उ त्‍वाका ङा वो रोमी हपका निया बोङसाङमिनु़ र्‍वाक्‍तामका, गो ओरामलाई मेसिन्‍डा थु़र्मु मुलु़ बेउतो।