लूका 22:17 - थुलुङ राई

¹⁷ मेकोतिमा येशूका अङ्‍गूरकु बिलामनुङमा कान्‍चु़रे कोम्‍डिमा माम्‍चु़नीलाई आलासो़ ग्‍वाम्‍डी, मा उनी थु़र्मामिमलाई र्‍वाम्‍डी, “ओराम रनी, मा ओलामकाङा खोत्‍लेका डुनी।

लूका 22:17 Referans Kwoze

लूका 22:19

मेकोतिमा गुमीका सो़बेम झेट्‌मिडिमा माम्‍चु़नीलाई आलासो़ ग्‍वाम्‍डी, मा मे सो़बेम चम्‍डी। मेम्‍मा उनी थु़र्मामिमलाई आरे र्‍वाक्‍तो ग्‍वाम्डी, “गो इनीमा लागि ग्‍वाक्‍पुमिम ओराम आमा मिरो़म सो़। गोलाई मिम्‍ङिनिमा ओराम पेनी।”

रोमी 14:6

कोलेममिम नेमडाम वो कोङमी नेम डोक्‍पु मिम्‍पा मु़चु़का माम्‍चु़नीलाई डोक्‍पु बेपा नका मेम बु़। खोत्‍लेम थोक पेपाका माम्‍चु़नीकाम लागि ङा पु़ हेङालोने मेरामका माम्‍चु़नीलाई आलासो़ र्‍वा। खोलेम थोक मेपेपाका वो माम्‍चु़नीकाम लागिङा मेपु़ मा मेरामका वो माम्‍चु़नीलाई आलासो़ र्‍वा।

लूका 9:16

मेकोतिमा गुमीका मे ङोले सो़बेम नुङ नले ङो झेट्‌मिडिमा पाह्रीथो़ रेप्‍तो सो़बेम नुङ ङोकाम लागि माम्‍चु़नीलाई आलासो़ ग्‍वाम्‍डी, मा मे सो़बेम नुङ ङो चक्‍साका मु़चु़मिमलाई दो़न्‍साट्‌नी बेम्‍डिमा उनी सीसिपामिमलाई ग्‍वाम्‍डी।

मत्ती 14:19

येशूका सेर्पा मु़चु़लाई प्रु़प्‍चीडला गन्‍बेट्‌मिडी। मेम्‍मा मे ङोले सो़बेम नुङ नले ङो झेट्‌मिडिमा पाह्रीथो़ रेप्‍तो आलासो़ ग्‍वाम्‍डी। मेकोतिमा फ्‍वाक्‍चो़ल बेसाका उनी सीसिपामिमलाई ग्‍वाम्‍डी। मेर्मिमका मु़चु़मिमलाई दो़म्‍साम्‍डी।

मत्ती 15:36

गुमीका मे येतले सो़बेम नुङ ङो झेट्‌मिडिमा माम्‍चु़नीलाई आलासो़ ग्‍वाम्‍डी, मा फ्‍वाक्‍चो़ल बेम्‍डी। मेम्‍मा गुमीका सीसिपामिमलाई ग्‍वाम्‍डी, मा मेर्मिमका मु़चु़मिमलाई दो़म्‍साम्‍डी।

मत्ती 26:26

मेर्मिमका ग्रुला पेत्तोङा लेट्‌मिडिलो येशूका सो़बेम चक्‍मिडिमा जेट्‌मिडी। मेम्‍मा आलासो़ ग्‍वाम्‍डिमा उनी सीसिपामिमलाई मे सो़बेम ग्‍वाक्‍तो र्‍वाम्‍डी, “ओराम रनिमा पेनी, ओराम आमा मिरो़म सो़।”

मर्कूस 14:22

मेकोतिमा पेत्तोङा बेम्‍डिलो येशूका सो़बेम रम्‍डिमा जि ग्‍वाम्‍डी, मा चम्‍डी। मेकोतिमा मेर्मिमलाई ग्‍वाक्‍तोङा र्‍वाम्‍डी, “ने रनी, ओराम आमा मिरो़म सो़।”

१ कोरिन्थी 10:16

ङाचो़ येशूकु ग्रुला पेखोपडा कान्‍चु़रे रसाका गुइ माम्‍चु़नीलाई आलासो़ ग्‍वाकी। हाम गुइ कान्‍चु़रेलाम डुङिलो ख्रीष्‍टकु सीसिडा दो़दो़वा डार्स्‍तिम मेएँ मा? मेम्‍मा गुइ सो़बेम चक्‍साका पिइरिलो हाम गुइ ख्रीष्‍टकु मिरो़मकु दो़दो़वा डार्स्‍तिम मेएँ मा?

१ कोरिन्थी 11:23

हेङालोने ङाचो़लाम गो हाम ल्‍वाउतो मेराम गो गानीलाई ग्‍वाक्‍निनिम बु। ङाचो़ येशू चु़म्‍ला सो़म्‍सिम्‍डिम सिन्‍था गुमीका सो़बेम झेट्‌मिडी,