लूका 20:6 - थुलुङ राई

⁶ मु़चु़लाम र्‍वाकी माला खोत्‍ले मु़चु़मिमका गुइलाई लुङका ओप्‍सामी हेङालोने यूहन्‍ना आच्‍छाङा माम्‍चु़नीलाम-जेपा मु़चु़ र्‍वाक्‍साका मेर्मिमका थो़र लु़म्‍डिम बु।”

लूका 20:6 Referans Kwoze

मत्ती 21:26

लावो ‘मु़चु़लामका’ र्‍वाक्‍ति माला मु़चु़मिमकाम ङिम बु, हेङालोने खोत्‍ले मु़चु़मिमका यूहन्‍नालाई माम्‍चु़नीलाम-जेपा मु़चु़ र्‍वाक्‍साका थो़र लु़म्‍डिम बु।”

मत्ती 11:9

गानी हाम रेप्‍डा लक्‍निम? माम्‍चु़नीलाम-जेपा मु़चु़लाई रेप्‍डा लक्‍निम? आच्‍छाङा गो गानीनुङ र्‍वाङु, माम्‍चु़नीलाम-जेपा मु़चु़डाम वो डोक्‍पु यूहन्‍नालाई गानी ल्‍वान्‍नी।

थु़र्मा 5:26

मेकोतिमा कप्‍तान नुङ सिपाहीमिम लम्‍डिमा थु़र्मामिमलाई मेयाल्‍साका फिट्‌मिडी, हेङालोने मु़चु़मिमका लुङका ओम्‍किमी र्‍वाक्‍साका मेर्मिम ङिम्‍डी।

यूहन्‍ना 10:41

मेसिन्‍डा हापा मु़चु़मिम उनीमाडा रोम्‍डिमा र्‍वाम्‍डी, “यूहन्‍नाका ने हेल्‍लो वो मेल्‍वाम्‍मा छेखोपमिम रेम्‍मेबु़वा, लावो ओराम येशूकु दुथाम गुका सो़यु़डु़म खोत्‍ले ल्‍वा आच्‍छाङा रेछा।”

लूका 1:76

ए आमा तारापाचो़, खोत्‍लेडाम घ्‍ल्‍वापा माम्‍चु़नीका गानालाई गुमीलाम जेपा दु़म्‍बेनामी, हेङालोने गाना ङाचो़कु ङादो-ङादो उनीमा लाम्‍दी बनेबेप्‍साड्‌डा लना।

मर्कूस 12:12

मेकोतिमा मेर्मिमका येशूलाई चु़म्‍मु माल्‍मिडी, हेङालोने ओराम सीसि-सो़म्‍दी उनीमा दुथाम ङा सो़म्‍डिम र्‍वाक्‍पा मेर्मिमका थेसिथेट्‌मिडी। लावो मे सेर्पा मु़चु़मिमडाम ङिम्‍डिमका गुमीलाई डिन्‍जो़ल्‍मिडिमा लम्‍ल्‍याम्‍डी।

मत्ती 26:5

मेर्मिमका र्‍वाम्‍डी, “लावो सेल्सिमुनेमकु चाडकाम थारीका ने मेएँ, मेएँ माला ने मु़चु़मिम ङाल्‍तो येमी-दुमी।”

मत्ती 21:46

मेर्मिमका येशूलाई चु़म्‍मु माल्‍मिडी, लावो सेर्पा मु़चु़डाम ङिम्‍डी। हेङालोने येशू माम्‍चु़नीलाम-जेपा मु़चु़ र्‍वाक्‍पा सेर्पा मु़चु़का मिम्‍मिडिम बाइडा।

मत्ती 14:5

मेम्‍मिमका हेरोदका यूहन्‍नालाई सेन्‍मु माल्‍लु़म बाइडा, लावो मु़चु़मिमडाम ङिस्‍थाल्‍ला। हेङालोने मेर्मिमका यूहन्‍नालाई माम्‍चु़नीलाम-जेपा र्‍वाक्‍साका मिम्‍थाल्‍मिडी।

लूका 7:30

लावो फरिसी नुङ मोशाकु डु़म्‍ला छो़म थेट्‌पा मु़चु़मिमका ने माम्‍चु़नीका मेर्मिमडला बेम्‍डिम न मेद्‌वाक्‍मिवा। हेङालोने यूहन्‍नालामका कु-रु़दु़म रम्‍डिम मेबायावा।

लूका 20:5

ओराम ल्‍वा थो़म्‍डिमा मेर्मिमका उनी त्‍वाप-त्‍वापडा आरे र्‍वा बोमु चो़म्‍मिडी, “माम्‍चु़नीका र्‍वाक्‍ति माला, ‘गानी हेङा गुडला थो़रमेलु़निवा?’ र्‍वा

लूका 20:7

मेम्‍मिमका मेर्मिमका र्‍वाम्‍डी, “यूहन्‍नाका बालामका साखाम ल्‍वास्‍तु़म मेराम गुकु मेचकु।”