लूका 21:25 - थुलुङ राई

²⁵ “ख्‍लो़मु, नेम्‍सुङ मा सोरलुङमिमगोडा हेल्‍लो वो मेल्‍वाम्‍मा छेखोपमिम दो़। मेम्‍मा दिरिदिनडाम कुकु बाबारिम नुङ ब्‍लोजु़का सुबुडाम खोत्‍ले मु़चु़मिम ङिमी मा मिम्‍ताम-सो़र्ताम बोमी।

लूका 21:25 Referans Kwoze

रेम्‍बेट्‌मिडिम ल्‍वा 20:11

मेम्‍मा कोले डोक्‍पु साखाम थो़पा बुबुयाम गन्‍खोप नुङ मेडला गन्‍तासिट्‌पालाई गो ल्वाउतो। उनी ङादोलामका सुबु नुङ धामु स्‍वाच्‍ची मा मेर्चिपकाम लागि बान्‍थो़ वो खोम मेबायावा।

थु़र्मा 2:19

गो उगेले धामुडा यु़मखारीमिम रेम्‍बेउ, उधाली सुबुडा सिसि, मु नुङ मुसिक्‍पा कुयु़कुमिमकु छेखोपमिम रेम्‍बेउ।

मर्कूस 13:26

मेकोतिलो मु़चु़मिमका मिनीचो़ खासेडा यु़म नुङ यु़म-झ्‍वाक्‍सीडा योक्‍तोङा बेपा ल्‍वामी।

मर्कूस 13:24

“लावो मे डोक्‍पु दु़खानेम-थारी दु़म्‍मिम चङडा नेप्‍सुङ केकेया दु़म, मा ख्‍लो़मुकु ओल वो दाम।

मत्ती 24:29

“मे दु़खा दु़म्‍पानेमकु चङडा दालाङा ‘नेप्‍सुङ केकेया दु़म, ख्‍लो़मुकु ओल मेदो़, धामुलामका सोरलुङमिम आल्‍मी, मा धामुला बाट्‌पामिम खोत्‍ले रुडु़मी।’

मर्कूस 15:33

को-न (१२) जेस्‍तालोम आथाम नेम्‍फु सु जेस्‍ताम सम्‍म खोत्‍ले किब्‍दी तुकुम्‍चिम दु़स्‍ता।

मत्ती 27:45

नेम्‍फुम को-न (१२) जेस्‍तालो आथाम सु जेस्‍तामसम्‍म खोत्‍लेथो़ तुकुम्‍चिमका हुप्‍डु़।

लूका 21:24

उनी स्‍वाक्‍चिमो मु़चु़मिमका मेर्मिमगोडाम कोङनिमलाई कातु़रु़का फल्‍मी, मा कोङनिमलाई बन्‍मिमा सुबुडाम नेब्‍दीडा लमी। मेकोतिमा वाङसामामिमकु उनी थारी मेहुक्‍थु़मसम्‍म मेर्मिमका यरूशलेम शहरलाई फाल्‍मी मा साखाम थो़मी।

लूका 21:26

हेङालोने माम्‍चु़नीका धामुलाम सोरलुङमिमलाई रुबेन्‍मिमिमका सु़म्‍दिसेरडा हाम दु़म्‍मु खाप्‍डु़म र्‍वाक्‍पा ङिमुका उनी मु़चु़मिम न ना थो़मकाम दु़म्‍मी।