लूका 20:47 - थुलुङ राई

⁴⁷ मेर्मिमका अर्दोमेकु खाप्‍ची लु-फेले बोमिमा पोम्‍सामी, माम्‍चु़नीकु लाम्‍दीडा लाम्दिपा लिम्‍सिमु लागि छो़म दु़पा सो़म्‍दी बोमी। माम्‍चु़नीका मेर्मिमलाई छो़म इम्‍मु मेझापा देन्‍दे ग्‍वामी।”

लूका 20:47 Referans Kwoze

मर्कूस 12:40

मेर्मिमका उमा वोचु़ अर्दोमेकु नेम पोम्‍सामी, मा वो धु़पा-धु़पा सो़म्‍दी बेपा लिम्‍सिमी। आरेप्‍माम मु़चु़मिमका ङा छो़म मेजो़पा देन्‍दे ल्‍वामी।”

याकूब 3:1

वा-ल्‍वाकनी, गुइ मण्‍डलीडा सीपा मु़चु़मिमकाम ने छो़म छो़पा निया दु़म र्‍वाक्‍पा चनी, मेम्‍मिमका गानीगोडाम खोत्‍लेका ने सीपा मु़चु़ दु़म्‍मु मेमाल्‍नी।

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

लूका 12:1

मेकोतिलोङा छो़म सेर्पा मु़चु़मिम खोम्‍सिम्‍डिमका मेर्मिम उनी त्‍वाप-त्‍वापङा देम्‍बेत्तोङा लेट्‌मिडिम बाइडा। येशूका उनी सीसिपामिमलाई ङादो र्‍वामु चो़म्‍मिडी, “गानी फरिसीमिमकु लङखामडाम चङचङया बानी वो। मे लङखाम र्‍वाक्‍मा ने मु़चु़मिमकु मिक्‍सीलामडा जो़पा लिसिक्‍पा मेर्मिमकु खारी सो़।

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

१ थेसलोनिकी 2:5

ओराम ने गानी वो जो़होमका चनी, गुकु हेल्‍लो वो गानीनुङ लोमालेपा ल्‍वा मेबेकुवा, गानीलाम खउलुङ ल्‍वामु लागि गुकु हेल्‍लो वो इनीमा ङोप्‍सो़ मेलिसिट्‌कुवा। आकीमा दुथाम खोत्‍ले ल्‍वापा माम्‍चु़नी बुमी।

मत्ती 23:14

[गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, अर्दोमेमिमलाई ख्‍लो़पा लिन्‍सिनीमा उनी खाप्‍ची पोन्‍सानी। मु़चु़मिमलाई रेम्‍बोमु लागि छो़म धु़प्‍पा सो़म्‍दी बेपा लिन्‍सिनी। मेम्‍मिमका गानी छो़म इम्‍मु मेझापा देन्‍दे ल्‍वानी।]

लूका 20:46

“मोशाकु डु़म्‍ला सीपा पातु़म्‍रीमिमडाम चङचङया बानी वो, माम्‍चु़नीकु लाम्‍दीडा लाम्‍दिपा होङङा ल्‍वाम्‍सिमु लागि क्‍वा लु़पा हुम-ये फसिक्‍साका आनो-मेनो लाम्‍दिपा, मा मु़चु़मिमकु ङादोडा सेव सान्‍ला सो़सिक्‍पा, घ्रो़म्‍दीनेमडा ङादोनोम डोक्‍पु ङाउमिम गन्‍खोपडा गन्‍मु माल्‍पा, मा ग्रुला पेखोपडाम डोक्‍पु मु़चु़ गन्‍खोपडा गन्‍मु माल्‍मी।

लूका 21:1

येशू सो़रनेमगोनो बाम्‍डिलो खाप्‍चीचो़मिमका मेसिन्‍डाम ग्‍वा-ग्‍वा जु़ल्‍पा बाकसडा ग्‍वा-ग्‍वा फिम्‍डिम ल्‍वाम्‍डी।