लूका 22:19 - थुलुङ राई

¹⁹ मेकोतिमा गुमीका सो़बेम झेट्‌मिडिमा माम्‍चु़नीलाई आलासो़ ग्‍वाम्‍डी, मा मे सो़बेम चम्‍डी। मेम्‍मा उनी थु़र्मामिमलाई आरे र्‍वाक्‍तो ग्‍वाम्डी, “गो इनीमा लागि ग्‍वाक्‍पुमिम ओराम आमा मिरो़म सो़। गोलाई मिम्‍ङिनिमा ओराम पेनी।”

लूका 22:19 Referans Kwoze

१ कोरिन्थी 10:16

ङाचो़ येशूकु ग्रुला पेखोपडा कान्‍चु़रे रसाका गुइ माम्‍चु़नीलाई आलासो़ ग्‍वाकी। हाम गुइ कान्‍चु़रेलाम डुङिलो ख्रीष्‍टकु सीसिडा दो़दो़वा डार्स्‍तिम मेएँ मा? मेम्‍मा गुइ सो़बेम चक्‍साका पिइरिलो हाम गुइ ख्रीष्‍टकु मिरो़मकु दो़दो़वा डार्स्‍तिम मेएँ मा?

लूका 22:20

ग्रुला पेम्‍डिमा येशूका अङ्‍गूरकु बिलामनुङमा कोङमी कान्‍चु़रे कोम्‍डिमा उनी सीसिपामिमनुङ र्‍वाम्‍डी, “ओराम कान्‍चु़रे आमा सिसिका माम्‍चु़नीनुङ उनी मु़चु़मिमकाम लाले सो़रख्रेप्‍मा सो़, मेराम इनीमा लागि सासेसाका हासी सो़।

१ कोरिन्थी 10:4

मा खोत्‍लेका माम्‍चु़नीका ग्‍वाम्‍डिम त्‍वारो़मकु कु डुम्‍डी, हेङालोने मेर्मिमनुङ कोयो-कोयो लक्‍पा पाह्रीलाममिम भ्‍र्‍वालामका पुट्‌पा कु मेर्मिमका डुम्‍डी। मेराम भ्‍र्‍वा ने ख्रीष्‍ट बाम्‍डी।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

एफिसी 5:2

येशू ख्रीष्‍टका गानीलाई रिखाम बेन्‍निमिमका इनी छु़ललाम वाङ बोमु लागि उनी त्‍वापङा सासेन्‍सिम्‍डी मा माम्‍चु़नीलाई गेर्सीबेट्‌पा भ्रपा मुर्नेम्‍पा धूप होप्‍माम दु़म्‍मिडी। मेम्‍साका गानी वो रिखामडा बानी-दोनी।

गलाती 1:4

छु़ल बेत्तोङा बेपा ओराम सु़म्‍दिसेरलामका सेल्‍मु लागि गुमी इकीमा माम्‍चु़नी पापकु न होम्‍साका उनी त्‍वापङा सासेन्‍सिम्‍डी।

यूहन्‍ना 6:51

त्‍वारो़म ग्‍वाक्‍पा पाह्रीलामका योक्‍पा सो़बेम गोङा सो़। कोङनिमका ओराम सो़बेम पु़ माला मेराम हेल्‍लो लोवो नु़होम बु। ओराम सो़बेम ने आमा मिरो़म सो़, सु़म्‍दिसेरडाम मु़चु़मिमका त्‍वारो़म ल्‍वामु लागि मेराम ग्‍वाक्‍पुमी।”

लूका 24:30

येशू मेर्चिपनुङ पेप्‍डा गन्‍मिडी। गुमीका सो़बेम झेट्‌मिडिमा आलासो़ ग्‍वाम्‍डी, मा चम्‍डिमा मेर्चिपलाई ग्‍वाम्‍डी।

मत्ती 14:19

येशूका सेर्पा मु़चु़लाई प्रु़प्‍चीडला गन्‍बेट्‌मिडी। मेम्‍मा मे ङोले सो़बेम नुङ नले ङो झेट्‌मिडिमा पाह्रीथो़ रेप्‍तो आलासो़ ग्‍वाम्‍डी। मेकोतिमा फ्‍वाक्‍चो़ल बेसाका उनी सीसिपामिमलाई ग्‍वाम्‍डी। मेर्मिमका मु़चु़मिमलाई दो़म्‍साम्‍डी।

यूहन्‍ना 6:23

मेम्‍मा ङाचो़ येशूका आलासो़ ग्‍वाक्‍साका मु़चु़मिमका सो़बेम पेम्‍डिम बाय फार्डा तिबेरियस शहरलामका वाङमिम कुबी-बोक्‍सा वो रोम्‍डी।

लूका 22:17

मेकोतिमा येशूका अङ्‍गूरकु बिलामनुङमा कान्‍चु़रे कोम्‍डिमा माम्‍चु़नीलाई आलासो़ ग्‍वाम्‍डी, मा उनी थु़र्मामिमलाई र्‍वाम्‍डी, “ओराम रनी, मा ओलामकाङा खोत्‍लेका डुनी।

१ थेसलोनिकी 5:18

गानीडला हा-हाम दु़म, मेर्मिम खोत्‍लेकाम लागि माम्‍चु़नीलाई आलासो़ ग्‍वाक्‍नी। येशू ख्रीष्‍टकु मु़चु़ दु़म्‍साका गानी ओरामङा बेनिम बानी र्‍वाक्‍पा माम्‍चु़नीकु न बु।

गलाती 4:25

अरब नेब्‍दीडाम सीनै पोप्‍चङ ने डु़ल्‍चो़मे हागार होप्‍मामङा सो़, मा ओम्‍लोम यरूशलेम शहरनुङ गुलाई थो़म्‍मु झाम। हेङालोने मेराम शहरडाम मु़चु़मिम डु़म्‍लागोडाम डु़ल्‍चो़ होप्‍मामङा सो़।

मत्ती 15:36

गुमीका मे येतले सो़बेम नुङ ङो झेट्‌मिडिमा माम्‍चु़नीलाई आलासो़ ग्‍वाम्‍डी, मा फ्‍वाक्‍चो़ल बेम्‍डी। मेम्‍मा गुमीका सीसिपामिमलाई ग्‍वाम्‍डी, मा मेर्मिमका मु़चु़मिमलाई दो़म्‍साम्‍डी।