25 मेकोतिलो शिमियोन नङकाम कोले मु़चु़ यरूशलेमडा बाइडा। गु माम्चु़नीकु न-गो होप्माम नुङ उनी न होम्साका दोपा, मा ख्रीष्ट योमिमा इस्राएलीमिमलाई बोमी-थार्मिमिम लथाक्पा मु़चु़ बाइडा। माम्चु़नी-पेल गुनुङ बाम्डी,
मेर्चिप निफि ङा माम्चु़नीकु न-गो होप्माम बाच्ची, मिप्रङमाका बेबेट्मिडिम खोत्ले खारी नुङ डु़म्ला जो़होमका बेपा मु़चु़ बाच्ची।
शिमियोनका मरियम, योसेफनुङ जेमु दु़म्स्तु़लो हन्ना मेसिन्डा रोक्तामा माम्चु़नीलाई आलासो़ ग्वाक्तु़, मा यरूशलेमडाम मु़चु़मिम सेल्सिमिमिम थारी लथाक्पामिम खोत्लेनुङ गुका मे चो़च्चो़ येशूकु दुथाम सो़यु़डु़।
अरिमाथियाडाम योसेफ मेङिसाका येशूकु सिपा रो़म बिप्डा पिलातसकाडा लस्ता। गु माम्चु़नीकु किब्दी लत्तोङा बेपा यहूदीमिमकु डोक्पु-घ्रो़म्दीडाम कोले ङाउ मु़चु़ बाइडा।
मरियमका सेव र्वाक्ताम थो़स्तु़ मेडे एलीशिबाकु ङेलगोनो बाट्पा चो़च्चो़ दोस्ता, मा एलीशिबा माम्चु़नी-पेलका लु़न्सिड्डा,
हेङालोने माम्चु़नीलाममिम जेसी हेल्लो वो मु़चु़कु नलामका लुक्ताम मेएँ, लावो माम्चु़नी-पेलका जेबेट्मिडिमा मु़चु़मिमका माम्चु़नीलाम जेम्डिम बाइडा।
लावो वाङमिम ङाउमिमका येशूकु कोर्थो़लाम बेम्डिम मुलु़ नुङ खारी बोमुडा गु मेबासावाम बाइडा। गु यहूदियाडाम अरिमाथिया शहरडाम मु़चु़ बाइडा, मा माम्चु़नीका साखाम थो़पा थारी गुका लथाड्डु़म बाइडा।
मेम्मिमका मु़चु़ नुङ माम्चु़नीकु ङादोडा हेल्लो लोवो आमा त्वाकु चाप्सी गो जो़पा न-गो जु़लु।
मेर्मिमका र्वाम्डी, “गुकु कप्तान कर्नेलियसका थु़र्तिकिम बु। गुमी माम्चु़नीकु मिक्सीलामडा जो़पा खारी बेपा नुङ माम्चु़नीकु ङिम जु़ल्पा, मा खोत्ले यहूदीमिमका जो़पा माल्मिडिम कोङ मु़चु़ बुमी। इनीमा सिजेम गुमीका थो़मु माम्चु़नीकु कोङ पाह्रीचो़का गानी कर्नेलियसकु नेमडा येन्बेट्निमिम बु।”
कर्नेलियस माम्चु़नीकु सो़रलोले बेपा मु़चु़ बाइडा। गु नुङ उ नेमडाममिम खोत्लेका माम्चु़नीकु ङिम जु़ल्थाल्मिडी। गुका उनी हाम वो मेबाट्पा मु़चु़मिमलाई छो़म खाप्ची ग्वाक्साका हेल्लो लोवो माम्चु़नीडा सो़म्दी बु़थाल्लु़।
यूहन्नाकु पाप जकरिया माम्चु़नी-पेलका लु़न्सिड्डा, मा माम्चु़नीलाम जेमु चो़म्डु़,
मेकोतिलो सुबुडाम खोत्ले किब्दीलामका माम्चु़नीकु ङिम जु़ल्पा खोत्ले यहूदीमिम यरूशलेमडा रोम्डिम बाइडा।