लूका 22:2 - थुलुङ राई

² ङाउ डु़म्‍लाचो़मिम नुङ यहूदीकु डु़म्‍ला सीपा पातु़म्‍रीमिमका येशूलाई हेसाका सेन्‍मु र्‍वाक्‍साका खाप रेप्‍थाल्‍मिडी, लावो मु़चु़मिमडाम मेर्मिम ङिम्‍थाल्‍मिडी।

लूका 22:2 Referans Kwoze

यूहन्‍ना 11:57

लावो कोङनिमका डार्मिडी माला सो़मिनु़। मेम्‍मा गुकु गुलाई चु़म्‍कु र्‍वाक्‍साका ङाउ डु़म्‍लाचो़मिम नुङ फरिसीमिमका र्‍वाम्‍डिम बाइडा।

लूका 20:19

मेकोतिमा यहूदीकु डु़म्‍ला सीपा पातु़म्‍रीमिम नुङ ङाउ डु़म्‍लाचो़मिमका ओराम सीसि-सो़म्‍दी आकी कोर्थो़लाम र्‍वाक्‍तो लेन्‍मी र्‍वाक्‍पा चम्‍डी। मेम्‍मिमका मेर्मिमका मेकोतिलोङा येशूलाई चु़म्‍मु माल्‍मिडी। लावो मे मु़चु़मिमडाम मेर्मिम ङिम्‍डी।

मत्ती 12:14

फरिसीमिम मेलामका लम्‍डिमा हेसाका येशूलाई सेट्‌पा, मेराम ल्‍वा बोमु चो़म्‍मिडी।

थु़र्मा 4:27

“हेङालोने गानी थुट्‌निमा इनी नङका साट्‌निम इनी डु़ल्‍चो़ येशूकु कोर्थो़लाम हेरोद नुङ पन्‍तियस पिलातस, वाङसामामिम नुङ इस्राएलीमिम ओराम शहरडा ङा खोम्‍सिम्‍डिम बाइडा।

मत्ती 21:38

“लावो बोम्‍था बेपा मु़चु़मिमका मे उमा तारापाचो़ बिक्‍तोङा बेपा ल्‍वाम्‍डिमा उनी त्‍वाप-त्‍वापडा आरे र्‍वाबेम्‍डी, ‘ये-द डार्पा मु़चु़ होनोङङा। रोक्‍नी, मेरामलाई सेडी, मा मेरामका डार्पा ये-द इकीमा ल्‍वाड्‌डा बिइ।’

मत्ती 26:2

“आनेपकु नलेमका सेल्सिमुनेमकु चाड रो र्‍वाक्‍पा ने गानी चनिमिम बु, मा मिनीचो़ क्रूसडा चेन्‍मु लागि उ स्‍वाक्‍चिमो मु़चु़मिमकु ल्‍वाडा ग्‍वाला सो़सी।”

मर्कूस 14:1

मेरामकु नलेम चङडा सेल्‍सिमु-नेम नुङ लङखाम मान्‍थिम सो़बेम पेपा नेम बाइडा। मेम्‍लोका ङाउ डु़म्‍लाचो़मिम नुङ यहूदीमिमकु डु़म्‍ला सीपा पातु़म्‍रीमिमका येशूलाई हेसाका चु़म्‍मुमा सेन्‍मु र्‍वाक्‍पा खाप रेम्‍बाल्‍मिडी।