लूका 21:36 - थुलुङ राई

³⁶ लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

लूका 21:36 Referans Kwoze

१ यूहन्‍ना 2:28

आमा चो़च्‍चो़ होप्‍माम मु़चु़नी, ख्रीष्‍टडा बानिम बानी, मेम्‍साका गुमी रेम्‍बेम्‍सिप्‍मिलो मेङिसिनु़ मा गुमी योमिलो उनी ङादोडा इकीमा क्रो़म मेलु़नु़।

१ पत्रुस 5:8

इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।

मत्ती 25:13

“मेम्‍मिमका चङचङया बानी वो, हेङालोने मिनीचो़ योक्‍पा नेम लोवो थारी लोवो गानी मेचनी।

मत्ती 24:42

“मेम्‍मिमका चङचङया बानी, हेङालोने बामनेम इनीमा ङाचो़ यो, मेराम गानी मेचनी।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

१ कोरिन्थी 16:13

चङचङया बानी, छो़म थो़रनुङमा दु़म्‍नी, डोक्‍पु थो़म्‍बोकनुङमा दु़म्‍नी मा छो़म सोनुङमा दु़म्‍नी।

लूका 18:1

येशूकु उनी सीसिपामिमका हेल्‍लो लोवो सो़म्‍दी बोमिनु़, मा उनी पाउ मेसोनु़ र्‍वाक्‍पा नका येशूका मेर्मिमनुङ ओराम सीसि-सो़म्‍दी र्‍वाम्‍डी:

मर्कूस 13:33

गो र्‍वाङुमिम जो़होमका थो़नी, मा चङचङया बानी वो! हेङालोने मेराम थारी हाम्‍सिका रोफा र्‍वाक्‍पा गानी मेचनी।

यहूदा 1:24

माम्‍चु़नी यु़मनुङमा बुमी मा गानीलाई छु़लडा वाम्‍मुडाम सेल्‍मु चापा बुमी। गानीलाई हाम वो मेख्‍लो़ट्‌पा दु़म्‍बेसाका नुङ छो़म भ्रसिबेसाका उनी यु़म-झ्‍वाक्‍सी ङादोडा रेन्‍मु चापा गुमी बुमी।

मत्ती 26:41

चङचङया बानी, मा मेजो़पा ल्‍वाका इनीमा न मेछाम्‍सिनु़ र्‍वाक्‍साका सो़म्‍दी बेनी। आच्‍छाङा इनीमा न-गोका ने बोमु मालु़, लावो मिरो़मङा मेचापा बु।”

१ थेसलोनिकी 5:17

हेल्‍लो लोवो सो़म्‍दी बेनिम बानी।

मर्कूस 13:37

मेम्‍मिमका गो गानीनुङ हाम र्‍वाक्‍तोङा बेउ मेराम गो खोत्‍लेलाई ङा र्‍वाङु, ‘चङचङया बानी वो’।”

२ तिमोथी 4:5

लावो गाना खोत्‍ले थारीका त्‍वापलाईङा जो़होमका जु़ला, दु़खा इम्‍डा, जो़पा-सेला थो़बेडामी, मा माम्‍चु़नीका बेबेट्‌नामिम खोत्‍ले खारी बे।

कलस्‍सी 4:2

चङचङया बासाका नुङ माम्‍चु़नीडला आला-तोमानुङमा दु़म्‍साका सो़म्‍दी बेनिमङा बानी।

थु़र्मा 10:2

कर्नेलियस माम्‍चु़नीकु सो़रलोले बेपा मु़चु़ बाइडा। गु नुङ उ नेमडाममिम खोत्‍लेका माम्‍चु़नीकु ङिम जु़ल्‍थाल्‍मिडी। गुका उनी हाम वो मेबाट्‌पा मु़चु़मिमलाई छो़म खाप्‍ची ग्‍वाक्‍साका हेल्‍लो लोवो माम्‍चु़नीडा सो़म्‍दी बु़थाल्‍लु़।

