लूका 20:16 - थुलुङ राई

¹⁶ गु रोमा मे बोम्‍था बेपा मु़चु़मिमलाई सेडु़मी, मा अङ्‍गूर ये कोङमीलाई ङा ग्‍वाकु़मी।” मु़चु़मिमका ओराम थो़म्‍डिमा र्‍वाम्‍डी, “आरेप्‍माम हेल्‍लो वो मेदु़म्‍नु़।”

लूका 20:16 Referans Kwoze

लूका 19:27

गो मेर्मिमडला साखाम थो़पुमिम मेद्‌वाक्‍पा मे आमा स्‍वाक्‍चिमो मु़चु़मिमलाई आसिन्‍डा रेट्‌नी, मा मेर्मिमलाई आ ङादोडा सेट्‌नी’।”

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

मत्ती 21:41

यहूदीमिमकु ङाउमिमका गुमीलाई र्‍वाम्‍डी, “गु रोमा मे बोम्‍था बेपा मेजो़पा मु़चु़मिमलाई सेडु़मी, मा अङ्‍गूर थोमिम थारीका दो़दो़वा गुलाई ग्‍वाक्‍पा बोम्‍था बेपा कोङमी मु़चु़मिमलाईङा उ अङ्‍गूर ये ग्‍वाकु़मी।”

मत्ती 22:7

मे हपकाम छो़म उ छोक्‍चो बक्‍ता। मेम्‍मा उ सिपाहीमिम थु़र्स्‍तु़मिमा डु़ल्‍चो़ सेट्‌पामिमलाई सेन्‍बेड्‌डु़मी, मा मेर्मिमकु शहरङा ख्‍याबेड्‌डु़मी।

मत्ती 21:34

अङ्‍गूर प्रो़ट्‌पा थारी दु़स्‍तालो बोम्‍था बेपा मु़चु़काडा उ दो़दो़वा माल्‍ला गुका उ डु़ल्‍चो़मिमलाई थु़र्स्‍तु़मी।

मर्कूस 12:9

“मेकोतिमा मे येकु मु़चु़ रोमा मेर्मिमलाई हे बु़? गु रोमा मे बोम्‍थाम बेपामिम खोत्‍ले ङा सेडु़मी, मा मे अङ्‍गूर ये वाङमिलाई ङा ग्‍वाकु़मी।

लूका 20:15

मेम्‍मिमका मेर्मिमका गुलाई अङ्‍गूर येलामका थु़त्तो पाखा ख्‍लुम्‍डिमा सेट्‌मिडी। ये-दकु मु़चु़का मेर्मिमलाई हे बु़मी?

रोमी 3:4

आरेप्‍माम हेल्‍लो वो मेदु़म, मु़चु़मिम लिमाचो़ दु़म्‍मी लोवो माम्‍चु़नी आच्‍छाङाकाम बुमी। माम्‍चु़नीकु सिजेमडा र्‍याक्‍मा बु, “गानी जेन्‍निम ल्‍वा आच्‍छाङा सो़ र्‍वाक्‍साका मु़चु़मिमका र्‍वामी, मा निया दु़म्‍मिम थारीका गानी घ्‍ल्‍वानी।”

रोमी 3:6

माम्‍चु़नीका देन्‍दे ग्‍वामु र्‍वाक्‍मा मेजो़पा ल्‍वा हेल्‍लो वो मेएँ। मेम माला ने माम्‍चु़नीका सु़म्‍दिसेरडाम मु़चु़मिमकु निया हेसाका बोमु चाम्‍मी मा?

रोमी 3:31

थो़रलामका माम्‍चु़नीकु ङादोडा जो़पा न-गोकाम दु़म्सी माला हाम माम्‍चु़नीकु डु़म्‍ला ने हाम ना हामकाम दु़म मा? मेम ने मेएँ, लावो आच्‍छाङा उनीमा डु़म्‍ला होम्‍साका डे दोसीहोम बुइमिम दु़म।

रोमी 6:2

मेम ने मेदु़म्‍नु़! गुइ छु़लकाम लागि सिइडिम बु, हाम आथावो गुइ छु़लङा बोमुम बुमु मा?

