लूका 2:40 - थुलुङ राई

⁴⁰ मे चो़च्‍चो़ येशू बर्तो लम्‍डी, मा नेप्‍ची नुङ सोनुङमा दु़म्‍तो लम्‍डिमा माम्‍चु़नीकु दिदाम गुमीनुङ बाइडा।

लूका 2:40 Referans Kwoze

लूका 2:52

येशू नेप्‍चीडा, मिरो़मडा, माम्‍चु़नी नुङ मु़चु़मिमकु दिदामडा बर्तो लम्‍डी।

लूका 1:80

मे चो़च्‍चो़ यूहन्‍ना बर्तो लस्‍ता, मा माम्‍चु़नी-पेलका गुलाई यु़मचो़ दु़म्‍बेट्‌मिडी। मेकोतिमा इस्राएलीमिमनुङ रेम्‍मेबेसिथु़मसम्‍म गु र्‍याङगो-र्‍याङगोडाङा बाइडा।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

लूका 2:47

गुमीका ल्‍वा थेसिथेट्‌मिडिमा उनी सि ख्‍लोक्‍मिडिम थो़पा मु़चु़मिम खोत्‍ले ङाङाया दु़म्‍मिडी।

२ तिमोथी 2:1

आमा तारापाचो़ होप्‍माम तिमोथी, ख्रीष्‍ट येशूका ग्‍वाक्‍साड्‌डामिम दिदामका गाना यु़मनुङमा दु़प्‍सा।

एफिसी 6:10

हुम-दडा, गानी ङाचो़कु डोक्‍पु यु़मका यु़मनुङमा दु़म्‍नी।

थु़र्मा 4:33

थु़र्मामिम छो़म सोनुङमा दु़म्‍तो येशू सिमुलाम आच्‍छाङा बम्‍गेम्‍डिम ङा र्‍वाक्‍साका हेल्‍लो लोवो सो़मु चो़म्‍मिडी, मा मेर्मिमडला माम्‍चु़नीकु दिदाम छो़म डोक्‍पु बाइडा।