लूका 20:25 - थुलुङ राई

²⁵ येशूका मेर्मिमलाई र्‍वाम्‍डी, “मेम माला कैसरकाम कैसरलाई ङा ग्‍वाक्‍नी, मा माम्‍चु़नीकाम ने माम्‍चु़नीलाई ङा ग्‍वाक्‍नी।”

लूका 20:25 Referans Kwoze

१ कोरिन्थी 10:31

मेम्‍मिमका गानी पोनी डुनी हाम बोनी लोवो माम्‍चु़नी डोक्‍पु दु़म्‍मिनु़।

थु़र्मा 5:29

लावो पत्रुस नुङ थु़र्मामिमका र्‍वाम्‍डी, “मु़चु़मिमका र्‍वामिमिम ने मेएँ, माम्‍चु़नीका र्‍वामिमिम ङा गुकु थो़मु बासी।

मर्कूस 12:17

मेकोतिमा येशूका मेर्मिमनुङ र्‍वाम्‍डी, “कैसरकाम खोत्‍ले कैसरलाई ङा ग्‍वाक्‍नी, मा माम्‍चु़नीकाम खोत्‍ले माम्‍चु़नीलाई ङा ग्‍वाक्‍नी।” ओराम ल्‍वा थो़म्डिमा मेर्मिम ङाङाया दु़म्‍मिडी।

मत्ती 22:21

मेर्मिमका र्‍वाम्‍डी, “कैसरकाम” गुमीका मेर्मिमलाई र्‍वाम्‍डी, “कैसरकाम कैसरलाई ङा ग्‍वाक्‍नी, मा माम्‍चु़नीकाम माम्‍चु़नीलाई ङा ग्‍वाक्‍नी।”

मत्ती 17:27

लावो मेर्मिमकु छोक्‍चो फम्‍सामु इकी न मिबु, मेम्‍मिमका गाना दिरिदिनयु़ लक्‍सामा कार्चा ओप्‍डा। मे इमा कार्चाडा ख्‍यासिक्‍पा ङादोम ङोकु सि ह्‌वाका, मा इमा नुङ आमा लागि कर सोमु लिट्‍पा मतोकु कोले सिक्‍का डार्ना। मेराम लडामा इमा नुङ आमा कर सोका।”

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

लूका 20:24

“गोलाई कोले खउलुङ रेम्‍बेट्‌ङिनी। आसिन्‍डा सु़कु ङाली नुङ नङ र्‍याक्‍मा बु?” मेर्मिमका र्‍वाम्‍डी, “कैसरकाम।”