लूका 2:15 - थुलुङ राई

¹⁵ पाह्रीचो़मिम मेलामका पाह्रीथो़ ख्‍लोसिम्‍डी मा मे रेपा-क्रिपा मु़चु़मिमका उनी त्‍वाप-त्‍वापडा आरे र्‍वाबेम्‍डी, “दो, गुइ मे बेथलेहेमनो लक्‍सी मा मिप्रङमाका गुइनुङ सो़म्‍डिम ल्‍वा मेसिन्‍डा हाम दु़स्‍ताम रेछा रेप्‍डी।”

लूका 2:15 Referans Kwoze

१ पत्रुस 3:22

ख्रीष्‍ट पाह्रीला लम्‍डी मा माम्‍चु़नीका खोत्‍ले पाह्रीचो़मिम, साखाम नुङ यु़म बाट्‌पा धामुलाम पेलमिमलाई येशू ख्रीष्‍टकु साखामगोडा बेसाका गुमीलाई उनीमा जो़प ल्‍वालाम गन्‍बेट्‌मिडिम बु।

लूका 24:51

गुमीका मेर्मिमलाई जि ग्‍वाक्‍तोङा बेम्‍डिलो मेर्मिमलाई पार्जो़ल्‍मिडिमा पाह्रीथो़ कोम्‍सिम्‍डी।

मत्ती 12:42

निया दु़म्मिम नेम रायला नेब्‍दीडाम मेसेम हप आथामबिलिम मु़चु़मिमकु कोर्थो़लाम ब, मा मुमा बेडु़मी। हेङालोने सोलोमन हपकु नेप्‍चीनुङमा सीसि थो़प्‍डा सुबु बिर्खोपलामका मेराम रोक्‍ताम बाइडा। लावो ओराम चनी, सोलोमनडाम वो घ्‍ल्‍वापा कोङनिम आसिन्‍डा बु।

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

लूका 2:16

मेर्मिम ओन्‍तो लम्‍डी, मा मेसिन्‍डा मेर्मिमका मरियम, योसेफ नुङ बोक्‍सागोयु़ आम्‍थाट्‌मा चो़च्‍चो़लाई डार्मिडी।