लूका 20:35

लावो सिमुलामका बक्‍साका पाह्रीथो़ लमु घ्रेट्‌पा मु़चु़मिम ने मेम्‍साका लालीकुन्‍दा मेबोमी मा मेबोम्‍सामी वो।

मत्ती 8:20

येशूका मेरामलाई र्‍वाम्‍डी, “सेरुलीमिमकाम उनी बाखोप रोङगा बु। चक्‍पुमिमकाम वो उनी बाखोप पान्‍जी बु, लावो मिनीचो़काम ने ङेसिखोप वो मिबु।”

मत्ती 24:43

लावो गानी ओराम ल्‍वा चन्‍जो़ल्‍नी, खुचु़वा सिन्‍था उहेम थारीका रो र्‍वाक्‍साका नेमहपका चवाम माला ने, गु चङचङया बायावामा खुचु़वालाई उ नेम पिमु मेग्‍वाकु़वा।

मत्ती 24:44

मेम्‍मिमका गानी झो़म्‍सिट्‌निम बानी, हेङालोने गानी इनी नड्‌डा मेमिम्‍निमिम थारीका मिनीचो़ यो।

लूका 1:19

पाह्रीचो़का गुनुङ र्‍वाक्‍ता, “माम्‍चु़नीनुङ दु़म्‍पा डोक्‍पु पाह्रीचो़ गो गब्रिएल सो़। गानानुङ ल्‍वा बेप्‍डा नुङ ओराम जो़पा-सेला थो़बेड्‌डा गुमीकाङा गोलाई थु़र्ङिडिमिम सो़।

लूका 21:35

हेङालोने सुबुडा बाट्‌पा खोत्‍ले मु़चु़मिमडला मेराम थारी मेम्‍साकाङा रो।

२ कोरिन्‍थी 4:14

गुकु चकु, इकीमा ङाचो़ येशूलाई सिमुलाम फक्‍पा माम्‍चु़नीकाङा गुइलाई वो येशूनुङ फक्‍सामी। मेम्‍मा गानी नुङ गुकुलाई उनी त्‍वाकाडा लक्‍सामी।

रेम्‍बेट्‌मिडिम ल्‍वा 6:17

हेङालोने माम्‍चु़नी नुङ भेन्‍दाचो़काम छोक्‍चो रेम्‍बेपा डोक्‍पुनेम रोक्‍ताम बु मा ओराम ने सु़का इम्‍मु चाप्‍सु़ मा?”

रेम्‍बेट्‌मिडिम ल्‍वा 7:9

ओराम चङडा ङार्मुङा मेझापा सेर्पा मु़चु़मिम ल्वाउतोमी। मेर्मिम ने खोत्‍ले नेब्‍दीलाम, ल्‍वा जेपालाम, खोत्‍ले सामा नुङ दोचो़डाम मु़चु़मिम हप गन्‍खोप नुङ भेन्‍दाचो़कु ङादोडा येम्‍तासिट्‌पा बाम्‍डी। मेर्मिमका बुबुयाम ब्‍लाङमा फम्‍तासिम्‍डी मा उनीमा ल्‍वाडा खजुरकु ग्रेममिम जेन्‍थाम्‍डी।

रेम्‍बेट्‌मिडिम ल्‍वा 8:2

मेम्‍मा माम्‍चु़नीकु ङादोडा येम्‍तासिट्‌पा येतले पाह्रीचो़मिम ल्‍वाउतो। मेर्मिमलाई माम्‍चु़नीका येतले भुम ग्‍वाम्‍डी।

रेम्‍बेट्‌मिडिम ल्‍वा 11:4

ओर्चिप ने सु़म्‍दिसेरडा साखाम थो़पा ङाचो़कु ङादोडा नले जैतूनकु धक्‍सा नुङ नले धिप्‍री जु़ल्‍खोपचिप सो़।