लूका 2:11 - थुलुङ राई

¹¹ आनेप दाऊदकु शहरडा गानीलाई सेल्‍पा कोले मु़चु़ ङाचो़ ख्रीष्‍ट गम्‍डिम बु।

लूका 2:11 Referans Kwoze

मत्ती 1:21

गुका कोले तारापाचो़ कक्‍सु़, मा गाना उनीमा नङ येशू बाबेना, हेङालोने गुमीका उनी त्‍वाकु मु़चु़मिमलाई मेर्मिमकु छु़लमिमडाम सेल्‍मी।”

थु़र्मा 2:36

“मेम्‍मिमका इस्राएलडाम खोत्‍ले मु़चु़मिमका जो़होमका चमिनु़, गानी क्रूसडा चेट्‌निम येशूलाई माम्‍चु़नीका ङाचो़ नुङ ख्रीष्‍ट बनेबेम्‍डी।”

मत्ती 16:16

सिमोन पत्रुसका र्‍वाक्‍ता, “गानी ख्रीष्‍ट, हेल्‍लो लोवो बाट्‌पाम बाट्‌पा माम्‍चु़नीकु तारापाचो़।”

लूका 1:43

आमा ङाचो़कु माम आमाडा रोम्‍डी। हेङामा माम्‍चु़नीका गोडला आकोम न-थो़म रेम्‍बेम्‍डी?

१ यूहन्‍ना 5:1

उहेम मु़चु़का येशूङा ख्रीष्‍ट र्‍वाक्‍पा थो़र बु़, मेराम मु़चु़ माम्‍चु़नीकु चो़च्‍चो़ सो़। मेम्‍मा उहेम मु़चु़का पापलाई रिखाम बु़ उनीमा चो़मिमलाई वो मेरामका रिखाम बु़।

फिलिप्‍पी 2:11

मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

यूहन्‍ना 4:42

मेर्मिमका मे मेसेमलाई र्‍वाम्‍डी, “गाना र्‍वाक्‍नामका कोङङा गुकु थो़र बेत्तोकोम मेएँ, गुकु आकी त्‍वाकाङा थो़त्तोकोमका, मा गुमी आच्‍छाङा सु़म्‍दिसेरलाई सेल्‍पा मु़चु़ रेछा र्‍वाक्‍पा ल्‍वा चक्‍तोकोमका।”

लूका 2:4

योसेफ दाऊदकु चो़-चु़सु़लाममिम बाइडा। मेम्‍मिमका गु गालीलडाम नासरत देललामका गेले यहूदियाकु बेथलेहेमडा लस्‍ता। मेसिन्‍डा माके दाऊद हपकु नेम बाइडा।

मत्ती 1:16

मरियमकु वोचु़ योसेफकु पाप याकूब बाइडा। मे मरियमलाम येशू गम्‍डी, गुमीलाई ख्रीष्‍ट र्‍वामी।

१ कोरिन्थी 15:47

ङादोम मु़चु़ आदम सुबुडाम क्‍वाकाम बाइडा, चङडाम मु़चु़ ख्रीष्‍ट, पाह्रीलामका योम्‍डी।

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

१ यूहन्‍ना 4:14

गुकु ल्‍वात्तोकोम बु मा मेराम सो़कु, सु़म्‍दिसेरलाई सेल्‍मु लागि पापका उनीमा तारापाचो़ थु़र्मिडी।

यूहन्‍ना 1:45

फिलिपका नथानेललाई डार्डु़मा र्‍वाक्‍ता, “मोशाकु डु़म्‍लाडा नुङ माम्‍चु़नीलाम-जेपामिमका कोले मु़चु़कु दुथाम र्‍वाम्‍डिम मेराम मु़चु़लाई गुकु डार्तोको। गुमी नासरतडाम योसेफकु तारापाचो़ येशू।”

