लूका 2:34 - थुलुङ राई

³⁴ शिमियोनका मेर्मिमलाई जि ग्‍वाक्‍तु़मी, मा येशूकु माम मरियमनुङ र्‍वाक्‍ता, “रेप्‍डा, इस्राएलडाम हापा मु़चु़मिमलाई सेल्‍मु मा याङलाई देन्‍दे ग्‍वामु माम्‍चु़नीका ओराम चो़च्‍चो़लाई छेट्‌मिडिम बु। माम्‍चु़नीका गुमीलाई छेखोप होप्‍मामङा थुट्‌मिडिम बु, लावो मु़चु़मिमका गुमीलाई मेद्‌वामी।

लूका 2:34 Referans Kwoze

१ कोरिन्थी 1:23

लावो गुकु ने क्रूसडा चेम्‍सिम्‍डिम ख्रीष्‍टकु दुथाम जो़पा-सेला थो़बेन्‍कुमी, उहेम ने यहूदीमिमलाई तुक्‍पा मा वाङसामामिमकाम लागि ने हाम ना हामकु ल्‍वा बाइडा।

मत्ती 21:44

उहेम मु़चु़ ओराम लुङडला आल, मेराम मु़चु़ स्‍याकारिसी, मा कोङनिमडला ओराम आल्‍स्‍ता माला मेरामलाई योप्‍डु़मा सेडु़।”

१ पत्रुस 4:14

ख्रीष्‍टडा थो़र बेन्‍निमका छेम-छेम दुला सो़न्‍सिट्‌नी माला गानी आलाकाम सो़। हेङालोने माम्‍चु़नीकु यु़मनुङमा पेल गानीगोडा दु़म।

हिब्रू 7:7

याक्‍के मु़चु़का डोक्‍पु मु़चु़लामका जि ल्‍वासु़ र्‍वाक्‍साका खोत्‍लेका च।

रोमी 9:32

हेङालोने मेर्मिमका थो़रमेलु़साका डु़म्‍लालाम कोङङा माम्‍चु़नीकु ङादोडा जो़पा दु़म्‍मु माल्‍मिडिम बाइडा। आरेसाका डु़म्‍ला होम्‍साका दोसाका मेर्मिमका ख्रीष्‍टलाम मेडेङा ल्‍वापा राप्‍लावाडा थो़रमेलु़मिवा। मेम्‍मिमका मेर्मिमकाम लागि ख्रीष्‍ट ने खेल तुक्‍पा लुङ होप्‍माम दु़म्‍मिडी।

थु़र्मा 6:7

माम्‍चु़नीकु सिजेम खोत्‍लेथो़ फोन्‍सिक्‍तो लस्‍ता। मेकोतिमा सीसिपामिम यरूशलेमडा छो़म बर्मिडी, मा डु़म्‍लाचो़मिमगोडाम वो हापाका माम्‍चु़नीडा थो़रलु़म्‍डी।

थु़र्मा 24:5

ओराम मु़चु़ बान्‍तेमेनो थो़मतेर्बाल्‍पा, सु़म्‍दिसेरडा खोत्‍लेथो़म खोत्‍ले यहूदीमिमगोडा रिबुसी किट्‌पा, मा नासरी दलगोडाम उनीमा डोक्‍पु मु़चु़ गुकु डार्तोकोम बु।

थु़र्मा 17:6

पावल नुङ सिलासलाई मेसिन्‍डा मेडार्मिवामका मेर्मिमका यासोन नुङ कोङ-कोङ थो़रलु़पामिमलाई शहरडाम साखामचो़मिमकाडा येत्तो रो़-रो़न्‍थु़त्तो रेट्‌मिडी, “सु़म्‍दिसेरडा खोत्‍लेथो़ ब्‍लो़ब्‍बाल्‍पा पावल नुङ सिलास आसिन्‍डा वो रोक्‍फाम्‍चिम बु।

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

थु़र्मा 4:26

मिप्रङमा नुङ गुमीका थुट्‌मिडिम मेराम उनी चो़ मसीहकु कोर्थो़लाम सुबुडाम हपमिम बम्‍डी, मा साखामचो़मिम कोदेप खोम्‍सिम्‍डी।’

यूहन्‍ना 5:18

मेम्‍मिमका यहूदी ङाउमिमका येशूलाई सेन्‍मु छो़म माल्‍मिडी। हेङालोने गुमीका ङेम्‍सिमुनेम बेसिमेनु़पा खारी बेम्‍डिम कोङङा मेएँ, लावो त्‍वापङा माम्‍चु़नीनुङ कोहोप्‍माम बेसिसाका माम्‍चु़नीलाई उनी त्‍वाकु पाप वो र्‍वाम्‍डिम बाइडा।

यूहन्‍ना 3:20

मेजो़पा खारी बेपा खोत्‍ले मु़चु़का ओल मेद्‌वामी, मा मेर्मिमकु छु़लमिम रेम्‍बेम्‍सिप्‍मि र्‍वाक्‍पा ङिमका ओलकु फार्डा मेलमी।

मत्ती 27:63

मा र्‍वाम्‍डी, “ङाचो़, मेराम लुचो़ नु़पा बाइडालो ‘सुलेमका सिमुलाम बम्‍गेङु’ र्‍वाक्‍ताम आकी नडा बु।

मत्ती 12:46

येशू सेर्पा मु़चु़नुङ जेत्तोङा लेट्‌मिडिलो उनी माम नुङ ल्‍वाकमिम पाखानो येम्‍तासिट्‌पा बाम्‍डी, मा गुमीनुङ ल्‍वा बेपा मेर्मिमकु न बाइडा।

मत्ती 11:19

मिनीचो़ योक्‍ता, गुका पु़डु़-डुङडु़, मा खोत्‍लेका र्‍वाम्‍डी, ‘रेप्‍नी, पोम्सा, डु़सेवा मा कर फक्‍पा नुङ छु़लचो़मिमकु ङोप्‍सो़।’ लावो जो़पा नेप्‍ची बु र्‍वाक्‍पा उ खारीलामकाङा छे।”

हिब्रू 7:1

मल्‍कीसेदेक शालेम शहरडाम हप नुङ खोत्‍लेडाम डोक्‍पु माम्‍चु़नीकु डु़म्‍लाचो़ बाइडा। अब्राहामका ब्‍लले हपमिमनुङ क्‍वाल्‍बा बोमुडाम घ्‍ल्‍वासाका ख्‍लोसिक्‍तोङा लेड्‌डु़लो मल्‍कीसेदेकका गुलाई क्रो़म्‍स्‍तु़मा जि ग्‍वाक्‍तु़।

थु़र्मा 28:22

लावो गानी हाम र्‍वामु माल्‍निमिम बु, मेराम थो़मु आकीमा न बु। हेङालोने ओराम दलकु कोर्थो़लाम खोत्‍लेका बान्‍तेमेनो जेम्‍बाल्‍मि र्‍वाक्‍पा कोङङा गुकु चकुमिम बु।”

लूका 2:35

मेम्‍मा आरेसाका हापा मु़चु़मिमकु न-गो ल्‍वासिक्‍पा दु़म, मा कातु़रु़का ख्‍वाकु़मिम होङङा इमा वो थो़म्‍बोक दु़खाका ख्‍वाकु़।”