लूका 23:14 - थुलुङ राई

¹⁴ मेम्‍मा मेर्मिमलाई र्‍वाक्‍ता, “रोमी सरकारकु कोर्थो़लाम मु़चु़मिमलाई कोस्‍तु़मि र्‍वाक्‍साका गानी ओरामलाई आमाडा रेट्‌नी। गो इनी ङादोडाङा ओरामलाई हिलाहिसी बेउतो लोवो गानी मुमा बेट्‌निम ल्‍वा गुनुङ मेडारुवा।

लूका 23:14 Referans Kwoze

हिब्रू 7:26

मेम्‍मिमका गुइ चाहेबिइमिम डोक्‍पु डु़म्‍लाचो़ ने येशू ङा सो़। गुमी सेपा, हाम वो मेख्‍लो़ट्‌पा, छु़ल मान्‍थिम बुमी, मा गुमी छु़लचो़मिमडाम वाङ दु़म्‍साका खोत्‍लेडाम गेले पाह्रीला कोसिक्‍पा बुमी।

थु़र्मा 13:28

येशू सेन्‍मु बासिट्‌पा ल्‍वा मेर्मिमका हाम वो मेडार्मिवा, लावो गुमीलाई सेन्‍मु ङा बासी र्‍वाक्‍साका पिलातसनुङ र्‍वाम्‍डिम-र्‍वाम्‍डिम बेम्‍डी।

मत्ती 27:54

येशूलाई लपाम बाट्‌पा कप्‍तान नुङ सिपाहीमिमका सुबुरुक्‍सी लस्‍ताम नुङ मेसिन्‍डा दु़स्‍ताम खोत्‍ले ल्‍वाम्‍डिमा छो़म ङिम्‍डी। मेम्‍मा मेर्मिमका र्‍वाम्‍डी, “आच्‍छाङा ओराम ने माम्‍चु़नीकु चो़ङा बाइडाम रेछा।”

मत्ती 27:24

हाम वो बोमु मेझापा, मेरामडाम ने मु़चु़मिम येमु-दुमुमा ङाल्‍मु खाप्‍मिमिम पिलातसका ल्‍वास्‍तु़। मेम्‍मा गुका कु रङडु़मा सेर्पा मु़चु़कु ङादोडा उ ल्‍वा सो़ल्‍साका र्‍वाक्‍ता, “ओराम मु़चु़ सेन्‍मुडा गो हाम वो ख्‍लो़त्तोम मिबु, इनी त्‍वापङा चन्‍सिट्‌नी।”

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”

मत्ती 27:4

मेम्‍मा र्‍वाक्‍ता, “हाम वो मेख्‍लो़ट्‌पा मु़चु़लाई भ्रेसाका गो छु़ल बेउतो।” मेर्मिमका र्‍वाम्‍डी, “मेराम आकीमा लागि हाम मा? गानाङा चना।”

थु़र्मा 17:11

मेर्मिमका माम्‍चु़नीकु सिजेम छो़म गेर्सी द्‌वाक्‍तो थो़म्‍डिमा पावलका र्‍वाक्‍ताम ल्‍वा आछाङा डे मेएँ र्‍वाक्‍साका हेल्‍लो लोवो माम्‍चु़नीकु सिजेम डासाका थेन्‍मु माल्‍थाल्‍मिडी।