लूका 22:24 - थुलुङ राई

²⁴ मेर्मिमगोडाम खोत्‍लेडाम डोक्‍पु सु़ बु र्‍वाक्‍साका सीसिपामिमका उनी त्‍वाप-त्‍वापगोडा रिबुसी किन्‍मु चो़म्‍मिडी।

लूका 22:24 Referans Kwoze

लूका 9:46

मेकोतिमा को-न (१२) सीसिपामिमका खोत्‍लेडाम डोक्‍पु सु़ दु़म र्‍वाक्‍साका उनी त्‍वाप-त्‍वापगोडा हिलाहिसी बेबेम्‍डी।

मर्कूस 9:34

लावो मेर्मिम मेजेसाका ङा बाम्‍डी, हेङालोने लाम्‍दीडा मेर्मिमका, “उनी त्‍वाप गोडा खोत्‍लेडाम डोक्‍पु सु़?” र्‍वाक्‍साका हिलाहिसी बेबेम्‍डिम बाइडा।

१ कोरिन्थी 13:4

रिखाम इम्‍मु चापा नुङ न-थो़मनुङमा दु़म। रिखामका नाचु़र मेबु़, डोक्‍पु मेलिसी, नो़ मेल्‍वाक्‍थाडु़।

रोमी 12:10

त्‍वाकु वा-ल्‍वाक होम्‍साका रिखाम बेबेनी, त्‍वापडाम वो वाङमिमलाई हापा डोक्‍पु मिम्‍नी।

मत्ती 18:1

मेकोतिलोङा सीसिपामिम येशूकाडा रोम्‍डिमा हिलाबेम्‍डी, “पाह्री-किब्‍दीडा खोत्‍लेडाम डोक्‍पु मु़चु़ सु़ दु़म?”

लूका 22:23

ओराम थो़म्‍डिमा थु़र्मामिमका आरेप्‍माम खारी बेपा मेर्मिमगोडाम मु़चु़ सु़? र्‍वाक्‍साका उनी त्‍वाप-त्‍वापगोडा हिलाबेबोमु चो़म्‍मिडी।