लूका 23:27 - थुलुङ राई

²⁷ छो़म सेर्पा मु़चु़मिम येशूकु चङचङ लम्‍डी। मेगोडा मेसेममिम वो बाम्‍डी, मेर्मिम येत्तो ख्राप्‍तो बेम्‍डिम बाम्‍डी।

लूका 23:27 Referans Kwoze

लूका 8:52

मेसिन्‍डा खोम्‍सिक्‍पा खोत्‍ले मु़चु़मिम मे चो़च्‍चो़ सिडामका येम्‍डी-दुम्‍डी, मा ख्राप्‍मिडिम बाम्‍डी। लावो येशूका मेर्मिमलाई र्‍वाम्‍डी, “मेख्राप्‍नी, मे चो़च्‍चो़ ने सिडाम मिबु, अम्‍स्‍ताम कोङङा बु।”

लूका 8:2

मुनाङ नुङ सोमोरीलाम सपा कोङनिम मेसेममिम वो गुमीनुङ बाम्‍डी। मेर्मिम मेसेममिमगोडा मरियम र्‍वाक्‍मा मग्‍दलिनी मेसेम वो बाइडा। मेराम मेसेमकु मिरो़मलामका येशूका येतले (७) मुनाङ कोल्‍मिडिम बाइडा,

मर्कूस 15:40

मेसिन्‍डा कोङ-कोङ मेसेममिमका होनोवा बासाका ङा रेम्‍थाम्‍डिम बाइडा। मेर्मिम मेसेममिम मरियम मग्‍दलिनी, याक्‍के याकूब नुङ योसेसचिपकु माम मरियम नुङ सलोमी बाम्‍डी।

लूका 23:55

गालीलामका येशूनुङ रोक्‍पा मेसेममिम वो योसेफकु चङचङ लम्‍डी, मा मे सु़लु़म नुङ मेगोडा येशू क्‍लु़म्‍मिडिम ल्‍वाम्‍डी।

मत्ती 27:55

मेसिन्‍डा हापा मेसेममिम वो बाम्‍डी, मेर्मिमका होनोवा बासाका रेम्‍थाम्‍डी। मेर्मिमका येशूकु चापे-डुपे बोमु गालीललामका उनी चङचङ लाम्‍दिम्‍डिम बाइडा।

मत्ती 11:17

‘गुकु इनीमा लागि लिउसाम डु़प्‍तोको, लावो गानी मेछो़म्‍निवा। गुकु येत्तो-ख्राप्‍तो बेत्तोको, लावो गानी इनी प्‍ल मेआल्‍निवा।’

लूका 23:28

लावो मे मेसेममिमथो़ ख्‍लोसिम्‍डिमा येशूका र्‍वाम्‍डी, “यरूशलेमडा बाट्‌पा रिचो़नी, गानी आमा लागि मेख्राप्‍नी। लावो त्‍वाकाम लागि नुङ इनी चो़मिमकाम लागि ख्राप्‍नी।

यूहन्‍ना 16:20

आच्‍छाङा गो गानीलाई र्‍वाङु, गानी ख्राम्‍नीमा येनी-दुनी, लावो सु़म्‍दिसेर ने गेर्सी द्‍वा। इनीमा न-गो ख्राम लावो ख्रापा मे इनीमा न-गो गेर्सी।