लूका 22:16 - थुलुङ राई

¹⁶ हेङालोने गो गानीलाई र्‍वाङु, माम्‍चु़नीका किब्‍दी थो़मिलो ओराम ग्रुलाका रेम्‍बोमु मालु़मिम ल्‍वा होङङा मेरोक्‍थु़मसम्‍म आथाडा आनो गो ओराम ग्रुला मेपेउ।”

लूका 22:16 Referans Kwoze

रेम्‍बेट्‌मिडिम ल्‍वा 19:9

मेम्‍मा मे पाह्रीचो़का गोनुङ र्‍वाक्‍ता, “ओराम ल्‍वा र्‍याका: भेन्‍दाचो़कु लालीकुन्‍दाडाम ग्रुलाडा येन्‍सिक्‍पा मु़चु़मिम आलाकाम सो़!” मेम्‍मा गुका आथावो र्‍वाक्‍ता, “माम्‍चु़नीकाम आच्‍छाङाम सिजेममिम ओर्मिमङा सो़।”

लूका 14:15

येशूनुङ ग्रुला पेप्‍डा गन्‍पामिमगोडाम कोले मु़चु़का ओराम ल्‍वा थो़स्‍तु़मा गुमीलाई र्‍वाक्‍ता, “उहेमका माम्‍चु़नीकु किब्‍दीडा ग्रुला पु़ मेराम आलाकाम सो़।”

लूका 22:30

मेकोतिमा गो किब्‍दी थो़पुमिम थारीका गानी गोनुङङा पोनी-डुनी, मा हपकु गन्‍खोपडा गन्‍साका माम्‍चु़नीकु मु़चु़मिमडला गोनुङ साखाम थो़पा दु़म्‍नी।”

थु़र्मा 10:41

खोत्‍ले मु़चु़मिमकाडा ने मेएँ, लावो माम्‍चु़नीका येशूकु दुथाम सो़मु लागि थुत्तिकिमिम गुकुलाई खोत्‍लेडाम ङादो येशू सिमुलाम बम्‍गेम्‍डिम रेम्बेम्डी। गुमी बम्गेम्डिम चङ्‍डा गुकु गुमीनुङ पेत्तोको-डुत्तोको।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

लूका 12:37

उनी नेमडाम हप रोलो झो़म्‍जो़ल्‍सिट्‌पा डु़ल्‍चो़मिम आलाकाम सो़। आच्‍छाङा गो गानीलाई र्‍वाङु, मेरामका उ थ्‍वाक्‍पुरी खिम्‍सिमा मेर्मिमलाई गडु़मी, मा पोमु-डुमु ग्‍वाकु़मी।

लूका 22:15

गुमीका मेर्मिमनुङ र्‍वाम्‍डी, “गो दु़खा ल्‍वामु ङादोङा सेल्सिमुनेमकु चाडकाम ग्रुला गानीनुङ पोमु छो़म आमा न बाइडा।

लूका 22:18

हेङालोने गो गानीलाई र्‍वाङु, माम्‍चु़नीका साखाम मेथो़थु़मसम्‍म आथाडा आनो गो अङ्‍गूरकु बिलाम मेडु।”