Biblia Todo Logo
Bib sou entènèt

- Piblisite -




लूका 23:34 - थुलुङ राई

34 येशूका र्‍वाम्‍डी, “माम्‍चु़नी, ओर्मिम मु़चु़लाई पाचो ग्‍वाक्‍निमी, हेङालोने मेर्मिमका हाम बेत्तोङा लेन्‍मी मेराम मेचमी।” मेम्‍मा सिपाहीमिमका चिठ्ठा ओप्‍साका येशूकु ये-सेम दो़म्‍डी।

Gade chapit la Kopi




लूका 23:34
26 Referans Kwoze  

लावो गो गानीलाई र्‍वाङु, इनी स्‍वाक्‍चिमोलाई रिखाम बेनी, मा इनी थो़मतेर्साक्‍पामिमकाम लागि सो़म्‍दी बेनी,


मेकोतिलो ङा गुका क्रचु़खुम बु़ल्‍याड्‌डु़मा डोक्‍पु लो़लामका येस्‍ता, “येशू, ओर्मिमका हाम बेम्‍डी, मेरामकु देन्‍दे मेग्‍वाक्‍निमी।” आकोति र्‍वाक्‍तामा उ साम लस्‍ता।


मेजो़पा बेपालाई मेजो़पा मेबेनी मा डक्‍साका जेपालाई डक्‍साका मेजेनी, लावो मेर्मिमलाई जि-वा ग्‍वाक्‍नी। हेङालोने माम्‍चु़नीका गानीलाई जि-वा ग्‍वामु लागिङा येट्‌निम सो़, मेम्‍साका गानी जि-वा ल्‍वानी।


गानीलाई दु़खा ग्‍वाक्‍पामिमलाई जि ग्‍वाक्‍नी, लावो वाइतो मेबेट्‍नी।


ओराम सु़म्‍दिसेरडाम साखामचो़मिम सु़का वो ओराम ल्‍वा थेसिमेथेट्‌मिवा। मेर्मिमका थेसिथेट्‌मिवाम माला यु़म-झ्‍वासिक्‍पा ङाचो़लाई क्रूसडा मेचेट्‌मिवा।


ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।


“वा-ल्‍वाकनी, गानी मेचक्‍साका मेम बेन्‍नी र्‍वाक्‍पा गो चक्‍पु, मा इनी साखामचो़मिमका वो मेम ङा बेम्‍डी।


आकी पोमु-डुमुकाम लागि आकी त्‍वाकु ल्‍वाका ब्राम्‍दु़ल्‍वा बोकु। मु़चु़मिमका वाइतो बेन्‍किमिलो गुकु जि-वा ग्‍वाकु। मु़चु़मिमका आकी थो़मतेर्मिलो इम्‍सिन्कु।


मेकोतिलोङा येशूका र्‍वाम्‍डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्‍वानिनी। हेङालोने थेट्‌पा नुङ नेप्‍चीनुङमा मु़चु़मिमडाम थक्‍साका जु़ल्‍निम ल्‍वा चो़च्‍चो़ होप्‍माम मु़चु़मिमकाडा रेम्‍बेन्‍नी।


येशूका र्‍वाम्‍डी, “माम्‍चु़नीका गानीलाई ग्‍वाक्‍निमका कोङङा गोडला इनीमा साखाम बुमिम। मेम्‍मिमका इनीमा ल्‍वाडा गोलाई ग्‍वाक्‍पाका छो़म डोक्‍पु छु़ल बु़डु़म बु।”


मेर्मिमका येशूलाई क्रूसडा चेट्‌मिडी। मेकोतिमा सु़का उहेम लक्‍पा र्‍वाक्‍साका चिठ्ठा ओप्‍मिडी मा मेर्मिमका येशूकु ये दो़म्‍डी।


आरे बोमुङा गानी जो़पा लु़न्‍नी, पाआ।


मा गुमीका र्‍वाम्‍डी, “ए माम्‍चु़नी पाआ, गानी न बोनी माला ओराम दु़खाकु कान्‍चु़रे गोलामका हेम्‍साङ्‍नी। लावो आमा न होम्‍साका मेएँ, इनी न होम्‍साका बेनी।”


गो मेर्मिमकाम लागि सो़म्‍दी बेउ। सु़म्‍दिसेरकाम लागि गो सो़म्‍दी मेबेउ। लावो उहेम गोलाई ग्‍वाङ्‌डिनिम, मेर्मिमकाम लागि सो़म्‍दी बेउ, हेङालोने मेर्मिम इनीमाङा सो़।


लावो पावलका डोक्‍पु लो़लामका र्‍वाक्‍ता, “इनी त्‍वापलाई हाम वो मेबेनी, गुकु खोत्‍ले आसिङा बुकु।”


Swiv nou:

Piblisite


Piblisite