लूका 20:21 - थुलुङ राई

²¹ मेकोतिमा मे ल्‍वा खुपा मु़चु़मिमका हिलाबेम्‍डी, “ङाचो़, गानी र्‍वानिमिम नुङ सीनिमिम ल्‍वा जो़पा बु, मा सु़लाई वो चोमिक्‍सी मेबोनी, लावो आच्‍छाङा माम्‍चु़नीकु लाम्‍दी सीनिमी र्‍वाक्‍पा गुकु चकु।

लूका 20:21 Referans Kwoze

मत्ती 22:16

मेर्मिमका उनी सीसिपामिमलाई हेरोद हपलाम बासिक्‍पा मु़चु़मिमनुङ येशूकाडा थु़र्मिडी। मेर्मिमका र्‍वाम्‍डी, “ए ङाचो़, गानी लिमा मेथेनी र्‍वाक्‍साका गुकु चकु। माम्‍चु़नीकु लाम्‍दी जो़होमका सीनिमी। गानी सु़लाम वो मेबान्‍सिनी, मा खोत्‍लेलाई कोहोङङा बोनी।

गलाती 1:10

हाम गो मु़चु़मिमलाई गेर्सी बेन्‍मु माल्‍तोङा लेट्‌पु र्‍वाक्‍पा गानी मिम्‍निमिम? गो ने मु़चु़मिमलाई मेएँ, माम्‍चु़नीलाई गेर्सी बेन्‍मु माल्‍तोङा लेट्‌पु। मु़चु़मिमलाई गेर्सी बेन्‍मु मालु माला ने गो येशू ख्रीष्‍टकु डु़ल्‍चो़ङा मेएँ।

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

मर्कूस 12:14

मेर्मिम उनीमाडा रोम्‍डिमा गुमीनुङ र्‍वाम्‍डी, “ङाचो़, गानी आच्‍छाङाकाम बुनी, मा सु़कामथो़ वो न मेसोनी र्‍वाक्‍पा गुकु चकु, हेङालोने गानी ङाली रेप्‍साका खारी मेबोनी, लावो माम्‍चु़नीकु लाम्दी आच्‍छाङा जो़होमका सो़नी। सो़नीका, कैसरलाई कर सोक्‍सी नु़ डे मेनु़?

गलाती 2:6

मेसिन्‍डाम मण्‍डलीडा कोङनिम नङ दोपा डोक्‍पु मु़चु़मिम बाम्‍डी– लोवो गो ने हे होङङा मेलु़ङुवा, हेङालोने माम्‍चु़नीका चो मिक्‍सी मेबोमी– मेर्मिमका गो दो़उतोम जो़पा-सेलाडा कोले ल्‍वा वो मेकाप्‍मिवा।

लूका 20:20

मेर्मिमका खाप रेम्‍बाल्‍मिडी, मा मेर्मिमका थो़रलु़इमिम लिसिक्‍पा चो़पाचो़मिमलाई येशूकाडा ल्‍वा खुप्‍डा थु़र्मिडी। येशूका जेमिमिम कोङनिम ल्‍वाडा लु-फेले बेसाका चु़म्‍मुमा रोमी सरकारकु ल्‍वाडा ग्‍वामुकाम बाम्‍डी।

लूका 20:22

गुकु रोमी हप कैसरलाई कर सोक्‍सी नु़ डे मेनु़ डे?”