थु़र्मा 17:3

ख्रीष्‍टका दु़खा ल्‍वासाका सिम्‍डी। मेम्‍मा सिमुलाम बम्‍गेम्‍डी र्‍वाक्‍पा मेर्मिमनुङ रेम्‍बु़डु़। मेकोतिमा गुका र्‍वाक्‍ता, “ख्रीष्‍टकु दुथाम गो गानीनुङ सो़उहोम बुङुमिम गुमी येशू ङा सो़।”

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

यूहन्‍ना 6:69

गानी माम्‍चु़नीकु नङका साट्‌पा मु़चु़ र्‍वाक्‍साका गुकु चकु मा थो़र बोकु।”

यूहन्‍ना 1:41

ङादो गुका उ वा सिमोन पत्रुसलाई क्रो़म्‍डु़, मा गुनुङ र्‍वाक्‍ता, “गुचुकु मसीहलाई (मसीह र्‍वाक्‍मा ख्रीष्‍ट) डार्चोकोम बु।”

मत्ती 16:20

गुमीका उनी सीसिपामिमलाई गुमी ख्रीष्‍ट र्‍वाक्‍पा ल्‍वा सु़नुङ वो मेसो़मु र्‍वाक्‍साका ङिम्‍साट्‌मिडी।

कलस्‍सी 2:6

मेम्‍मिमका ख्रीष्‍ट येशूलाई ङाचो़ र्‍वाक्‍साका रन्‍निम होङङा गुमीडा दोनिम बानी।

फिलिप्‍पी 3:8

मेकोति कोङङा मेएँ, ख्रीष्‍ट येशू आमा ङाचो़लाई छेत्तोमका हापा थिकाम ल्‍वानुङ थो़प्‍सीडा खोत्‍ले ल्‍वा हाम वो मेएँ र्‍वाक्‍पा लु़ङु। ख्रीष्‍टलाई गो ल्‍वाउनु़ मा गो गुमीनुङ दु़म्‍ङुनु़ र्‍वाक्‍साका खोत्‍ले ल्‍वा हाम ना हामकाम दु़म्‍बेत्तो मा मेर्मिम ने पारिमिम घ्राम्‍लु़पा कोतिम लु़ङु।

यूहन्‍ना 11:27

मार्थाका र्‍वाक्‍ता, “अँ ङाचो़, गो थो़रलु़ङु, ओराम सु़म्‍दिसेरडा योक्‍पा माम्‍चु़नीकु तारापाचो़ गानी ख्रीष्‍ट।”

यूहन्‍ना 7:41

याङका र्‍वाम्‍डी, “गु ख्रीष्‍ट।” आथावो कोङ-कोङका र्‍वाम्‍डी, “हाम ख्रीष्‍ट गालीललामका रोमी मा?

लूका 2:26

मा “मिप्रङमाकु ख्रीष्‍ट मेल्‍वाथु़मसम्‍म इमा साम मेल” र्‍वाक्‍साका माम्‍चु़नी-पेलका गुलाई रेम्‍बेम्‍डिम बाइडा।

लूका 1:69

गुमीका इकीमा लागि उनी त्‍वाकु डु़ल्‍चो़ दाऊदकु चो़-चु़सु़मिमगोलामका सेल्‍पा कोले यु़मचो़ ग्‍वाक्‍साड्‌डामिम बु।

यूहन्‍ना 4:25

मे मेसेमका र्‍वाक्‍ता, “मसीह (मसीह र्‍वाक्‍मा ख्रीष्‍ट) योमी। मेम्‍मा गुमी योमिमा खोत्‍ले ल्‍वा गुकुनुङ सो़मी र्‍वाक्‍पा गो चक्‍पु।”

थु़र्मा 13:23

“माम्‍चु़नीका ङादो र्‍वाम्‍डिम होम्‍साका दाऊदकु चो़-चु़सु़मिमलामका इस्राएलीमिमलाई सेल्‍पा येशू रेट्‌मिडी।