लूका 22:61 - थुलुङ राई

⁶¹ मेकोतिलोङा ङाचो़ येशू ख्‍लोसिम्‍डिमा पत्रुसलाई रेप्‍मिडी। “थामा नेमसोसोका स्‍वारेपो ओमु ङादो गाना गोलाई सु खेप मेछेपु र्‍वाना” र्‍वाक्‍साका येशूका गुलाई र्‍वाम्‍डिम ल्‍वा पत्रुसका मिम्‍डु़।

लूका 22:61 Referans Kwoze

लूका 22:34

लावो येशूका र्‍वाम्‍डी, “पत्रुस आच्‍छाङा गो गानालाई र्‍वाङु, गाना गोलाई सुक खेपसम्‍म मेछेपु मेर्‍वानामिमसम्‍म थामा नेमसोसोका स्‍वारेपो मेओ।”

रेम्‍बेट्‌मिडिम ल्‍वा 2:5

मेम्‍मिमका गाना बालामका धाली आल्‍सिट्‍नाम बु मेराम मिम्‍डा, मा माम्‍चु़नीथो़ ख्‍लोसा, मा ङादो बेन्‍नाम होङङा बे। गाना मेमका मेख्‍लोन्‍सिट्‌नावा माला गो इमाडा रोङुमा इमा धिप्‍री चाखोपलाई उ खोमलामका होनोवा बेउ।

एफिसी 2:11

कोबिलि गानी वाङसामामिम, हेप्‍माम बान्‍नी मेराम मिम्‍सिट्‍नी, ल्‍वाका खिरिरि क्रिप्‍सी बेम्‍मा यहूदीमिमका गानीलाई कोक्‍ते खिरिरि क्रिप्‍सी मेबेम्‍मा र्‍वामी। गानीलाई मेम र्‍वाक्‍पामिम त्‍वाप ने खिरिरि क्रिप्‍सी बेम्‍मा मिम्‍सिमी।

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

यूहन्‍ना 13:38

मेकोतिमा येशूका र्‍वाम्‍डी, “हाम गाना आमा लागि इमा साम फ्‍यानामिम? आच्‍छाङा गो गानालाई र्‍वाङु, स्‍वारेपो ओमु ङादो गाना गोलाई सु खेप मेछेपु र्‍वाना।”

लूका 10:41

लावो येशूका र्‍वाम्‍डी, “मार्था, मार्था, गाना हापा ल्‍वामिमकु दुथाम मिम्‍ताम-सो़र्ताम बोना, मा इ थो़मतेर्सी।

लूका 7:13

येशूका अर्दोमेलाई ल्‍वाम्‍डिमा छो़म उनी थो़म भ्रो़स्‍ता, मा गुमीका मे मेसेमलाई र्‍वाम्‍डी, “मेख्राप्‍डा।”

मर्कूस 5:30

मेकोतिलोङा येशूका उनीमा यु़म गुमीलामका लुक्‍पा लु़लेट्‌मिडिमका मे सेर्पा मु़चु़मिमथो़ ख्‍लोम्‍सीम्‍डिमा र्‍वाम्‍डी, “गोलाई सु़का लु़प्‍ङिडी?”

मत्ती 26:75

मेकोतिमा येशूका आरे र्‍वाम्‍डिम ल्‍वा पत्रुसका मिम्‍डु़, “स्‍वारेपो ओमु ङादो गाना गोलाई सुकखेप मेछेपु र्‍वाना।” मेम्‍मा गु पाखानो लस्‍तामा हुलाख्राम बु़डु़।

मत्ती 26:34

येशूका पत्रुसलाई र्‍वाम्‍डी, “आच्‍छाङा गो गानालाई र्‍वाङु, थामा सिन्‍था स्‍वारेपो ओमु ङादो सुकखेप गाना गोलाई मेछेपु र्‍वाना।”

लूका 7:19

मा ङाचो़ येशूकाडा ओराम ल्‍वा हिलाबेप्‍डा थु़र्स्‍तु़ची, “गुकु लन्‍थान्‍कुमिम मसीह गानी ङा डे, गुकु वाङमिमलाई ङा लन्‍थान्‍कुमिम?”

लूका 22:60

लावो पत्रुसका र्‍वाक्‍ता, “गानी हाम सो़त्तोङा लेनी वाआ, गो ने मेचक्‍पु।” पत्रुस जेत्तोङा बु़डु़लो स्‍वारेपो ओक्‍ता।

लूका 22:62

मेम्‍मिमका पत्रुस देल्‍फुलामका लुक्‍तामा लस्‍ता, मा हुला ख्राम बु़डु़।