लूका 20:17 - थुलुङ राई

¹⁷ मेकोतिमा येशूका मु़चु़मिमथो़ रेप्‍तो र्‍वाम्‍डी, “मेम माला माम्‍चु़नीकु ओराम सिजेमका हाम र्‍वामु मालु़मिम? ‘नेम बनेबेपा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता।’

लूका 20:17 Referans Kwoze

थु़र्मा 4:11

गुमी ‘मेराम लुङ ङा सो़, उहेमलाई गानी नेम बनेपामिमका पार्निम बाइडा, मेराम ओम्‍लो नेमकु फारगोयु़म डोक्‍पु सुरलुङ दु़स्‍ताम बु।’

मत्ती 21:42

येशूका मेर्मिमलाई र्‍वाम्‍डी, “माम्‍चु़नीकु सिजेमडा ओराम ल्‍वा हाम गानी हेल्‍लो वो डाट्‌निम मिबु? ‘नेम चिर्पा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता, मिप्रङमाका आरे बेम्‍डी, इकीमा मिक्‍सीलामडा ओराम ङाङाया दु़म्‍सीमिम बु।’

मर्कूस 12:10

हाम गानी माम्‍चु़नीकु सिजेमडा हेल्‍लो वो डाट्‌निम मिबु? ‘उहेम लुङ नेम बनेबेपामिमका पार्मिडी मेराम ङा सुरलुङ दु़स्‍ता,

लूका 22:37

हेङालोने “गुमी ख्‍ल्‍याम्‍याचो़मिमनुङ ङार्सिम्‍डी र्‍वाक्‍साका माम्‍चु़नीकु सिजेमडा आमा दुथाम र्‍याक्‍मा ल्‍वा रोक्‍थिट्‌पा थारी रोक्‍ताम बु। आच्‍छाङा आमा दुथाम र्‍वाक्‍मा खोत्‍ले ल्‍वामिम रोक्‍थित्तोङा लेडु़।”

यूहन्‍ना 15:25

लावो डु़म्‍लाडा आरेसाका र्‍याक्‍मा ल्‍वा होङ्‍ङा रोम्‍थिमु लागि आरेप्‍माम दु़स्‍ताम बाइडा: ‘मेर्मिमका गोलाई मेडेङा मेद्‌वाङमिवा।’

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

लूका 22:61

मेकोतिलोङा ङाचो़ येशू ख्‍लोसिम्‍डिमा पत्रुसलाई रेप्‍मिडी। “थामा नेमसोसोका स्‍वारेपो ओमु ङादो गाना गोलाई सु खेप मेछेपु र्‍वाना” र्‍वाक्‍साका येशूका गुलाई र्‍वाम्‍डिम ल्‍वा पत्रुसका मिम्‍डु़।

मर्कूस 10:23

मेकोतिमा होनो-आथो़ रेप्‍तोङा येशूका उनीमा सीसिपामिमनुङ र्‍वाम्‍डी, “खाप्‍चीनुङमामिम माम्‍चु़नीकु किब्‍दीगोडा हुमु हापा ङा छो़।”

मर्कूस 3:5

येशूका मे लुङ होप्‍माम उनी न ल्‍वाम्‍डिमका उनी गो नो़डा, मा उनी छोक्‍छोका होनो-आथो़ रेप्‍मिडी। मेम्‍मा मेरामलाई र्‍वाम्‍डी, “इमा ल्‍वा थङा।” मेकोतिमा मेरामका उमा ल्‍वा थङडु़, मा उमा ल्‍वा ङादोम होप्‍माङा नु़ल्‍याड्‌डा।

लूका 19:41

येशू यरूशलेम फार्डा रोम्‍फाम्‍डी, मा मे शहर ल्‍वाम्‍डिमा ख्राप्‍मिडी,

एफिसी 2:20

गानी ने नेम होप्‍माम सो़ मा मेराम नेमकु जग ने थु़र्मामिमनुङ माम्‍चु़नीलाम जेपामिम ङा सो़, ख्रीष्‍ट येशू उनी त्‍वाप ने मेराम नेमकु जगडाम डोक्‍पु लुङ सो़।

१ पत्रुस 2:6

हेङालोने माम्‍चु़नीकु सिजेमका आरे र्‍वा, “डोक्‍पु दु़म्‍मुकाम लागि थुट्‌मा नेमकु फारगोयु़म कोले डोक्‍पु लुङ गो यरूशलेमडा जु़लु, मा उहेमका गुमीडला थो़र बु़ मेरामकु नो़-कल हेल्‍लो वो मेल।”