लूका 2:37 - थुलुङ राई

³⁷ मा अर्दोमे दु़स्‍तामा लेत-ब्‍ल (८४) थ रोक्‍थिड्‌डाम बाइडा। गुका हेल्‍लो वो सो़रनेम मेडिथालु़वा, मा उपास बासाका नुङ सो़म्‍दी बेसाका नेम्‍फु सिन्‍था माम्‍चु़नीकु सो़रलोले बु़थाल्‍लु़।

लूका 2:37 Referans Kwoze

१ तिमोथी 5:5

उहेम आच्‍छाङा अर्दोमे बु, मा मेरामकाम सु़ वो मेबुमी माला, मेरामका माम्‍चु़नीलाम हाम-हुम ल्‍वापा नका नेम्‍फु सिन्‍था याक्‍के दु़म्‍साका ख्‍लो़ला सो़म्‍सिमु सो़म्‍दी बु़।

थु़र्मा 14:23

मेर्चिपका मेर्मिमकु मण्‍डली-मण्‍डलीडा एल्‍डरमिम थुच्‍चिमी। मेकोतिमा सो़म्‍दी नुङ उपास बात्तो मेर्मिमका थो़र लु़म्‍डिम माम्‍चु़नीकु ल्‍वाडा मेर्मिमलाई पार्जो़ल्‍चिमी।

थु़र्मा 13:3

मेम्‍मा उपास बासाका सो़म्‍दी बेम्‍डिम चङडा मेर्मिमका उनी ल्‍वा मेर्चिपडला जु़ल्‍तो माम्‍चु़नीकु ल्‍वाड्‌डा ग्‍वाम्‍डिमा थु़र्मिडिची।

थु़र्मा 26:7

आकी को-न (१२) दोचो़मिमका मे माम्‍चु़नीका र्‍वाम्‍डिम ल्‍वा ल्‍वामुकाम लागि कोले न-थो़मकाम दु़म्‍मिडी, मा नेम्‍फु-सिन्‍था माम्‍चु़नीकु सो़रलोले बेम्‍थाल्‍मिडी। हप अग्रिपास, ओराम ल्‍वाकु दुथाम ङा यहूदीमिमका मेजो़पा ल्‍वामिमका मुमा बेट्‌ङिडिमिम बु।

रेम्‍बेट्‌मिडिम ल्‍वा 7:15

मेम्‍मिमका, ‘मेर्मिम माम्‍चु़नी हप गन्‍खोप ङादोडा बुमी मा माम्‍चु़नीकु सो़रनेम गोडा नेम्‍फु सिन्‍था मेर्मिमका उनीमा लाले-पाङके बोमी, मा हप गन्‍खोपडा गन्‍पा गुमीका मेर्मिमलाई उनी त्‍वापनुङङा बुमु खोम ग्‍वामी।

रेम्‍बेट्‌मिडिम ल्‍वा 3:12

मेजो़पाडला सु़ घ्‍ल्‍वा, गुलाई गो आमा माम्‍चु़नीकु सो़रनेमकु खाँबा होप्‍माम दु़म्‍बेट्‌पु। मेम्‍मा मेलामका गु हाम्‍सी वो मेल। गो गुडला आमा माम्‍चु़नीकु नङ नुङ उनीमा लाले शहर यरूशलेमकु नङ र्‍याक्‍पु। मेराम शहर पाह्रीलाम माम्‍चु़नीलाम यो। मेम्‍मा गुडला आमा लाले नङ वो र्‍याक्‍पु।

लूका 5:33

कोलेम मेर्मिमका येशूलाई र्‍वाम्‍डी, “कु-रु़दु़म ग्‍वाक्‍पा यूहन्‍नाकु सीसिपामिमका हेल्‍लो लोवो सो़म्‍दी बोमी, मा उपास बुमी। फरिसीमिमकु सीसिपामिमका वो मेमङा बोमी। लावो इनीमा सीसिपामिमका ने हेङा पोमी डुमी कोङङा।”