लूका 20:20 - थुलुङ राई

²⁰ मेर्मिमका खाप रेम्‍बाल्‍मिडी, मा मेर्मिमका थो़रलु़इमिम लिसिक्‍पा चो़पाचो़मिमलाई येशूकाडा ल्‍वा खुप्‍डा थु़र्मिडी। येशूका जेमिमिम कोङनिम ल्‍वाडा लु-फेले बेसाका चु़म्‍मुमा रोमी सरकारकु ल्‍वाडा ग्‍वामुकाम बाम्‍डी।

लूका 20:20 Referans Kwoze

लूका 11:54

हेङालोने गुमीका हाम-हुम ल्‍वा र्‍वामी माला चु़म्‍मुकाम बाम्‍डी।

मत्ती 27:2

मेम्‍मा मेर्मिमका गुमीलाई बसाका लम्‍डिमा रोमी किब्‍दी साखामचो़ पिलातसलाई ग्‍वाम्‍डी।

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

लूका 20:26

मेम्‍मिमका मु़चु़मिमकु ङादोडा मेर्मिमका येशूका जेम्‍डिम ल्‍वालाम चु़म्‍मु मेचाप्‍मिवा। मेम्‍मा गुमीका र्‍वाम्‍डिम ल्‍वा थो़म्‍डिमा मेर्मिम ङाङाया दु़म्‍साका बाम्‍डी।

मर्कूस 3:2

येशूकु बुइडला उन्‍मु लागि कोङ-कोङ मु़चु़का मेजो़पा ल्‍वा माल्‍बाल्‍मिडी। मेम्‍मिमका मे ल्‍वा सोक्‍पा मु़चु़लाई ङेम्‍सिमुनेम गुमीका सबेन्‍मी डे मेएँ र्‍वाक्‍साका सु़र्बाल्‍मिडी।

लूका 20:21

मेकोतिमा मे ल्‍वा खुपा मु़चु़मिमका हिलाबेम्‍डी, “ङाचो़, गानी र्‍वानिमिम नुङ सीनिमिम ल्‍वा जो़पा बु, मा सु़लाई वो चोमिक्‍सी मेबोनी, लावो आच्‍छाङा माम्‍चु़नीकु लाम्‍दी सीनिमी र्‍वाक्‍पा गुकु चकु।