लूका 22:18 - थुलुङ राई

¹⁸ हेङालोने गो गानीलाई र्‍वाङु, माम्‍चु़नीका साखाम मेथो़थु़मसम्‍म आथाडा आनो गो अङ्‍गूरकु बिलाम मेडु।”

लूका 22:18 Referans Kwoze

मत्ती 26:29

गो गानीलाई र्‍वाङु, आमा पापकु किब्‍दीडा गानीनुङ मेडुमिमसम्‍म अङ्‍गूरकु ओराम बिलाम हेल्‍लो वो मेडु।”

लूका 22:16

हेङालोने गो गानीलाई र्‍वाङु, माम्‍चु़नीका किब्‍दी थो़मिलो ओराम ग्रुलाका रेम्‍बोमु मालु़मिम ल्‍वा होङङा मेरोक्‍थु़मसम्‍म आथाडा आनो गो ओराम ग्रुला मेपेउ।”

मर्कूस 14:25

गो आच्‍छाङा गानीनुङ र्‍वाङु, माम्‍चु़नीकु किब्‍दीडा लाले बेसाका मेडुथु़म मे अङ्‍गूरकु बिलाम गो मेडुउ।”

कलस्‍सी 1:13

गुमीका गुइलाई तुकुम्‍चिम गोडा साखाम थो़पा शैतानकु किब्‍दीलामका गेसाका ख्‍लुक्‍साड्‌डामी मा उनीमा द्‌वादीबुङ तारापाचो़कु किब्‍दीगोडा रेसाड्‌डामी।

लूका 21:31

मेम्‍साकाङा ओर्मिम ल्‍वा दु़म्‍मु चो़म्‍डु़मिम ल्‍वानिलो माम्‍चु़नीकु किब्‍दी रोमुङा खाप्‍सु़ र्‍वाक्‍साका चनी।

लूका 9:27

आच्‍छाङा गो गानीलाई र्‍वाङु, आसिन्‍डा येम्‍सिक्‍पामिमगोडाम कोङ-कोङका माम्‍चु़नीकु किब्‍दी मेल्‍वाथु़म उनी साम मेल।”

मर्कूस 15:23

मेकोतिमा मेर्मिमका गुमीलाई मूर्र फिक्‍मा अङ्‍गूरकु बिलाम ग्‍वाम्‍डी। लावो गुमीका मेराम मेडुमिवा।

मर्कूस 14:23

मेकोतिमा कान्‍चु़रे रम्‍डिमा आलासो़ ग्‍वाम्‍डिमा गुमीका मेर्मिमलाई ग्‍वाम्‍डिमी, मा मेर्मिम खोत्‍लेका मेलामका डुम्‍डी।

मर्कूस 9:1

मेकोतिमा गुमीका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, आसि येम्‍तासिट्‌पामिमडाम याङ-याङका माम्‍चु़नीकु किब्‍दी यु़मनुङ योक्‍पा मेल्‍वाथु़म उनीमा साम मेल।”

मत्ती 16:18

गो गानालाई र्‍वाङु, गाना पत्रुस सो़। ओराम लुङडला आमा मण्‍डली गो बनेबेउ, मा शैतानकाङा वो ओरामलाई घ्‍ल्‍वामु मेचाप्‍सु़।