लूका 2:39 - थुलुङ राई

³⁹ मेर्चिपका मिप्रङमाकु डु़म्‍ला होम्‍साका खोत्‍ले खारी बोमु दु़म्‍ची। मेकोतिमा मेर्चिप उची चो़ येशूनुङ गालीलडाम नासरत शहरडा बाट्‌पा उची नेमडा ख्‍लोसिक्‍ची।

लूका 2:39 Referans Kwoze

लूका 2:4

योसेफ दाऊदकु चो़-चु़सु़लाममिम बाइडा। मेम्‍मिमका गु गालीलडाम नासरत देललामका गेले यहूदियाकु बेथलेहेमडा लस्‍ता। मेसिन्‍डा माके दाऊद हपकु नेम बाइडा।

मत्ती 3:15

येशूका गुनुङ र्‍वाम्‍डी, “ओम्‍लो आरेङा बे, हेङालोने माम्‍चु़नीका बेनी र्‍वामिमिम खोत्‍ले बोमु बासी।” मेम्‍मा यूहन्‍नाका कु-रु़दु़म ग्‍वामु बिसिड्‍डा।

लूका 2:51

मेकोतिमा गुमी उनी माम-पापनुङ उनी नेम बाट्‌पा नासरत शहरथो़ ख्‍लोसिम्‍डी, मा उनीमा माम-पापका र्‍वाक्‍चिम होम्‍साका बेम्‍डी। उनीमा मामका हा-हाम दु़स्‍ताम मेर्मिम खोत्‍ले ल्‍वा उमा नडा जु़ल्‍थाड्‌डु़।

लूका 1:6

मेर्चिप निफि ङा माम्‍चु़नीकु न-गो होप्‍माम बाच्‍ची, मिप्रङमाका बेबेट्‌मिडिम खोत्‍ले खारी नुङ डु़म्‍ला जो़होमका बेपा मु़चु़ बाच्‍ची।

लूका 1:26

एलीशिबा गोजु़मे दु़स्‍तामकु रु (६) मुनामका माम्‍चु़नीका गब्रिएल पाह्रीचो़लाई गालीलडाम कोले नासरत र्‍वाक्‍मा देलडा थु़र्मिडी।

लूका 4:16

गुमी नासरत देलडा रोम्‍डी। मेसिन्‍डा गुमी बर्मिडिम बाइडा। गुमी ङादो आथाममिम उनी बादीखाम होम्‍साका ङेम्‍सिमुनेम घ्रो़म्‍दीनेमडा लम्‍डिमा माम्‍चु़नीकु सिजेम डान्‍मु लागि गुमी येम्‍सिम्‍डी।

लूका 4:23

येशूका मेर्मिमलाई र्‍वाम्‍डी, “आच्‍छाङा गानी गोलाई ओराम सीसि सो़म्दी र्‍वानी: ‘ए वैद्य, गाना इ त्‍वाका इ त्‍वापलाई ङा सबेडा। कफर्नहुमडा हा-हाम बेन्‍नाम गुकु थो़त्तोको मेराम होप्‍माम हेल्‍लो वो मेल्‍वाम्‍मा खारी आसिन्‍डा इमा शहरडा वो बे’।”