रोमी 6:15

हाम गुइ डु़म्‍लाकु साखाम गोडा मेबुइ, लावो दिदामकु साखामगोडा बुइ र्‍वाक्‍साका गुइ छु़ल बोमु? आरेप्‍माम ने हेल्‍लो वो मेएँ।

रोमी 7:7

मेम माला गुइ हाम र्‍वामु? हाम डु़म्‍लाका ङा छु़ल रेड्‍डु़म मा? मेम ने मेएँ, डु़म्‍लाका ने आमा छु़लमिम रेम्‍बु़डु़। हेङालोने डु़म्‍लाका, “गानी रारी बेसी मेनु़” र्‍वाक्‍साका मेसो़यु़वाम माला ने रारी बोमु जो़पा ल्‍वा मेएँ र्‍वाक्‍साका गो मेचक्‍पुवा ङा।

रोमी 7:13

मेम माला हाम आरेप्‍माम जो़पा डु़म्‍लाका गोलाई सेट्‌ङिडिम मा? मेरामका ने मेएँ, लावो छु़लका डे गोलाई ने सेट्‌ङिडिम सो़। छु़ल ने छु़लङा दु़म्‍नु़ र्‍वाक्‍साका छु़लका जो़पा डु़म्‍लालाम आमा न-गोडा सिमुलाम रेड्‍डु़। आरेसाका जो़पा डु़म्‍लाका र्‍वाक्‍ताम ल्‍वालामका छु़ल हेप्‍माम दु़म आच्‍छाङा रेम्‍बु़डु़।

रोमी 9:14

मेम माला गुइ हाम र्‍वामु? हाम माम्‍चु़नीका निया मेबोमी मा? मेम ने मेएँ!

रोमी 11:1

मेम्मिमका गो हिलाबेउ, हाम माम्‍चु़नीका इस्राएलीमिमलाई ङेट्‌मिडी? हेल्‍लो वो मेएँ, हेङालोने गो आ त्‍वाप वो अब्राहामकु चो़-चु़सु़ बेन्‍यामीनकु दोचो़गोडा गङ्‍डोम कोङ इस्राएली सो़।

रोमी 11:11

मेम्‍मिमका गो र्‍वाङु, “मेर्मिम बमु मेचापा बेसाका उनी खेल तुम्‍डिमा ताम्‍डिम मा?” मेम ने मेएँ, मेर्मिमका थो़रमेलु़मिवामका वाङसामाडाम मु़चु़मिम सेल्‍सिम्‍डी। ओराम ल्‍वामिनु़ मा इस्राएलीमिमका वो नाचु़र बोमिनु़ र्‍वाक्‍पा माम्‍चु़नीकु न बाइडा।

१ कोरिन्थी 6:15

इनीमा मिरो़म ख्रीष्‍टकु मिरो़मगोडाम अंगमिम र्‍वाक्‍पा हाम गानी मेचनी? हाम गो ख्रीष्‍टकु मिरो़मडाम अंगमिमलाई छो़लो़माकु मिरो़मडाम अंग दु़म्‍बेन्‍मु? मेम ने मेदु़म्‍नु़।

गलाती 2:17

लावो येशू ख्रीष्‍टनुङ कोले दु़म्‍साका माम्‍चु़नीकु ङादोडा मुमा मान्‍थिम दु़म्‍मु माल्‍कुलो, गुकु यहूदीमिम लोवो वाङसामामिम होप्‍मामङा छु़लचो़ दु़म्कु माला येशू ख्रीष्‍टका छु़ल बेबेत्तिकिमिम मा? आरेप्‍माम ने हेल्‍लो वो दु़म्‍मु मेचाप्‍सु़।

गलाती 3:21

मेम माला हाम डु़म्‍ला ने माम्‍चु़नीका याचे जेम्‍डिम ल्‍वाकु कोर्थो़लाम मा? मेएँ, डु़म्‍लाका मु़चु़मिमलाई त्‍वारो़म ग्‍वामु चाप्‍सु़वाम माला ने गुइ डु़म्‍ला होम्‍साका दोसाकाङा माम्‍चु़नीकु ङादोडा जो़पा न-गोकाम दु़म्‍सिवा।

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।