लूका 23:25 - थुलुङ राई

²⁵ रोमी सरकारकु कोर्थो़लाम बक्‍ता, मा मु़चु़ सेड्‌डु़मका चक्‍मा बारब्‍बालाई मु़चु़मिमका बिम्‍डिम होम्‍साकाङा पिलातसका डिसोड्‌डु़। लावो येशूलाई ने मेर्मिमकु न होङङा सेन्‍मु लागि सिपाहीमिमकु ल्‍वाड्‌डा ग्‍वाक्‍तु़मी।

लूका 23:25 Referans Kwoze

थु़र्मा 3:14

लावो गानी ने माम्‍चु़नीकु नङका साट्‌मा नुङ माम्‍चु़नीकु न-गोनुङमा येशूलाई डिन्‍मु मेबिन्‍सिट्‌निवा, मा मु़चु़ सेट्‌पालाई डिन्‍बेट्‌नी,

मर्कूस 15:15

मेकोतिमा पिलातसका मु़चु़मिमलाई गेर्सिबेन्‍मु नका बारब्‍बा डिड्‌डु़, मा येशूलाई कोक्‍तेकाम याल्‍खोपका याल्‍बेत्तो क्रूसडा चेन्‍मुलाई सिपाहीमिमकु ल्‍वाडा ग्‍वाक्‍तु़।

यूहन्‍ना 18:40

मेर्मिमका आथावो आरे र्‍वाक्‍तो येम्‍डी, “मेरामलाई मेएँ, बारब्‍बालाई डिट्‌नी।” बारब्‍बा ने कोर्थो़लाम बक्‍साका क्‍वाल्‍बा बेपा मु़चु़ बाइडा।

लूका 23:5

लावो मेर्मिमका छो़म येत्तो र्‍वाम्‍डी, “ओराम मु़चु़का गालील नुङ खोत्‍ले यहूदियाडाम नुङ गालीललामका ओ यरूशलेमसम्‍म मु़चु़मिमलाई सीसाका कोक्‍तोङा लेडु़।”

लूका 23:2

मेर्मिमका गुमीलाई आरेसाका मुमा बेत्तो पिलातसनुङ र्‍वाम्‍डी, “ओराम मु़चु़का आकी मु़चु़मिमलाई रोमी सरकारकु कोर्थो़लाम कोस्‍तु़मिम गुकु डार्तोको। ओरामका कैसरलाई कर मेसोक्‍नी र्‍वामा गुकुलाई भोम्‍की, उ त्‍वाप ने ख्रीष्‍ट, हप र्‍वा।”

मत्ती 27:26

मेकोतिमा पिलातसका बारब्‍बालाई डिसाड्‌डु़मी। लावो येशूलाई कोक्‍तेकु रिबाका याल्‍बेड्‌डु़मा क्रूसडा चेन्‍मु लागि सिपाहीमिमकु ल्‍वाड्‌डा ग्‍वाक्‍तु़मी।

लूका 23:24

मेम्‍मिमका मेर्मिम मु़चु़का र्‍वाम्‍डिम होङङा पिलातसका बेउ र्‍वाक्‍ता।

लूका 23:26

पिलातसकु सिपाहीमिमका येशूलाई क्रूसडा चेन्‍मु लागि लक्‍तोङा बेम्‍डिलो कुरेनी शहरडा बाट्‌पा सिमोन देललामका यरूशलेमथो़ रोक्‍तोङा लेट्‌पा डार्मिडी। मेम्‍मा मेरामलाई सिपाहीमिमका चु़म्‍मिडिमा येशूकु क्रूस कुर्बेसाका उनी चङचङ लाम्‍दी बेट्‌मिडी।

यूहन्‍ना 19:16

मेकोतिमा पिलातसका येशूलाई क्रूसडा चेन्‍मु लागि सिपाहीमिमकु ल्‍वाडा ग्‍वाक्‍तु़मी। मेम्‍मा सिपाहीमिमका येशूलाई उनी ल्‍वाडा रम्‍डी।