लूका 23:2 - थुलुङ राई

² मेर्मिमका गुमीलाई आरेसाका मुमा बेत्तो पिलातसनुङ र्‍वाम्‍डी, “ओराम मु़चु़का आकी मु़चु़मिमलाई रोमी सरकारकु कोर्थो़लाम कोस्‍तु़मिम गुकु डार्तोको। ओरामका कैसरलाई कर मेसोक्‍नी र्‍वामा गुकुलाई भोम्‍की, उ त्‍वाप ने ख्रीष्‍ट, हप र्‍वा।”

लूका 23:2 Referans Kwoze

यूहन्‍ना 19:12

मेकोतिमा पिलातसका येशूलाई डिन्‍सोमु न बु़डु़। लावो यहूदीमिम आरे र्‍वाक्‍तो येम्‍डी, “मेराम मु़चु़लाई डिन्‍सोट्‌नी माला गानी कैसरकु ङोप्‍सो़ मेएँ। सु़का गो हप र्‍वाक्‍साका जे, मेराम कैसरकु कोर्थो़लाम ब।”

लूका 23:14

मेम्‍मा मेर्मिमलाई र्‍वाक्‍ता, “रोमी सरकारकु कोर्थो़लाम मु़चु़मिमलाई कोस्‍तु़मि र्‍वाक्‍साका गानी ओरामलाई आमाडा रेट्‌नी। गो इनी ङादोडाङा ओरामलाई हिलाहिसी बेउतो लोवो गानी मुमा बेट्‌निम ल्‍वा गुनुङ मेडारुवा।

थु़र्मा 24:5

ओराम मु़चु़ बान्‍तेमेनो थो़मतेर्बाल्‍पा, सु़म्‍दिसेरडा खोत्‍लेथो़म खोत्‍ले यहूदीमिमगोडा रिबुसी किट्‌पा, मा नासरी दलगोडाम उनीमा डोक्‍पु मु़चु़ गुकु डार्तोकोम बु।

यूहन्‍ना 18:30

मेर्मिमका र्‍वाम्‍डी, “ओराम मु़चु़ ख्‍लाम्‍याचो़ मेएँ माला ने इनीमा ल्‍वाडा ग्‍वाप्‍डाङा मेरेट्‌कुवा।”

मर्कूस 12:17

मेकोतिमा येशूका मेर्मिमनुङ र्‍वाम्‍डी, “कैसरकाम खोत्‍ले कैसरलाई ङा ग्‍वाक्‍नी, मा माम्‍चु़नीकाम खोत्‍ले माम्‍चु़नीलाई ङा ग्‍वाक्‍नी।” ओराम ल्‍वा थो़म्डिमा मेर्मिम ङाङाया दु़म्‍मिडी।

मत्ती 22:21

मेर्मिमका र्‍वाम्‍डी, “कैसरकाम” गुमीका मेर्मिमलाई र्‍वाम्‍डी, “कैसरकाम कैसरलाई ङा ग्‍वाक्‍नी, मा माम्‍चु़नीकाम माम्‍चु़नीलाई ङा ग्‍वाक्‍नी।”

थु़र्मा 24:13

ओम्‍लो गोलाई मुमा बेन्‍ङिमिमिम ल्‍वाकु दुथाम वो ओर्मिमका आच्‍छाङा र्‍वाक्‍पा हाम वो रेम्‍बोमु मेचाम्‍मी।

लूका 23:5

लावो मेर्मिमका छो़म येत्तो र्‍वाम्‍डी, “ओराम मु़चु़का गालील नुङ खोत्‍ले यहूदियाडाम नुङ गालीललामका ओ यरूशलेमसम्‍म मु़चु़मिमलाई सीसाका कोक्‍तोङा लेडु़।”

मत्ती 17:27

लावो मेर्मिमकु छोक्‍चो फम्‍सामु इकी न मिबु, मेम्‍मिमका गाना दिरिदिनयु़ लक्‍सामा कार्चा ओप्‍डा। मे इमा कार्चाडा ख्‍यासिक्‍पा ङादोम ङोकु सि ह्‌वाका, मा इमा नुङ आमा लागि कर सोमु लिट्‍पा मतोकु कोले सिक्‍का डार्ना। मेराम लडामा इमा नुङ आमा कर सोका।”

मत्ती 27:11

मेकोतिमा येशूलाई रोमी किब्‍दी साखामचो़ पिलातसकु ङादोडा येम्‍सिबेट्‌मिडी। किब्‍दी साखामचो़का गुमीलाई हिलाबु़डु़, “हाम गाना यहूदीमिमकु हप?” येशूका र्‍वाम्‍डी, “गानी र्‍वानिमिम होङङा सो़।”

मर्कूस 15:2

मेकोतिमा पिलातसका येशूलाई र्‍वाक्‍ता, “हाम गाना ङा यहूदीमिमकु हप?” गुमीका पिलातसलाई र्‍वाम्‍डी, “अँ, मे गानी र्‍वानिमिम होङङा।”

यूहन्‍ना 18:29

मेम्‍मिमका पिलातसका पाखानो लुक्‍तामा मेर्मिमनुङ हिलाबु़डु़, “ओराम मु़चु़कु बुइडला गानी उट्‌निम मेजो़पा ल्‍वा हाम बु?”

रोमी 13:7

सोमु बासिक्‍पा खोलेम थोक सोक्‍थाट्‍नी– कर सोमु बासिक्‍पालाई कर, कुथेर सोमु बासिक्‍पालाई कुथेर सोक्‍नी। मेम्‍साकाङा डोक्‍पु बोमु बासिक्‍पामिमलाई डोक्‍पु बेनी मा मेर्मिमका र्‍वामिमिम ल्‍वा थो़नी।