लूका 21:8 - थुलुङ राई

⁸ गुमीका मेर्मिमलाई र्‍वाम्‍डी, “चङचङया बानी वो, सु़का वो गानीलाई मेब्‍लो़म्‍निमिनु़। हेङालोने हापा मु़चु़मिम आमा नङडा, ‘गो ङा ख्रीष्‍ट’ र्‍वाक्‍तो रोमी। हुक्‍पाथारी रोक्‍फाड्‌डाम बु र्‍वामी लावो गानी मेर्मिमडला थो़र मेलु़नी वो।

लूका 21:8 Referans Kwoze

१ यूहन्‍ना 4:1

द्‌वादीबुङ ङोप्‍सो़नी, पेललामका जेङुमिम र्‍वाक्‍पा खोत्‍ले मु़चु़लाई थो़र मेलु़नी। मेर्मिमनुङ बाट्‌पा पेल माम्‍चु़नीलाममिम डे मेएँ डे र्‍वाक्‍पा रेम्‍मु मेर्मिमलाई छाम्‍निमी। हेङालोने माम्‍चु़नीलाम-जेपा लिसिक्‍पा हापा मु़चु़मिम ओराम सु़म्‍दिसेरडा लुम्‍डिम बु।

२ थेसलोनिकी 2:3

मु़चु़मिमका ओराम ल्‍वाकु दुथाम गानीलाई र्‍वामिमिम लिमा ल्‍वा जेसाका लु-फेले बोमु मेल्वासु़नु़। मु़चु़मिम माम्‍चु़नीकु कोर्थो़लाम बमी, मा माम्‍चु़नीकु डु़म्‍लाकाम कोर्थो़लाम बमिम पुयु़लुक्‍पा मु़चु़ रो। मेम्‍मा ङाचो़ येशू योमी।

एफिसी 5:6

सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

मत्ती 24:11

माम्‍चु़नीलाम-जेपा लिसिक्‍पामिम हापा लुमी, मा हापा मु़चु़मिमलाई ताङताहेरथो़ लमी।

२ तिमोथी 3:13

लावो मेजो़पा मु़चु़मिम नुङ लुचो़ बेपामिम लु-फेले बेसाका नुङ लु-फेले बेला सो़सिक्‍साका छो़म मेजो़पा दु़म्‍तो लमी।

२ यूहन्‍ना 1:7

लिमा ल्‍वा सीपा मु़चु़मिम सु़म्‍दिसेरडा रोम्‍डिम बु। मेर्मिमका येशू ख्रीष्‍ट मु़चु़ दु़म्‍साका योम्‍डिम मेएँ र्‍वामी। आरेप्‍माम मु़चु़ लिमाचो़ नुङ ख्रीष्‍टकु कोर्थो़लाम बक्‍पा मु़चु़ सो़।

लूका 17:23

मु़चु़मिमका गानीलाई मिनीचो़ आसिन्‍डा बु, मेसिन्‍डा बु र्‍वामी। लावो मेर्मिमकु ल्‍वा मेथो़नी, मा मेर्मिमकु चङचङ मेलाम्‍दिनी।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

मत्ती 4:17

मेम्‍लो आथाम येशूका आरे र्‍वाक्‍तो जो़पा-सेला थो़बेन्‍मु चो़म्‍मिडी, “इनी छु़लमिमलामका माम्‍चु़नीडा ख्‍लोन्‍सिट्‌नी, हेङालोने पाह्री-किब्‍दी फार्डाङा रोक्‍फाड्‌डाम बु।”

रेम्‍बेट्‌मिडिम ल्‍वा 1:3

ओम्‍लो नुङ दिफु दु़म्‍पा ल्‍वाकु दुथाम जेम्‍मा ओराम सिजेम उहेम मु़चु़का डाडु़ मेरामलाई माम्‍चु़नीका जि-वा ग्‍वामी। मेम्‍मा ओराम सिजेम सु़का थो़सु़ मा ओराम सिजेमका र्‍वामिम होङङा बु़, मेरामलाई गुमीका जि-वा ग्‍वामी, हेङालोने ओर्मिम खोत्‍ले दु़म्‍पा थारी रोम्‍फामु खाप्‍डु़म बु।

यूहन्‍ना 8:24

गानी इनीमा त्‍वाकु छु़लडा सिनी र्‍वाक्‍साका गो गानीलाई र्‍वाङ्‌डो। गो गुमीङा र्‍वाक्‍साका गानी थो़र मेलु़निवा माला गानी इनीमा छु़लडा सिनी।”

यूहन्‍ना 5:43

गो आमा पापकु साखामडा योङडोम बु, गानी गोलाई मेरङिनी। लावो कोङनिम मु़चु़ उ साखामडा रोक्‍ता माला गुलाई गानी रनी।

मत्ती 3:2

“छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”

लूका 21:7

मे सीसिपामिमका गुमीनुङ हिलाबेम्‍डी, “ङाचो़, आरेप्‍माम थारी हाम्‍सी रो? मा आरेप्‍माम थारी रोमु खाप्‍डु़लो हेप्‍माम छेखोपमिम दु़म?”

लूका 21:9

मु़चु़मिम येपा-दुक्‍पा मा क्‍वाल्‍बा दु़म्‍पा ल्‍वा थो़नी लोवो गानी मेङिनी, हेङालोने हुक्‍पाथारी रोमु ङादो आरेप्‍माम दु़म्‍मुङा बासी। मेकोतिलोङा सु़म्‍दिसेर हुक्‍पाथारी ने मेरोल्‍या।”

यूहन्‍ना 8:28

मेम्‍मिमका येशूका र्‍वाम्‍डी, “मिनीचो़लाई गानी क्रूसडला कोनी, मेम्‍मा गो गुमीङा र्‍वाङ्‌डोम गानी चनी। गो आमा त्‍वाकु साखामडा हाम वो मेबेउ, लावो पापका हाम सीट्‌ङिडिमी मेराम कोङङा जेङु।

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,