लूका 2:14 - थुलुङ राई

¹⁴ “खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

लूका 2:14 Referans Kwoze

रोमी 5:1

मेम्‍मिमका थो़रलाम जो़पा न-गोकाम दु़स्‍तिम बु मा इकीमा ङाचो़ येशू ख्रीष्‍टलाम माम्‍चु़नीनुङ इकीमा न-थो़म घ्रो़म्‍बेसाड्‍डामिम बु।

लूका 19:38

“मिप्रङमाकु नङडा योक्‍पा हप आलाकाम सो़। माम्‍चु़नी नुङ मु़चु़कु न-गो भ्रसिनु़ मा पाह्रीला माम्‍चु़नीकु यु़म-झ्‍वानु़।”

कलस्‍सी 1:20

माम्‍चु़नीका क्रूसडला ख्रीष्‍ट सासेन्‍सिम्‍डिम सिसिका न-थो़म घ्रो़म्‍बेसाका सुबुडाम नुङ पाह्रीलाम खोत्‍लेलाई ख्रीष्‍टलामका गुमीनुङ कोदेप बोमु वो द्‍वाम्डी।

लूका 1:79

मा तुकुम्‍चिमडा नुङ सिमुलाम खोपा मु़चु़मिमडला मेराम झ्‍वा, मेम्‍मा गुमीका इकीमा न भ्रसी बेन्‍मी।”

रेम्‍बेट्‌मिडिम ल्‍वा 5:13

मेम्‍मा पाह्रीला, सुबुडा, सुबु ध्‍वायु़ मा दिरिदिनगोयु़ नुङ मेगोडा बाट्‌पा सामनुङमा खोत्‍लेका आरे र्‍वाक्‍तो काम्‍सो बेम्‍डिम बाम्‍डिम थो़उतो: “मे हप गन्‍खोपडा गन्‍पा नुङ भेन्‍दाचो़काम हेल्‍लो लोवो नङ कोसिनु़, नङ डोक्‍पु दु़म्‍नु़, यु़म झ्‍वानु़ मा यु़म दु़म्‍नु़म बुनु़।”

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

यूहन्‍ना 17:4

गानी गोलाई बेबेट्‌ङिडिनिम खारी बेसोक्‍साका सुबुडा इनीमा यु़म झ्‍वाबेत्तोम बु।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

फिलिप्‍पी 2:11

मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

लूका 3:22

मा माम्‍चु़नी-पेल तुक्‍तुकुर होङ्‍ङा बेपा गुमीडला योम्‍डी। मेम्‍मा पाह्रीलामका आरे र्‍वाक्‍पा लो़लाम जेस्‍ता, “गाना गो छो़म द्‌वानिमिम आमा तारापाचो़, गानाडाम गो छो़म गेर्सिद्‌वाक्‍पा बुङु।”

मत्ती 21:9

येशू मु़चु़मिमकु थेतेडा बाम्‍डी, मा उनी होनोलाम-आथो़लाम बाट्‌पा खोत्‍ले मु़चु़मिमका आरे र्‍वाक्‍तो येम्‍डी, “दाऊदकु तारापाचो़लाई होसन्‍ना! मिप्रङमाकु नङडा योक्‍पा गुमी जिनुङमा सो़! येप्‍पा पाह्रीलाम माम्‍चु़नीलाई होसन्‍ना!”

एफिसी 1:9

माम्‍चु़नीका येशू ख्रीष्‍टलाम बेउसोक्‍पु र्‍वाक्‍साका नभ्रसिक्‍तो मुलु़ बेम्‍डिम मेराम थक्‍मा ल्‍वा खोत्‍ले उनीमा नेप्‍ची नुङ थेसीथेट्‍पा नका गुइलाई रेम्‍बेसाड्‍डामी।

एफिसी 1:6

मेम्मिमका गुमीका द्‌वादीबुङ उनीमा चो़ ख्रीष्‍टलामका गुइलाई मेडेङा ग्‍वाक्‍साड्‌डामिम ङाङाया दु़म्‍सीमिम उनीमा डोक्‍पु दिदामकाम लागि गुइ आलासो़ र्‍वाकी।

फिलिप्‍पी 2:13

हेङालोने गानी गुमीलाई गेर्सिबेट्‌पा खारी बोमु चापा नुङ बोमु माल्‍पा दु़म्‍बेन्‍मु लागि माम्‍चु़नीकाङा गानीगोडा खारी बेत्तोङा लेन्‍मी।

एफिसी 2:7

रोक्‍पा थारीमिमडा हेल्‍लो लोवो गुइलाई बेसाड्‌डामिम डोक्‍पु रिखाम रेम्‍बोमुलाई ओर्मिम खोत्‍ले बेम्‍डी। ओराम रिखाम गुमीका गुइलाई ङाचो़ येशू ख्रीष्‍टलामका रेम्‍बेम्‍डिम बु।

एफिसी 2:4

लावो माम्‍चु़नी छो़म न-थो़मनुङमा बुमी मा गुइलाई छो़म रिखाम बेसाड्‌डामी।

यूहन्‍ना 14:27

न-भ्रसी गो गानीनुङ पार्जो़लु, मा आमा न-भ्रसी गो गानीलाई ग्‍वानिनी। गानी ओराम सु़म्‍दिसेरका ग्‍वाक्‍पा होप्‍माम न-भ्रसी गो मेग्‍वानिनी। इनी न-गो मेभ्रसिक्‍पा मेदु़म्‍नी, मा मेङिनी।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

लूका 2:13

मेकोतिलोङा कोचोत्ति वाङमी छो़म सेर्पा पाह्रीचो़मिम मे पाह्रीचो़नुङ काम्‍सिम्‍डी। मेकोतिमा माम्‍चु़नीकु नङ कोक्‍तो आरे र्‍वाम्‍डी,

लूका 2:15

पाह्रीचो़मिम मेलामका पाह्रीथो़ ख्‍लोसिम्‍डी मा मे रेपा-क्रिपा मु़चु़मिमका उनी त्‍वाप-त्‍वापडा आरे र्‍वाबेम्‍डी, “दो, गुइ मे बेथलेहेमनो लक्‍सी मा मिप्रङमाका गुइनुङ सो़म्‍डिम ल्‍वा मेसिन्‍डा हाम दु़स्‍ताम रेछा रेप्‍डी।”