लूका 20:19 - थुलुङ राई

¹⁹ मेकोतिमा यहूदीकु डु़म्‍ला सीपा पातु़म्‍रीमिम नुङ ङाउ डु़म्‍लाचो़मिमका ओराम सीसि-सो़म्‍दी आकी कोर्थो़लाम र्‍वाक्‍तो लेन्‍मी र्‍वाक्‍पा चम्‍डी। मेम्‍मिमका मेर्मिमका मेकोतिलोङा येशूलाई चु़म्‍मु माल्‍मिडी। लावो मे मु़चु़मिमडाम मेर्मिम ङिम्‍डी।

लूका 20:19 Referans Kwoze

लूका 20:14

“लावो मे बोम्‍था बेपा मु़चु़मिमका मेरामकु तारापाचो़ बिक्‍तोङा बेपा ल्‍वाम्‍डिमा उनी त्‍वाप-त्‍वापडा आरे र्‍वा बेम्‍डी, ‘होनो बिक्‍तोङा बेपा मु़चु़ ने अङ्‍गूर ये-द डार्पा उ चो़ सो़। गुइ मेरामलाई सेडी, मा खोत्‍ले ओर्मिम ये-द इकीमाङा दु़म।’

मर्कूस 12:12

मेकोतिमा मेर्मिमका येशूलाई चु़म्‍मु माल्‍मिडी, हेङालोने ओराम सीसि-सो़म्‍दी उनीमा दुथाम ङा सो़म्‍डिम र्‍वाक्‍पा मेर्मिमका थेसिथेट्‌मिडी। लावो मे सेर्पा मु़चु़मिमडाम ङिम्‍डिमका गुमीलाई डिन्‍जो़ल्‍मिडिमा लम्‍ल्‍याम्‍डी।

मर्कूस 11:18

मेकोतिमा ङाउ डु़म्‍लाचो़मिम नुङ डु़म्‍ला सीपा पातु़म्‍रीमिमका ओराम थो़म्डिमा येशूलाई हेसाका सेन्‍मु र्‍वाक्‍पा खाप रेम्‍मु चो़म्‍मिडी। लावो मेर्मिम गुमीनुङ ङिम्‍डिम बाइडा, हेङालोने सेर्पा मु़चु़मिम खोत्‍ले ङा उनी सीसिडाम ङाङाया दु़म्‍मिडिम बाइडा।