लूका 20:13 - थुलुङ राई

¹³ “मेकोतिमा अङ्‍गूर ये-दकु मु़चु़का मिम्‍स्‍ता, ‘गो हाम बोमु? गो छो़म द्‌वाक्‍पुमिम आ तारापाचो़लाई मेर्मिमकाडा थु़रु। गुलाई ने मेर्मिमका डोक्‍पु मिम्‍मी डे।’

लूका 20:13 Referans Kwoze

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”

गलाती 4:4

लावो माम्‍चु़नीका मुलु़ बेम्‍डिम जो़पा थारी रोक्‍फाड्‍डालो गुमीका उनीमा त्‍वाकु तारापाचो़ थु़र्मिडी। गुमी कोले मेसेमलाम यहूदी डु़म्‍लागोडा गम्‍डिम बाइडा।

रोमी 8:3

छु़लनुङमा मु़चु़कु बादीखामका डु़म्‍ला होम्‍साका दोसाका बोमु मेचापा ल्‍वा माम्‍चु़नी उनी त्‍वाकाङा बेम्‍डी। माम्‍चु़नीका उनीमा त्‍वाकु तारापाचो़लाई छु़लचो़ मु़चु़ होप्‍माम दु़म्‍बेसाका थु़र्मिडी, मेम्‍मा मु़चु़मिमकु छु़ल हेम्‍मु लागि उनीमा तारापाचो़कु मिरो़म सासेसाका देन्‍दे ग्‍वाम्‍डी।

यूहन्‍ना 1:34

गो ल्‍वाउतोम बु, मा सो़त्तोङा लेट्‌पु माम्‍चु़नीकु तारापाचो़ गुमीङा सो़।”

लूका 9:35

मेकोतिमा खासेलामका कोले लो़लामका आरे र्‍वाक्‍ता, “ओराम आमा तारापाचो़, गुलाई गो छेत्तोम सो़। ओरामका र्‍वामिम थो़नी वो।”

मत्ती 17:5

गु जेत्तोङा बु़डु़लो झ्‍वाक्‍पा खासेका मेर्मिमलाई हुप्‍डु़मी, मा मे खासेलामका कोले लो़लामका आरे र्‍वाक्‍ता, “ओराम गो छो़म द्‌वाक्‍पुमिम आमा तारापाचो़, ओरामडाम छो़म गेर्सिद्‌वाक्‍पा बुङु। ओरामका र्‍वामिम थो़नी।”

लूका 18:2

“कोले शहरडा माम्‍चु़नीकु ङिम मेजु़ल्‍पा, मा मु़चु़मिमथो़ न मेसोक्‍पा निया बेपा मु़चु़ बाइडा।

लूका 18:4

“कोलेम-नलेम ने गुका मेराम मेसेमकु ल्‍वाङा मेथो़सु़वा। लावो चङडा उ नड्‍डा मिम्‍स्‍ता, ‘गो माम्‍चु़नीडाम वो मेङिङु, मा मु़चु़मिमथो़ वो न मेसोक्‍पु।

लूका 20:12

गुका आथावो कोङमी डु़ल्‍चो़लाई मेर्मिमकाडा थु़र्स्‍तु़। लावो मेर्मिमका मेरामलाई वो छो़म याल्‍मिडिमा खान्‍सोम्‍डी।

लूका 20:14

“लावो मे बोम्‍था बेपा मु़चु़मिमका मेरामकु तारापाचो़ बिक्‍तोङा बेपा ल्‍वाम्‍डिमा उनी त्‍वाप-त्‍वापडा आरे र्‍वा बेम्‍डी, ‘होनो बिक्‍तोङा बेपा मु़चु़ ने अङ्‍गूर ये-द डार्पा उ चो़ सो़। गुइ मेरामलाई सेडी, मा खोत्‍ले ओर्मिम ये-द इकीमाङा दु़म।’